#غفرانك1
بقلم: مها حولي الزاكي
طيب انا الدخلني شنو؟ ذنبي شنو عشان تعرسوني ليهو بالغصب ! و عشان شنو عشان يرضوا يعرسو حذيفه و مزدلفه؟! دا عرس ولا تجاره ! ما موافقه يا أمي انا ما موافقه و عُدي دا كان بقى آخر راجل في الكون دا كلو ما بعرسو ما بعرسو
_ دا كلام شنو دا يا بتي راعي لأختك دي شويه عليك •اللّـہ̣̥ أرضى بالعرس دا و أفرحي انتي و فرحي أختك معاك والله ما دايره شي م̷ـــِْن الدنيا دي غير شوفتكم معرسات و ماسكات بيوتكن ، العمر ما مضمون و الًيَوُمًِ ما معروف و •اللّـہ̣̥ أعلم متين حيشيل أمانتو ،، اسمعي كلامي دا يا بتي و بعدين عُدي ولد خالتك دا عيبو شنو؟ مش ربيتو انا و مش كبر معاكم و بتعرفيهو حق المعرفه؟
_ عشان كبرنا معاهو و عشان بعرفو حق المعرفه ما عايزاه ،، ياخ انا بكرهو شديد حتى اسمو دا ما بطيقو و ما بحب اسمع سيرتو عايزاني أعرسو و اعيش معاهو تحت سقف واحد؟ ....مستحيل مستحيل يا أمي و شيلي الفكره دي م̷ـــِْن راسك
قلت كلامي دا و اتحركت م̷ـــِْن جنب أمي ...كنت طالعه برا اتفاجأت لمن شفت مزدلفه واقفه جنب الباب و بتبكي واضح إنها سمعت كلامنا كلو ....ما قلت ليها أي حاجه و كملت طريقي عادي دخلت و قفلت باب الغرفه علي ....ما قادره اتخيل كمية الأنانيه الفي مزدلفه و أمي دي ! يعنى عشان حذيفه يعرس مزدلفه لآزٍمٍ انا كمان أضحي و اعرس الحيوان الإسمو عُدي دا؟ فوق ما انا بكرهو و ما بطيقو ملزمه بإني اعرسو و في النهايه اسكن مع عمتو الفقر ديك في بيت واحد؟ !!....ما عارفه ليه هي مصره إنو تعرسني ليهو بالرغم م̷ـــِْن إنها بتكرهني و عارفاني بكرها و الإتنين ما بنطيق بعض و مع ذالك طالباني لولد أخوها عُدي و خاته عرسي و عرسو شرط أساسي عشان يتم عرس مزدلفه أختي م̷ـــِْن الخايب ولدها الإسمو حذيفه ...لٱ أكيد في شي في راسها لَـگِنْ شنو؟ و حتستفيد شنو لْـۆ العرس دا تم؟!
على كل الأحوال مستحيل أرضى بالزواج دا و أبداََ ما بنفذ ليها طلبها و أعمل العايزاهو والله والله كان حصل شنو داك عرسي م̷ـــِْن عُدي دا مستحيل يحصل و....قطع تفكيري صوت ضرب شديد على الباب......قمت سريع م̷ـــِْن مكاني و مشيت فتحتو ....ابداََ ما اتفاجأت لمن شفت مزدلفه واقفه قدامي و هي بالحاله دي ....قالت لي و هي بتبكي:
أي نوع م̷ـــِْن البشر انتي؟ ليه الحقد و الأنانيه الجواك دي كلها؟ حتى على العرس حاسداني و ما عايزا لي الخير طول عمرك انانيه و ما بهمك زول غير نفسك فيها شنو يعنى لْـۆ وافقتي انك تعرسي عُدي حتموتي يعنى؟ بس أديني سبب واحد يخليك ترفضي عُدي ....ماف صّـْْ(☑)ـْْحّ ؟ .....لٱ في و السبب هو يا الأخت العزيزه إنك ما عايزه عرسي دا يتم بأي طريقه بسبب حقد دفين جواك لحذيفه ....حذيفه بس؟ لٱ والله انتي حاقده علينا كلنا و قلبك أسود و نهاي ما بتتنازلي م̷ـــِْن سعادتك عشان سعادة زول دايماََ نفسك عندك في المقدمه .....انسانه حاقده و أنانيه و غيوره ما كفاك إنو العرسان الجوني كلهم طفشوا مني بسببك؟
احكي ليك المعاناة الكنت عايشاها في الفتره القبل خطوبتي م̷ـــِْن حذيفه؟ ولا احكي ليك احساسي لمن يجي عريس عشاني و في النهاية يتراجع و يقول لي عايز أختك الأصغر مـڼـڱ ولا شعوري لمن كان يجيني عريس و نتوفق و لمن نقرب للعرس يطفش مني عشان شنو !! عشان انتي سمعتيهو كلام فاضي و نبذتيهو !! ....قدر ما حاولت أبعد فكرة إنك بتعملي كدا عشان بتكرهيني و بتحسديني و بتغاري مني ما قدرت و في كل مَـرّھٌ بتثبتي لي الفكره دي ،، ما قادره أصدق إنك أختي و إنو الإتنين طلعنا م̷ـــِْن بطن واحده
قلت ليها مزدلفه الموضوع ما كدا بس انتوا كمان حاولوا تفهموني ،، كلكم عارفين إني ما بطيق عُدي دا و م̷ـــِْن زمان كمان فكيف بتطلبوا مني طلب زي دا ؟ و اشمعنى انا تحديداََ و ليه ما تكون مزن هي العروس و......
قاطعتني و بدت تصرخ قالت لي أصلك أنانيه و ما مـڼـڱ فايده ...قولي عايزا ليك حجه بس و سبب عشان تفشِلي العرس دا ،، لَـگِنْ اطمنك طول ما إنتي ساعيه عشان تخربي علـّۓ. فرحتي و تحرقي قلبي انا ساعيه عشان أخلي علاقتي بحذيفه تقوى أكتر و أكتر ....اصبري بس و شوفي و العرس دا غصباََ عنك حيحصل و بعديها موووتي بغيظك يا حاقده
