#غفرانك19
بقلم: مها حولي الزاكي
(تسريع الأحداث )
م̷ـــِْن الًيَوُمًِ القلت فيهو الكلام دا لـ عُدى بقى ما بتكلم معاي حتى ما بعاين لي لْـۆ وقفت قدامو و اذا جا داخل و لقاني ما بسلم علي و الغريبه انو ما فتح معاي موضوع أحمد الكلمتو عنو و ما كلم أمي، و دي الحاجه الغابت عني ليه انا لما قلت ليهو إنو في واحد اسمو احمد ح يجي يتقدم لي و عايزاك تمهد الموضوع دا لأمي ليه ما خطر على بالي إنو جد جد ممكن يمشي يفاتح أمي في الموضوع و في الآخر يطلبوا مني أجيبوا ليهم أو يشيلوا مني رقمو؟! بس عُدى ما اتكلم و انا خايفاهو يتكلم لأني ساعتها ما ح اعرف اتصرف كيف و اجيب ليهم أحمد م̷ـــِْن وين؟
اتأزمت شديد م̷ـــِْن برود عُدى و تصرفاتو البايخه معاي بس دا الحل الأنسب لينا كلنا و لـ أهلنا عشان ما تحصل أي خلافات ، مرات كتيره كنت بقول لٱ ما كان اعمل كدا بس لما لينا تتصل لي بتراجع عن تفكيري و بقول دا الصح، م̷ـــِْن الحاجات اللاحظت ليها في خلال الأسابيع دي إنو لينا بقت كل ما تتصل علي تقول لي: عُدى عمل و عُدى قال لي و عُدى جاب لي و....الخ بقى واضح وضوح الشمس بالنسبه لي إنو علاقتهم بقت احسن و شكلهم إنسجموا مع بعض بدليل إنو عُدى بقى كل يوم بتصل عليها و هي بدورها بتجي و بتحكي لي بس في كلامها حاسه في تفاصيل ناقصه و هي متقصده ما تحكيها لي يمكن لأنها حاسه إنها مفروض تكون حاجه خاصه بيناتهم و ما ضروري تحكيها للناس ، كل ليله أخت فيها راسي على المخد بتجيني تساؤولات كتيره زي عُدى بقول لـ لينا شنو لما يتصل عليها؟ يا رَبّـ❤ـيٌ بتكلموا بقولوا شنو؟ يا رَبّـ❤ـيٌ عُدى بقى يحبها؟ طيب هو كان بحبني ولا انا براي الحسيت كدا؟ ....طيب خليني أكون صريحه بيتي و بين نفسي على الأقل أبداََ ما ح أنكر أو اكذب متأكده إني بحب عُدى و هو بحبني و ماف داعي اقعد اسأل نفسي في الأسئله الغبيه بتاعة هل هو بحبني؟
قصتي ما مسلسل هندي ولا روايه رومانسيه كتبها كاتب كان مغرم بوحده و في النهايه افترقوا لسبب ما ، و عشان يعوض نفسو بدا يكتب روايه تحكي قصتهم الإتنين و تنتهى نهايه سعيده بزواجهم، أبداََ قصتي ما كدا و ما ح تنتهي زي كل النهايات السعيده البنشوفها في المسلسلات و الروايات، زي ما بقولوا "ليس كل ما يريده المرء يدركه " ما ح اقول إنو الجفا و التغيير الحصل في علاقتنا انا و عُدى ما أثر معاي ، بالعكس كل يوم وضعي ماشي للأسوأ بقولوا الأيام كفيله بإنها تنسيك و تجبرك و انا حاصل لي العكس الأيام بتذكر فيني و بتكسرني و كل يوم بصحى نص الًيَوُمًِ و بسأل نفسي سؤال واحد بس هل انا قدر العملتو دا؟
ما عارفه تفسي اذا قدرو ولا لٱ بس انا على يقين إني ما بقدر اكسر صحبتي و أخونها، ما بقدر اتحمل فكرة إنو تحصل مشاكل بين أهلي بسببي و يطلعوني شلابه زي ما بقولوا أو خطافة الرجال، انا أكتر وحده عارفه قدر شنو أهلنا ديل ما بحبونا و راجيين مننا غلطه واحده عشان يحرقونا بنارها و انا ما قدرهم والله، يمكن أكون قويه و صلبه م̷ـــِْن برا بس انا م̷ـــِْن جوه هشه و خوافه بخاف شديد م̷ـــِْن المجتمع و م̷ـــِْن كلام الناس بغض النظر عن إنو صّـْْ(☑)ـْْحّ ولا غلط ، المهم متأكده ما ح أندم يوم على العملتو لأنو الصٌحبه بتستاهل ❤️
