#غفرانك27
بقلم: مها حولي الزاكي
شادي! !
قلتها بخلعه كدا، استعجلني و قال لي يلاااا قومي سريع، جراني م̷ـــِْن يدي و بقيت جاريه معاهو و انا ما فاهمه شي فجأه سمعنا أصوات رصاص و الناس بتصرخ، قلت ليهو شادي نحنا ماشين وين؟ مش المفروض نمشي على الناس بالإتجاه التاني؟
قال لي لا خلينا نطلع من هنا و دعاء ذاتا طلعت قبل شويه هسي حتكون وصلت البيت لأنو قريب م̷ـــِْن هنا، قلت ليهو طيب فكني ...
انتبه وفكى يدي و بقينا جاااااريين و جاااااريين م̷ـــِْن غير ما نقيف، طبعاََ هو اسرع مني فكان بضطر كل مَـرّھٌ يرجع لي تاني و يسقوني اسرع، في جرينا داك ازداد صوت الرصاص و م̷ـــِْن حيث لٱ احتسب جات رصاصه على رجلي و وقعدت طوالي، شادي جاني جاري و انتبه لـ رجلي و قال لٱ حول ولا قوة إلا بالله، عاين يمين و شمال بس ما لقى زول عندو منديل في جيبو طلعو و ربطو لي في رجلي و بقى يحاول يرفع فيني و انا م̷ـــِْن الخلعه و الخوف الدخل فيني هبطت و حيلي مات ، قال لي حاولي يا مها شدي حيلك عشان تساعديني أقومك ، بقيت أبكي بس الطلقه دي حسيتها في قلبي ما في رجلي ، بعد تعب قدر يقومني و بقى ساندني و بقول لي هسي حنصل البيت بس اتحملي شويه ، فجأه التاتشرات بقت تتقاطع و ماشين يمين و شمال، شكلهم ساكين ليهم ناس، شادي قال لي خلينا نخش هناك، لقينا مكان كدا شكلو زي مخزن دخلنا فيهو و قفلنا الباب و انا الألم بقطع فيني حته حته و ما قادره أصبر، شادي قال لي تلفونك دا برن م̷ـــِْن قبيل و ما قدرنا نرد عليهو هاك اتكلمي ، قلت ليهو بحس متقطع ما قادره ما قادره انا يا شادي رجلي واجعاني شديد ، قال لي طيب ح أرد انا، بس للآسف التلفون قفل كهربه، طلع تلفونو و قال لي مليني رقم زول م̷ـــِْن أهلك، قلت ليهو ما حافظه رقم زول ياخ انا رقمي بالجلاله قدرت احفظو، قال لي سبحان •اللّـہ̣̥!
بعديها انتظرنا شويه و حسينا انو الأوضاع هديت ، أول ما طلعنا شادي قرب مني عشان يسندني بس قلت ليهو بمشي براااي و اصلاََ انا م̷ـــِْن قبيل متحسسه م̷ـــِْن حتة انو يسندني، قال لي ما حتقدري تمشي و دا ما وقت انك تتحسسي لْـۆ ما مضطرينا والله ما بقرب مـڼـڱ، .
حسيتو اتحسس زياده م̷ـــِْن حركة دي، مشيت خطوتين كدا بس ما قدرت اكمل و رجلي نزفت كتير و الضغط عليها ح يزيدها سوووء المهم هو ما اتردد و طوالي سندني و بعد تعب شديد وصلنا بيتهم، فتحت لينا دعاء و أول ما شافتني صرخت و نادت على أمها، بقت تسأل فيني الحصل شنو و متين دا و و....أمها قالت ليها اسكتي ياخ دا ما وقت اسئلتك ، قعدوني في الكرسي و جابوا لي مويه، خالتو (روضه ) يلي هي أم شادي و دعاء مشت جاب لي مويه ملح دافيه و نضفت لي بيها الجرح و انا بقرب اصرخ م̷ـــِْن شدة الألم، أبوهم جا نازل و قال ليهم ماف طريقه إلا نوديها المستشفى عشان يطلعوا ليها الرصاصه ، كنت ببكي بس و قلب انقص م̷ـــِْن شدة الألم شويه شويه بقيت ما شايفه شي و ما سامعه شي ....
__________________
أول ما فتحت عيوني لقيت نفسي في المستشفى و جنبي دعاء و أمها، دعاء قالت لي اخيراََ صحيتي بقيتي كيف هسي؟
هزيت ليها براسي و انا محرجه منهم تعبتهم معاي و خليتهم يضطروا يجيبوني المستشفى، أمها قالت لي الحمدلله جات سليمه و كويس انو الرصاصه جات في الرجل بس ، قلت ليها الحمدلله و معليش على التعب التعبتكم ليهو، أمها قالت لي انتي هبله يا بتي تعب شنو كمان؟ قايله حترضينا شوفتك و انتي في الحاله ديك و نقعد نعاين ليك م̷ـــِْن غير ما نعمل حاجه؟!! بعديها قالت لـ دعاء امشي كلمي أخوك عشان يجيب ليها حاجه تاكلها ولا اقول ليك جيبوا لينا كلنا، دعاء قالت ليها حاضر ، قبل ما تطلع شادي ضرب الباب دعاء قالت لأمها هو ذاتو جا م̷ـــِْن غير ما اتعب نفسي و اطلع و بعدها دخل سلم علي و قال لي بقيتي كيف؟ قلت ليهو كويسه الحمدلله ، خت الأكياس الكانت في يدو و قال لينا طالع قريب هسي برجع ، أمها شالت الأكياس و طلعت لي سندوتش و معاهو بارد و قالت لي اكلي يا بتي، قلت ليها ما عايزا يا خالتو، قالت لي ما تزعليني مـڼـڱ و اسمعي الكلام ، شلتو منـِْهـ♡̨̐ـِْا و أكلت شويه بعدها أصرت علي اشرب البارد بعد ما شربت منو خالتو (روضه ) قالت إنها طالعه برا لـ راجلها و شادي ، بقينا انا و دعاء بعد شويه شادي جا مدى لـ دعاء حاجه و قال ليها ماشي البنك التحت لْـۆ احتجتو حاجه اتصلوا علي فات بعد ما اتكلم معاها ، دعاء قفلت الباب و قالت لي هاك دا تلفونك شادي شحنو ليك م̷ـــِْن برا و قال أديك ليهو عشان تكلمي أهلك، قلت لٱ لٱ أمي لْـۆ عرفت ح تقلق ساي و ح تخاف علي، شلت منـِْهـ♡̨̐ـِْا التلفون و م̷ـــِْن غير ما اتردد اتصلت على عُدى و مديت التلفون لـ دعاء و قلت ليها كلميهو انتي، طبعاََ هي بقت تعاين لي بإستغراب! مسكت مني التلفون و بعد ما سلمت عليهو قالت : ليهو مها في مسُتشًفيےّ ( )....لٱ لٱ هي كويسه والله.....والله كويسه و الرصاصه جات في الرجل بس ....طيب هاك اتكلم معاها عشان تصدق
