#غفرانك12
بقلم: مها حولي الزاكي
بعد ما أهلنا فاتوا بقينا بنضاير في البيت ،، بعد ما خلصنا عملت ليهم العشا و بعديها صليت و مشيت غرفتي، رجعت تاني اتصل على لينا بس تلفونها لسه مغلق و انا ما بعرف بيتهم أو أي زول م̷ـــِْن أهلها ..
في الًيَوُمًِ التالي :
أمي حبوبه نادتني عشان أمشي انادى ليها خالي م̷ـــِْن الحوش البهناك ، مشيت على الحوش البهناك مع كل خطوه مني ضربات قلبي بتزيد لمن حسيتو حيطلع م̷ـــِْن مكانو ....لما وصلت باب النص اترددت و ما دخلت ، جاني احساس غريب مليان بمشاعر كتيره خوف، قلق ، خجل ، توتر ، و قصادهم صورة عُدي الما ناويه تفارق مخيلتي....بعد وقفه مطوله قوية قَلبـي و دخلت ، جاني صوت عُدي و هو بقول : (انا ټمـٱمـ و انتي كيف ...> ضحك مسافه كدا و قال ليها امبارح ذاتو ما نمت كويس ...أنوم كيف و انتي كنتي زعلانه مِڼـّي؟! ....طيب طيب وعد مني تاني ما حزعلك ....حاضر حاضر ....و انا كمان....يلا في أمان الله )
رجعت خطوات لورا و انا عيوني مليانه دموع، حسيت قلبي دا اتقطع حته حته ، ما قدرت امسك نفسي و طوالي دموعي نزلت ، اتحركت م̷ـــِْن مكاني و كنت ح أرجع بس وقفت لمن سمعت صوت عُدي و هو بقول لي عايزا حاجه؟
ما إتلفت عليهو عشان ما يشوف دموعي كل العملتو إني هزيت ليهو براسي بمعنى لٱ، لأني لْـۆ اتكلمت صوتي ح يفضحني و دموعي ح تخذلني 💔
طلعت و انا مكسورة الخاطر ، حاسه بضيق جواي و فجأه كدا خزن الدنيا دي كلها اتكب جوا قلبي ، دخلت غرفتي م̷ـــِْن غير ما أخلي زول يشوفني بكيت كدا لمن قلت بس ، دا جزاي؟ معقوله يكون دا عقاب لي؟ معقوله يكون دا ابتلى لي آحـبُ:* نفس الإنسان الكنت بكرهو شديد و ما بطيقو، يمكن عشان أذيتو كتير و عاملتو اسوأ المعامله ربنا خلاني احبو و انا لحدي اللحظه ما عارفه هو بحس بشنو اتجاهي ، في الفتره الآخيره كنت حاسه إنو بحبني و إني بهمو شديد بس هسي بعد ما سمعت مكالمتو دي بقيت شاكه و ما متأكده ، انا بعني ليهو شنو؟!
_______
طلعت شنطة ضهر صغيره كدا و بديت ادخل فيها حاجاتي ، انتبهت انو في كم غيار كدا وسخان و ما نضيف ، مشيت الدكان جبت لي صابون و جيت راجع ، مشيت للحوش البهناك ، و بقيت أفتش عل مزن عشان تطلع لي الطشت أو الغساله، أول ما جيت ماري جنب المطبخ سمعت مزدلفه كانت بتقول:
(ما على كيفك ، غصباََ عنك حتعملي ليهم الفطور )
مها بدت تجوط بأعلى صوت و قالت ليها :
(ما بعمل ليهم أي أكل تعبت انا تاني ما عندي أي شغله بزول ياااخ الزول في بيتو ما يرتاح؟!>).
كلامها ضايقني شديد ، سبحان •اللّـہ̣̥ عمري ما شفت انسان بالكعوبيه دي، يعنى هي لٱ عندها احترام و تقدير لٱ لـ أهلها لٱ للغريب ....بتعامل الناس بمستوى واحد م̷ـــِْن اللئامه و الكعوبيه و عدم الإحترام ، مع إنو الموجودين هنا ديل كلهم أقرب الأقربين ليها بس تعاملها زفت مع كل الناس، حتى ما بتوطي صوتها أو بتحاول تخفى كعوبيتها دي أو عدم قبولها للناس ...
ضربت باب المطبخ و م̷ـــِْن غير ما أعاين ليها قلت لـ مزدلفه الطشت وين؟
الإتنين بقوا يعاينوا لي بصدمه كدا ...شكلهم عرفوا إني سمعت الحوار الكان بيناتهم
مزدلفه بعد مساااافه قالت لي طيب هسي بجيبو ليك ، بعد ما هي طلعت عاينت لـ مها و قلت ليها:
اساساََ ماف زول قاعد ليك و آسفين شديد على المضايقه و الإزعاج والله كما الشديد القوى ماف زول فاضي لزول ، و ماف زول بحب يكون تقيل على زول أو يقعد في مكان هو ما مرحب بيهو ، كما موت خالي دا زول بجيك ماف > معليش ياخ بس ح تضطري تستحمليهم كم يوم لحدي ما يرتبوا أوضاعهم و كل واحد فيهم يرجع م̷ـــِْن المكان الجا منو ، و عشان ما تزعلي و تضايقي عِنـ.̷̷̸̷̐ـديّ ليك كلام ح يعجبك ...ما عارف خيلاني و حبوبه ح يمشوا متين لَـگِنْ انا بعد شويه ح اطلع ليك م̷ـــِْن هنا بس مساااافة اغسل ملابسي و ينشفوا و لْـۆ حسيتهم ما حينشفوا سريع ح اشيلهم معاي كدا ...المهم انتي تقدري ترتاحي في بيتكم 😊
قلت كلامي دا و طوالي اتحركت م̷ـــِْن جنبها ، اقسم بالله انا انسانه زي مها دي ابداََ ما لاقتني، ياخ دي بشر دي؟ معقوله بتحس زينا كدا؟!
غسلت ملابسي العايزا غسيل، مسااافة تنشف مشيت كويت الباقي و على طول دخلتهم في الشنطه ....اثناء ما انا بلملم في حاجاتي زي الشاحن و غيرو خالي جا داخل ...استغرب لما شافني بلم في ملابسي ، قال لي بإستغراب:
_ ماشي وين يا عُدي؟!!
قلت ليهو ماشي الدهب يا خالي
_ دا كلام شنو يا ولدي ، طيب خالتك و بناتها ديل الحيقعد معاهم منو؟ بكرا دي نحنا كلنا مسافرين ...أمي راجعه البلد و انا و خالك وضاح كل واحد فينا مسافر برا السودان لأولادو
اخدت نفس و قلت ليهو ما بتأخر يا خال بمشي و بجي راجع سريع ما ح أطول هناك و إن شاء الله ما بتجيهم عوجه .
