Lisa တို့ တောအုပ်အတွင်းရှိစမ်းချောင်းလေး၌ ကိုယ်လက်သန့်စင်နေကြစဉ် တောခြောက်သံကဲ့သို့ သစ်ပင်များ၏လှုပ်ရှားသံများကို ကြားရသည်။ ထို့ကြောင့် အတူပါလာသောအပျိုတော်များအပါအဝင် မိမိပါထိတ်လန့်သွားကာ တစ်နေရာတည်း၌စုမိကြသည်။ မိမိ၏ကိုယ်ရံတော်အပါအဝင် ရဲမက်များက အန္တရာယ်ကိုရင်ဆိုင်ရန်ဟန်ပြင်နေစဉ် ထင်မထားသည့်လူသုံးဦးက မြင်းကိုယ်စီစီး၍ မိမိတို့အရှေ့၌ပေါ်လာသည်။ ထိုလူများအနက် ဗလတောင့်တောင့်နှင့် အနည်းငယ်ကြောက်စရာကောင်းဟန်တူသောလူက မိမိတို့အားစူးစိုက်ကြည့်ကာ
"မင်းတို့က ဘယ်သူတွေလဲ ... ဒီမှာ ဘာလုပ်နေတာလဲ"
ဟု မေးသည်။ ထို့ကြောင့် မိမိကပင်
"ငါတို့က တခြားနိုင်ငံကနေ ဒီကိုကုန်သွယ်ဖို့ရောက်လာတဲ့လူတွေပါ ... ဘာများဖြစ်လို့လဲ"
ဟု ထိုလူ့မေးခွန်းကို အဖြေပေးလိုက်သည်။ ဤအဖြေစကားကိုကြားသောအခါ ထိုလူက မိမိအားမျက်မှောင်ကြုတ်၍ကြည့်ကာ
"မင်းတို့ရောက်နေတာ အိမ်ရှေ့စံမင်းသားရဲ့ဥယျာဉ်ထဲကို"
ဟု ပြောသည်။ ပြောရင်းနှင့်လည်း တံဆိပ်ပြားတစ်ခုကို ထုတ်ပြသည်။ 'ကိုယ်ရံတော်' ဟု တံဆိပ်ပြားတွင်ထွင်းထားသည်ကိုတွေ့ရသဖြင့် ထိတ်လန့်သွားကာ
"ဒီနေရာက အိမ်ရှေ့စံမင်းသားရဲ့နေရာဆိုတာကို ငါတို့တကယ်မသိလို့ပါ... အခုချက်ချင်းထွက်သွားပေးပါ့မယ်"
ဟု ပြောလိုက်သည်။ မိမိစကားကိုကြားသည်နှင့် အခြားသူများက နေရာမှခွာရန်ပြင်ကြသဖြင့် မိမိလည်း ကိုယ်ရံတော်ကိုမျက်နှာရိပ်ပြကာ နေရာမှခပ်သွက်သွက်ထွက်လာခဲ့လိုက်သည်။
♕♔♛♞
နန်းတော်ထဲသို့ပြန်မည့်အရေးကို တော်တော်နှင့်မပြန်ဘဲ ရန်ဖြစ်နေကြသော Garth နှင့် Benny ကြောင့် Dean စိတ်ရှုပ်လာကာ မြို့ပြင်ရှိဥယျာဉ်တော်ဆီသို့ဦးတည်၍ မြင်းကိုနှင်လာခဲ့လိုက်သည်။
သို့သော် ....
ဥယျာဉ်တော်အတွင်းသို့ မိမိထက်အရင်ရောက်နှင့်သူက ရှိနေသည်။ ဤတစ်နိုင်ငံလုံး ဤနေရာသည် မိမိပိုင်သောနေရာဖြစ်ကြောင်းသိကြသဖြင့် ယခုရောက်နေသူသည် ဤနိုင်ငံအတွင်းမှပြည်သူမဖြစ်နိုင်။ လတ်တလောအခြေအနေများအရ သူလျှိုဖြစ်နိုင်ခြေပိုများသောကြောင့် အနောက်မှရန်ဖြစ်ရင်းလိုက်လာကြသူနှစ်ယောက်ကိုစောင့်ပြီး စောစောပိုင်းကမီးခိုးငွေ့မြင်ခဲ့ရသောနေရာဆီသို့ ချဉ်းကပ်လာခဲ့လိုက်သည်။
YOU ARE READING
Fall for His Majesty
Historical FictionDestiel Kingdom Story by IX & Demon . Complete 52 parts ~~~~~~~~~~~~~~ ကြယ်တွေဆီ မျောပါလို့ ဒဏ်ရာတွေ ထင်ရှားလာရင်း အကြောက်တရားတွေ နှိမ်ချိုး ကျွန်တော်မျိုးကို အပိုင်ယူတော်မူ။ ▪︎ ၾကယ္ေတြဆီ ေမ်ာပါလို႔ ဒဏ္ရာေတြ ထင္ရွားလာရင္း အေၾကာက္တရားေတြ ႏွိမ္ခ်ိဳး က...
