Fall for His Majesty

Episode 20

1).

Castiel ကိုယ်ရံတော်အဆောင်သို့ သတင်းပို့ပြီးလျှင် နန်းတွင်းစစ်ဆေးရေးအဖွဲ့မှ အခေါ်လွှတ်၍ လိုက်သွားရပြန်သည်။ ထိုမှတစ်ဆင့် မြို့တော်တရားရုံးသို့ကူး၍ ဖမ်းမိထားသူမှာ မြို့စား Dick Roman ၏ ညာလက်ရုံး Edgar ဖြစ်ကြောင်းကို Castiel က ထပ်မံအတည်ပြုပေးရ၏။ ပူးတွဲတရားခံအဖြစ်သံသယရှိသူအနေနှင့် သတ်မှတ်ထားသော်လည်း စစ်ဆေးမေးမြန်းခြင်းမရှိသေးဘဲ တရားခံသတ်သေသည့်အခြေအနေ ဖြစ်မလာစေရန်နှင့် နှုတ်ပိတ်လုပ်ကြံမခံရစေရန် ထိန်းသိမ်းထားရုံမျှသာ ဖြစ်လေသည်။

ဖြစ်ပျက်ခဲ့သမျှသော မြေပြင်အခြေအနေတို့ကို Castiel တင်ပြပြီးချိန်တွင် နေဝင်မိုးချုပ်နေပြီဖြစ်သည်။ မနက်ကတည်းက နန်းတွင်းဝင်သတင်းပို့ပြီးနောက် သခင်မလေး Meg ထံသို့လည်း ရောက်ရှိကြောင်းသတင်းပို့ရုံမျှသာ ဝင်ရောက်တွေ့ဆုံခဲ့ရပြီး လက်ထောက်ကိုယ်ရံတော်အဖွဲ့မှူး၏ အမှာစကားအတိုင်း ကိုယ်ရံတော်အဆောင်သို့ပြန်ခဲ့ရာမှ ယခုအထိအနားမရသေးပေ။ တရားရုံးတော်၌ပင်ရှိနေစဉ် နယ်စားမင်း၏မိတ်ဆွေအမတ် ရောက်လာ၏။

ထိုအခါတွင် နောက်ထပ်ရရှိသည့် သူဌေး Asmodeus ၏သတင်းကိုပါ ထပ်မံရှင်းပြရပြီး ဖမ်းမိထားသည့် တစ်ဖက်နိုင်ငံမှလက်နက်မှောင်ခိုကုန်သည်ကို လွှဲပြောင်းရယူမည့်ကိစ္စအတွက် စီစဉ်ရာတွင် Balthazar နှင့်ချိတ်ဆက်ရန် ကူညီရပြန်၏။

ကိစ္စများပြီး၍ နန်းတွင်းကိုယ်ရံတော်အဆောင်သို့ ပြန်ဝင်ရန်ပြင်ချိန်တွင် အရုဏ်တက်တော့မည်။ ထို့ကြောင့် မနက်မိုးစင်စင်လင်းမှသာ ပြန်ဝင်ရတော့၏။
ထိုအချိန်တွင် အဆောင်မှူး၏ဩဝါဒတို့က ရောက်လာပြန်သည်။
အထူးတာဝန်ပါ ပူးတွဲပါလာသည်ကိုသိသော်လည်း ကိုယ်ရံတော်များ၏ စည်းမျဉ်းစည်းကမ်းများအရ နန်းပြင်ထွက်ရန် မည်သို့သတင်းပို့၍ မည်သို့လုပ်ဆောင်ရမည်ဖြစ်ကြောင်းမှ အစပြုကာ ယခုမှရောက်သူကိုပို့ချချက်များက မဆုံးနိုင်သည်ကို သည်းခံနိုင်ပါသော်လည်း ခစားရမည့်သခင်မလေးမှာ ကြင်ယာတော်လောင်းလျာသာ ဖြစ်နေသေးကြောင်း အသိပေးလာသည့်အခါ သည်းမခံနိုင်တော့ပေ။