#غفرانك2
بقلم : مها حولي الزاكي
صباح الًيَوُمًِ صحيت بدري عشان عندي جامعه ، طبعاََ انا بدرس تمريض في جامعة الخرطوم و نحنا ساكنين في الأزهري و المساااافه بالنسبه لي بعييده شديد خاصة إننا ساكنين نهااااية الأزهري ، عشان اتجنب التأخير و زحمة المواصلات بطلع بدري م̷ـــِْن البيت المهم عندنا حمام واحد في نهاية الزقاق جنب غرفنا انا و أخواتي مشيت ليهو بس اكتشفت إنو مزن سبقتني و دخلت و عشان عارفاها بتطول جوه قررت اكسب الزمن و امشي للحمام الفي الجزء التاني في بيتنا ، اصلاََ بيتنا كان واحد بس اضطرينا نقسم منو لمن الحيوان الإسمو عُدي كان ساكن معانا لَـگِنْ حالياََ مشى بيت عمتو الفقر ديك و قعد معاها شهرين كان مَـرّھٌ مَـرّھٌ بجي بزورنا زي جيتو الأمبارح ديك ....بقيت ألم في شعري و انا بغني ساي لحدي ما وصلت الحوش البهناك و كنت متجها على الحمام و أول ما وصلتو الباب انفتح و فجأة عُدي طلع في وشي زي السبرايز و كان مروق على الآخر و بصفر كمان !، بقيت واقفه و منططه عيوني و بحاول استوعب هو هنا ليه !! ما عاين لي و طوالي اتحرك م̷ـــِْن جنبي كأني ما كنت واقفه قدامو ما أبدا أي ردة فعل ،، بقيت اسأل في نفسي دا شنو؟! أول ما انتبهت على نفسي قمت جااااريه للحوش التاني ...أف ياخ كيف قدر اقيف قدامو بالمنظر دا و بـ اللبس دا ؟!! لابسه جلباب ظررريف كدا لٱ قصير لٱ طويل وسط و شعري كان منكوووش و خِلقه استغفر •اللّـہ̣̥ بس 🤦♀️
دخلت لأمي في المطبخ و قلت ليها ولد أختك دا بعمل شنو هنا؟
عاينت لي بطرف عينها و قالت لي كيف يعنى بعمل هنا شنو؟! و تعالي هنا ليه أمبارح قلتي لي في ضيف جا؟ هسي عُدي دا ضيف؟! و ليه ما استقبلتيهو كويس و خلتيه يتفضل؟ تصرفاتك دي بقت تخجلني عديل ، انتي ما صغيره عشان تعملي حركاتك دي، ما بطيقيهو ما معناها تستخدمي أسلوبك الجاف و الغير مؤدب دا معاهو ....يشهد •اللّـہ̣̥ تصرفاتك دي مع العدو ما بعملوها
قلت ليها يعنى كان مفروض اعمل ليهو شنو؟! اجيب سجاد احمر و أفرشو بالورود ولا أجيب فرقه موسيقيه عشان تستقبلو ولا.....
قبل ما أكمل كلامي أمي ضربتني كف ، بقيت واقفه و بعاين ليها م̷ـــِْن جهه الضربه كانت واجعاني و م̷ـــِْن جهه تانيه ما مصدقه انها رفعت يدها و ضربتني 💔
كل العملتو إني بقيت و هي ولا اتأثر بدموعي و ملامحها البتوحي لي بالغضب ما اتغيرت ...قلت ليها بصوت عالي و انا ببكي دا كلو عشان الحيوان الإسمو عُدي داك؟ بتضربيني عشان يا أمي عشان المتخلف داك و.......في كسر م̷ـــِْن الثانيه رفعت يدها تاني عشان تضربني ،، قبل ما يدها تصلني في صوت قال خالتي! !
الإتنين و في نفس اللحظه عاينا ورانا .....معروف يعنى ، كان عُدي ، و واضح إنو سمع نقاشنا دا كلو ، حسيت أمي دي خشت في ضفورها م̷ـــِْن الخجل و الإحراج أدتني نظره كدا عمري ما ح أنساها 💔
عُدي جا و وقف قدامها و قال ليها ماف داعي لـ دا كلو خليها على راحتها و خليها تقول الكلام العايزاهو ، اصلاََ كلامها ما حيفرق معاي و انا ما جيت هنا عشانها ، حتى لْـۆ كانت هي بتكرهني و ما بتطيقني انا ما ح اقطع علاقتي معاك ،، انتي خالتي و في مقام أمي و مستحيل أزعل مـڼـڱ أو امشي م̷ـــِْن البيت بسبب كلام بتك.
بعد كلامو دا أمي دي بكت عديل و قالت ليهو برضو معليش يا ولدي و أمسحها لي في وشي ، ما عايزاك تشيل في قِلًبُكً مننا كلنا هي ما قصدها حاجه و زي ما عارف لسانها دي بزلق بعد مرات عشان كدا اعمل نفسك ما سمعت حاجـ.......
يا خالتي ♥️
زي ما قلت ليك والله انا ما زعلان و كلامها ما بهمني و ما بأثر معاي ، الرابط البيني و بينك و بين البيت دا ما حينقطع بسبب كلامي متطرف زي دا ، عشان كدا اطمني
