ခြံဝန်းငယ်တစ်ခုသည် သူ၏ပိုင်နက်အတွင်းမှအိမ်ငယ်လေးအတွက် သင့်တင့်သည့်အကျယ်အဝန်းနှင့် အေးချမ်းစွာဝန်းရံပေးထား၏။ အပင်ကြီး၊ အပင်ငယ်များက နေရာတကျအထိုင်ကျနေပြီး တိတ်ဆိတ်စွာနေထိုင်လိုသူအတွက် အံဝင်ခွင်ကျဖြစ်သည့် ဌာနေလေးတစ်ခုပင်။ အိမ်ရှေ့တွင် နေရာကျယ်တစ်ခုလည်းရှိနေပြီး အိမ်လေး၏ပြတင်းတံခါးနှင့် အဝင်အဝတံခါးတစ်ချပ်မှာ ပွင့်ဟနေပေသည်။
"Dean"
ရှေ့မှသွားနေသည့် Sam ၏ နောက်ပြန်လှည့်ကြည့်ကာခေါ်သည့်အသံကြောင့် အရှိန်လျော့နေသည့်ခြေလှမ်းများနှင့် ပတ်ဝန်းကျင်ကိုငေးမောနေမိသည့် Dean ၏စိတ်အစုံတို့က မူလနေရာသို့ပြန်လည်ကပ်ငြိသွားပြီး
"အင်း... လာပြီ"
Dean ခေါင်းညိတ်ပြသည့်အခါ Sam ကပြန်လှည့်သွားကာ
"Castiel... Cas! ဘယ်မှာလဲ... ဝင်လာမယ်နော်"
လှမ်းအော်ခေါ်လျက် အိမ်ပေါက်ဝထံဦးတည်သွားသည့် Sam ကို Dean ကြည့်နေစဉ်
"Sam"
အိမ်ဘေးဘက်မှထွက်လာသည့် တည်ငြိမ်နေသည့်အသံတစ်ခု၊ အတိအကျမှတ်မိနေနိုင်သည့် ထိုသူ၏အမှတ်အသားဟုပြောရမည့် အသံနှင့်အတူ Castiel ပေါ်လာသည်။ အပေါ်ပိုင်းဗလာနှင့် ချွေးများစို့နေပြီး လက်ထဲတွင်လည်းရဲဒင်းတစ်လက်ကိုင်ထားကာ ခန္ဓာကိုယ်တွင် သစ်မှုန်အချို့ကပ်ငြိနေသည့်သူက ထင်းခွဲသည်လား၊ သစ်ပင်ခုတ်နေသည်လား။
Sam ၏နောက်တွင်ရပ်လျက် Castiel ကိုအကဲခတ်နေမိသည့် Dean ကို Castiel တွေ့သွားပြီး ပြုံးရယ်လိုက်ကာ ခြေလှမ်းတို့ကိုရှေ့တိုးလိုက်သည်။ နှုတ်မှလည်း
"Dean... ဘေးကင်းလို့တော်သေးတာပေါ့"
Dean ခေါင်းညိတ်လိုက်သည်။ Sam က
"အိုး ... အိုး ... "
ရှေ့တိုးလာသည့် Castiel ၏ လက်ထဲမှရဲဒင်းကို လက်ညှိုးထိုး၍အော်လေသည်။ ထိုအခါမှ Castiel က
"ဟား ဟား ... ထင်းနည်းနည်းခုတ်နေတာပါ"
ပြောပြီး အိမ်နံရံတွင်သွားထောင်ထားလိုက်လေသည်။
YOU ARE READING
Fall for His Majesty
Historical FictionDestiel Kingdom Story by IX & Demon . Complete 52 parts ~~~~~~~~~~~~~~ ကြယ်တွေဆီ မျောပါလို့ ဒဏ်ရာတွေ ထင်ရှားလာရင်း အကြောက်တရားတွေ နှိမ်ချိုး ကျွန်တော်မျိုးကို အပိုင်ယူတော်မူ။ ▪︎ ၾကယ္ေတြဆီ ေမ်ာပါလို႔ ဒဏ္ရာေတြ ထင္ရွားလာရင္း အေၾကာက္တရားေတြ ႏွိမ္ခ်ိဳး က...
