#غفرانك20
بقلم: مها حولي الزاكي
م̷ـــِْن يومها بقيت أتجاهلها رغم إنو قلبي دايماََ مٍشًغوٍلً بيها، بس اعمل شنو؟ لحدي اللحظه دي لْـۆ جات و اعترفت لي مستعد احسم الفوضى دي كلها حتى لْـۆ كان على حساب خراب علاقتي مع اعمامي ، كنت مفتكر إني و مع الأيام ح أقدر اتجاوزها و اكمل مع لينا علشان كدا في البدايه ما حاولت أوقف الخطوبه قبل ما تحصل، كنت متوقع إنو مها في أي لـحـظـــِھّ ; .. حتجي و تعترف لي حتى لما مشيت خطبت لينا و جيت راجع كنت متأمل ألقاها في وشي بتبكي و م̷ـــِْن غير ما تتردد تحكي لي عن كل شي، بس ما حصل، قلت خير لحدي يوم عرسي انا و لينا في زمان كافي عشان هي تراجع نفسها و تجيني ...برضو ما حصل، فـ انا البديت ليها و حاولت أوصل ليها الفي قلبي و متأكد إنها فهمت كلامي و تلميحاتي بس غضت نظر ! و يوم عرس مزدلفه لمحتها م̷ـــِْن بعيد جايه علي إتلفت ورا منـِْهـ♡̨̐ـِْا و طلعت تلفوني و عملت تفسي بتكلم مع لينا عشان أشوف ردت فعلها و كنت متأمل إنها تنهار و تعترف لي، بس برضو ما حصل و سبب دموعها كان إنها زعلانه عشان أختها حتمشي م̷ـــِْن البيت و بس لٱ أكتر لٱ أقل ، دايماََ بتعمل نفسها غبيه و ما فاهمه انا بقول في شنو ،،.
ليه و عشان شنو ؟!!
عشان طلعت بتحب ليها واحد و منتظراهو يجي يتقدم ليها، طيب ليه كنت بحس إنها بتحبني؟ معقوله أكون فاهم غلط؟!
ربطت الكرفته و قلت المهم الكلام دا كلو ما ح يفيد تاني ، و انا ما بقدر أخليها تحبني و ما م̷ـــِْن حقي أجبرها على حاجه هي ما عايزاها، جهزت نفسي و طلعت و انا ماشي وسط كميه م̷ـــِْن الناس و أصوات الزغاريد ماليه المكان ، و انا ما واعي لـ دا كلو و ذاتو ما عارف نفسي ماشي وين و لشنو، وسط الناس ديل كلهم كنت بفتش عليها هي، لمحتها م̷ـــِْن بعيد و هي واقفه مع بنات حالي و بتضاحك معاهم كأنو ما حاصل شي !
ما حاصل شي؟! ما هو فعلاََ بالنسبه ليها ما حاصل شي فـ ليه انا مزعل روحي بسبب وحده عديمة الضمير و الإحساس زيها، بس الغلط غلطي انا شنو الخلاني أحب أكتر انسانه كان ليها دور في تعاستي؟! خليتا بنات حواء ديل كلهم عشان أحبها هي؟ بالجد انت غبي يا عُدى هسي دي انسانه بتتحب! معقوله انا كنت متأمل اكمل باقي حياتي مع الإنسانه القاسيه دي!
كنت بقول ليها حتى لْـۆ انتي بتكرهيني انا ما بكرهك لأنك بالنسبه لي ولا شي و اصلا ما في حساباتي بس الًيَوُمًِ، هي في حساباتي و انا بكرها شديد ، و م̷ـــِْن الًيَوُمًِ دا خِلقتها دي ما عايز أشوفها....
ما عارف كيف و متين وصلت الكوافير و متين بقيت واقف قصاد لينا و هي منزله راسها حياء مني و انا اصلاََ ما عندي مزاج ليها بالغصب ابتسمت و بستها على راسها و حاولت قدر الإمكان اشيل مها م̷ـــِْن راسي لأنها ما تستاهل، مسكت لينا م̷ـــِْن يدها و نزلنا تحت و على طول اتحركنا للصاله ....
_____________
موسيقى، زغاريد ، أبشر يا عريس ، أجواء مليانه بالفرح و كل الأهل مبسوطين و مجتمعين إلا انا وسطهم حاسه نفسي وحيده ، ما قادره ابتسم زيهم و أضحك و ارقص معاهم، هو في زول برقص في جنازتو؟
قدامي قاعدين اكتر اتنين ليهم مكانه في قَلبـ♡ــيے. و أكتر اتنين بعزهم بس ديل هم أكتر اتنين انا اتأذيت بسببهم و أكتر اتنين وجعوا لي قلبي حتى و لْـۆ انا الخليتهم يعملوا كدا.
لينا مفتكره إني جيت عرسها بصفتي صحبتها و هي ما عارفه إنو الجنبها دا ....المهم ما عارفه إني بت خالتو، و عُدى نفس الشي ما عندو علم إنو لينا صحبتي و اننا بنعرف بعض، عشان كدا قعدت بعيد م̷ـــِْن ناس أمي عشان لينا ما تشوفني معاهم ، بقيت اعاين ليهم و هم برقصوا سوا و انا بالجلاله ماسكه دموعي و حالفه ما أبكي ، بعد شويه جاتني شافعه صغيره و قالت لي العروس بتناديك، انخلعت شديد، عُدى كان جنب لينا و هسي لْـۆ مشيت ليهم ح يعرف اننا صحبات، كنت ح أدس منـِْهـ♡̨̐ـِْا وسط الناس بس هي شافتني و أشرت لي عشان أجيها بلعت ريقي و مشيت عليها و انا بدعي إنو عُدى ما يعرف شي، لحدي ما وصلتها عُدى ما انتبه لي كان بتكلم مع أولاد أهلو و صحبانو و ما مركز مع زول غيرهم، سلمت عليها و قلت ليها ناديتيني صّـْْ(☑)ـْْحّ ؟
قالت لي ايوه لي قاعده بعيد هناك؟ ياخ انتي صحبتي و مفروض تكوني جنبي، قلت ليها رجليني وجعوني عشان كدا مشيت قعدت، قالت اممم كنت عايزا اعرفك بـ أمي و عُدى، بسرعه قلت ليها طيب بعد شويه لأني ماشه الحمام، قلت كدا و طوالي اتحركت م̷ـــِْن جنبها، و انا ماشه كدا مسكتني مزن و قالت لي اشششي بتعرفي لينا دي م̷ـــِْن وين و انتي ما حصل مَـرّھٌ شفتيها أو هي شافتك؟
قلت ليها لٱ بنعرف بعض لأني مَـرّھٌ مشيت ليهم في بيتهم وضحت؟!
مشيت طلعت برا و قعدت أبكي هناك لحدي ما العرس انتهى و عملوا الجرتق ، و انا هنا ببكي و تلفوني من ما طلعت شغال يرن مَـرّھٌ مكالمات م̷ـــِْن مزن و مَـرّھٌ م̷ـــِْن أمي، طبعاََ مزدلفه ما معانا لأنها مشت شهر العسل ، عُدى قال ما ح يعمل العرس إلا هي تجي بس هي قدرت تقنعو إنو يعمل عرسو و ما يأخرو بإنتظارها و هدا في النهايه عملو ...
بعد مساااافه مشيت دخلت جوه، تاني جاتني الشافعه القبيل و قالت لي لينا بتناديك و أشرت لي عليها و هي شكلها شافتني دخلت عشان كدا رسلت لي البت، بس عُدى المره دي ما كان قاعد معاها، مشيت ليها و انا متوتره، قالت لي افتكرتك ما حتحضري الجرتق و رجعتي البيت، قلت ليها لٱ لٱ مستحيل ما احضرو، حضرتو و قبل شويه جاني اتصال عشان كدا طلعت برا
_ حترجعي براك ولا في زول جاييك؟
= بأجر لي تاكسي و برجع انتي ما تشيلي هم
_ لٱ لٱ ماف كلام زي دا انا و عُدى هسي طالعين و حنوصلك معانا
قلت ليها بخلعه لٱ لٱ ماف داعـ.....
اها جاهزه يا لينا؟
دا عُدى القال كدا و ما حسيتو اتفاجأ لما شافني واقفه مع لينا ، و أي زول مكانو ما ح يتفاجأ، عاين لي مساااافه جوه عيوني كأنو بقول لي عاجبك الحصل؟
فجأه كدا ومن حيث لٱ احتسب لينا ثابت ليهو جيت في وقتك، عايزا اعرفك بصحبتي الكان حكيت ليك عنها، دي مها يا عُدى > عاينت لي و قالت لي ما ح اعرفك بيهو لأنك عارفاهو رسلت ليك صورو كذا مَـرّھٌ 🤣
حصلت لحظات م̷ـــِْن الصمت كان فيها عُدى بعاين لي بصدمه كدا، عاين لـ لينا و قال ليها دي صحبتك ؟
قالت ليهو ايوه دي مها
كنت خايفه عُدى يقول ليها دي بت خالتي بس ما اتكلم قال ليها ټمـٱمـ و مسكها م̷ـــِْن يدها و طلعوا برا كلهم و هي كانت بتنادي علي عشان ألحقها و يوصلوني في طريقهم، لحقتها و قلت ليها لقيت ناس بعرفهم هنا ح امشي معاهم، ما قدرت تتكلم معاي كتير لأنو الناس كانوا كتار و أي زول ماسكها م̷ـــِْن اتجاه ،،.
لينا و عُدى عرسوا بعض و سافروا برا السودان و م̷ـــِْن يومها لٱ حصل سمعت صوت عُدى لٱ شفتو و كان اتصل بتكلم مع أمي و مزن بس حتى إنو ما بسأل عني ولا بالغلط 💔
وألحظهُ بطرفي حينَ يمضي
يكفكفُ دمعهُ ويزيد حزنا
أودِّعهُ بعيني لا بقلبي
فقلبي عالمٌ بالوصلِ و أنَّا؛
سنرجعُ نلتقي من بَعْدِ بُعْدٍ
ونملأ عمرنا حُبًّا وأمنا 💛
#فاطمة_بشير
يتبع......
