#غفرانك22
بقلم : مها حولي الزاكي
مزن بقت تقول لي رجلك مالا، و الحصل هناك شنو و.....قلت ليها الحصل انو ....الخ قالت لي وااااي لَـگِنْ •اللّـہ̣̥ يأزاهم ، لَـگِنْ كتر خير المره ديك و أولادها، قلت ليها ايوه ما قصروا، قالت لي ح امشي أدفي ليك موية ملح لـ رجلك........بعديها استحميت و غيرت ملابسي و مشيت قعدت مع أمي و عُدى و انا ما مرتاحه في القعده دي نهاي بس اضطريت عشان أمي ح تزعل لْـۆ ما جيت و قعدت معاهم خاصة إنو عُدى ياداب جا م̷ـــِْن السفر ، كل ما أرفع عيني بلقى عُدى بعاين لي بنظرات حاده ما عرفتها كراهيه ولا عتاب! طوالي اتذكرت قبل شويه لمن قال لي انا بكرهك ،، قلبي وجعني شديد بسبب الكلمه دي ، فجأه جارتنا كوركت لـ أمي و هي مشت تشوفها بقينا نحنا الإتنين بس كنت ح أقوم بس هو اتكلم و قال لي اهااا عريسك سيد الرجال وين؟ هسي مر شهر و حاجه و هو لسه لٱ حس لٱ خبر!
قلت ليهو إتلهي ، انت عليك بنفسك و مرتك، يجي بعد شهر، شهرين، سنه انت ما شغلتك ، لما نكون جاهزين و اطلبو منو يجي ح يجي ..
_ اهااا يعني الإشكاليه فْيَگ انتي و هو الما عندو مانع يجي! !
= ايوه
_هه متين ح تبطلي كذب و نفاق؟ انتي عارفه و انا عارف إنو اساساََ ماف زول اسمو أحمد فـ حياتك، خليك صادقه لـ مَـرّھٌ وااااحده بس و قولي الحقيقه
طبعاََ تاني ما ح أقدر اكذب أكتر م̷ـــِْن كدا لأنو واضح إنو لينا حكت ليهو الكلام الكنت بقولو ليها و أكيد عرف إني بحبو ، بعد مساااافه قلت ليهو ايوه انا بكذب و اصلا ما بعرف زول اسمو احمد، كدا ارتحت؟
_ ممكن اعرف كذبتي ليه و استفدتي شنو؟
= لٱ ما ممكن + طلبت مني اكون صادقه ولو لـ مَـرّھٌ واحده و حالياََ انا ما كذبت و قلت ليك الحقيقه و ما مضطره تاني ابرر
_ هه حاسس نفسي بحضر في مسلسل هندي، صحبه بتضحكي عشان صحبتها بدون ما تراعي لـ مشاعرها و مشاعر أكتر انسان حبـ......
عاينت ليهو في عيونو أول ما بدا الكلمه بـ حرف الحاف و هو طوالي سكت و تاني انا سكت و عما الصمت و كل واحد فينا بعاتب التاني في سرو ، فجأه جات أمي و هي غضبانه و بقت تكورك لـ مزن، وقفنا على حيلنا انا و عُدى و قلنا ليها في شنو؟ ما ردت علينا لحدي ما مزن جات مخلوعه و قالت في شنو ؟
أمي عاينت لينا الإتنين و قالت لينا بنبره حاده و صوت عالي القال ليكم تطلعوا مظاهرات منو، مش انا حذرتكم قبل كدا، كنتوا بتكضبوا علي و عاملني هبله و بتطلعوا م̷ـــِْن وراي لَـگِنْ بعد الًيَوُمًِ دا ماف مرقه و المره فيكن تعتب عتبة الباب دا عشان اقطع ليها رجلها و امسكها ليها ، قالت كدا و مشت مننا غضبانه، عُدى عاين لي مزن بضيق و قال ليها ليه طلعتي تظاهري مع الناس و كمان م̷ـــِْن دون علم أمك؟
قالت ليهو برااااك قلتها "ليه طلعتي تظاهري مع الناس؟ " لأني ناس زي زيهم و كلنا عايشين نفس المعاناة
_ طيب ما فكرتي ح يحصل لـ أمك دي شنو لْـۆ لٱ قدر •اللّـہ̣̥ أصابك مكروه في المظاهرات دي؟
كان واضح إنو ما عايز يتكلم معاي بس بطريقة ما حسيتو شملني في الكلام الكان موجه لـ مزن، رديت عليهو انا:
ماف زول بموت ناقص عُمر ، كل شي مكتوب و مقدر ليهو يحصل، اسألك نفسك الناس الما اترددت و طوالي نزلت الشارع ديل نحنا احسن منهم في شنو عشان ما نطلع زيهم؟ هل دمهم أرخص م̷ـــِْن دمنا؟ ليه هم يطلعوا و يضحوا بحياتهم و نحنا نقعد في البيوت؟
سكت و ما ردت علي
عاين لـ مزن و قال ليها ح أنبهك اوعي تاني اسمع إنك طلعتي مع الناس ديل و إلا والله أكسر ليك رجلينك ديل
قال كدا و مشى لحق أمي عشان يراضيها و انا قلت لـ مزن كان حصل شنو داك انا ح أطلع ح أطلع و ما عِنـ.̷̷̸̷̐ـديّ شغله بزول...
اهااا بقيت كل يوم بتناقش مع أمي و هي حالفه ما تخليني أطلع، يوم زعلت منـِْهـ♡̨̐ـِْا شديد دخلت غرفتي و قفلتها علي لحدي العصر كدا هي ما اتنازلت و ما جات عشان تشوفني لمن جعت و عطشت برااااي طلعت، مشيت المطبخ براااحه أكلت و شربت، لمن جيت ماره بالبرنده سمعت أصوات ضحك و ونسه زي المعانا ضيوف، صلحت توبي و دخلت البرنده و على طول قلت السلام عليكم، جاني صوت عُدى و هو بقول لي و عليكم السلام، أول ما رفعت راسي عيني وقعت على لينا ...اتجمدت مكاني و ما قدرت امشي و أسلام ليها، علامات الإندهاش كانت واضحه علي لمن أمي و مزن اتحيروا، في ألف حاجه كانت في راسي، انتبهت لما أمي قالت لي مالك يا بت ما عايزا تسلمي؟
اتحركت بإتجاه لينا و انا متوتره من ردة فعلها ، أول ما وصلتها قامت على حيلها و سلمت علي بالأحضان و همست لي: زعلانه منك شديد بعدين ح أتفاهم معاك، بعديها سلمت على عُدى لأنو الأيام الفاتت ما كان قاعد معانا، قعدت قصادهم و بقينا ال3 بنعاين لـ بعض بنظرات عتاب و الجو بقى متكهرب و كان في قلق و توتر حاصل، عن نفسي ما قدرت اتعمل الضغط دا و أول ما لقيت لي فرصه طلعت منهم، قعدت في الحوش برا و انا بطقطق في أصابعي و مقلقه شديد، حيلي مات لما سمعت لينا و هي بتقول لي ليه عملتي كدا؟
غالبني العفو، دي الكلمه الوحيده القدرت أنطقها، اتحركت م̷ـــِْن جنبها و مشيت غرفتي و رميت نفسي على السرير، رغم الوجع الكان جواي ما بكيت و رغم الألم الكان ماسيني ما بكيت، أبكي على راجل معرس؟! و انا الساهمت في عرسهم دا؟ ليه أكون متناقضه التناقض دا كلو ؟ م̷ـــِْن الًيَوُمًِ لآزٍمٍ اشيل عُدى دا م̷ـــِْن بالي .....طيب لْـۆ طلق اطلقوا زي ما لينا قالت لي! !!؟ موقفي حيكون شنو؟ هل ح اقبل ارجع ليهو تاني؟
استغفر الله دا شنو البفكر فيهو دا، لينا صحبتي الوفيه معقوله أفكر في راجلها؟ حتى لْـۆ انا الحبيتو قبليها في الوقت الراهن هم متزوجين مفروض احترم نفسي شويه و اشوف الحيحصل شنو لقدام ...
في رقدتي ديك جاني اتصال م̷ـــِْن رقم غريب في البدايه اترددت لَـگِنْ رديت، جاني صوت بت و هي بتقول لي مها كيفك؟
قلت ليها كويسه الحمدلله....بس انتي منو معليش ما عرفتك 😅
قالت لي و هي بتضحك آيي آيي ما ح تعرفيني لأنو رقمي ما مسجل عندك لَـگِنْ انتي أديتيني رقمك متذكره؟ المهم انا دعاء
قلت ليها بنفس نبرة الإستغراب دعاء! دعاء منو؟
قالت لي نسيتي بالسرعه دي! متذكره يوم الموكب لمن الكجر كانوا ساكنك و دخلنا في بيتنا ؟!
قلت ايها ايوااا اتذكرتك والله يا دعاء كيفك؟
_ الحمدلله .....اهااا ليه ما جيتي الموكب الكان قبل أسبوعين مش اتفقنا نتلاقى في جاكسون؟
قلت ليها أمي ما خلتني والله و لحدي الآن ما سمحت لي
_ كل الأمهات كدا، المهم بعد بكرا في موكب ح يتحرك م̷ـــِْن شارع الستين لحدي السوق العربي فـ لْـۆ لقيتي طريقه تعالي
قلت ليها طيب و قفلنا على كدا
أفعالك هي من تَصنع مكانتك في قلبي، فَإن أحببتني أحببتك، وإن دعمتني دعمتك، وإن أطعمتني بَلَحًا زرعت لَك نَخلًا، وإن جَارَ عَليك الزَّمَان، وثَقُل العالم على كَتِفك سَتجدني بِجانبك، وإن أَسَأت لي يومًا أو جرحتني بِقولٍ أو فِعلٍ، سامحتك وعَفوتُ عَنك، ولكِن إيَّاك أن تنتظر مني أن أُعيدك لمكانتك التي كُنتَ فيها، وإِيَّاك أن تنتظر مني أن أتعامل معك كما كُنت مُسبقًا، فَأنا ذُو وُدٍ لمن دام وُدَّه، وسَلامٌ لمن أبعد نفسهُ بِنفسهِ .💙
#رهام_العوران
يتبع....
