#غفرانك13
بقلم: مها حولي الزاكي
متمدده على السرير و سرحانه بعيد ، و ما جايبه خبر للدنيا ، استمريت مساااافه طويله بالحاله دي ما انتبهت إلا لمن سمعت صوت تلفوني ، ما عارفه ليه جاني إحساس إنو دا عُدي ، قمت بسرعه م̷ـــِْن مكاني و بكل لهفه خطفت التلفون ، فرحتي إتلاشت لمن لقيت الرقم غريب و م̷ـــِْن برا السودان كمان ، ما رديت و جدعت التلفون علـّۓ. السرير ، لما الإتصال اتكرر كذب مَـرّھٌ اضطريت أرد ....أول ما قلت آلو جاني صوت لينا و هي بتقول لي مشتااااقين والله ، قلت ليها ليييينا 😍 الشوق بحر والله وينك كنتي غايبه الفتره دي كلها اتصلت عليك كذا مَـرّھٌ بس ما تلفونك كان مغلق قلقة عليك شديد انتي كيف عليك •اللّـہ̣̥؟
قالت لي كويسه الحمدلله + تلفوني اتسرق مني والله ، عشان كدا ما قدرت أصلك و للآسف اضطريت اسافر مع أبوي لناس ماما ، آسفه شديد لأني ما جيتك
قلت ليها ما مشڱلھِ المهم إنك كويسه ، لَـگِنْ جبتي رقمي م̷ـــِْن وين و تلفونك مسروق؟
_ لأني كااااتبه الأرقام في دفتر صغير كدا في البجايه فتشتو كتير ما لقيتو كنت ح اتصل و اسألك عن عنوان بيتكم بس كلو كلو ما لقيتو ، لحدي ما سفرت مع أبوي و جينا قطر الدفتر دا ما إتلقى لي إلا قبيل و على طول لما لقيت رقمك اتصلت عليك ، قلت ليها كتر خيرك والله ما بتقصري 🧡
_ امممم ليه صوتك دا متغير كدا؟ ....و أوعك تكذبي علي و تقولي لي ماف حاجه زي عادتك، صدقيني المره دي لْـۆ دسيتي مني و حسيتي إني ما ضروري اعرف حاجه بتخصك حتكون دي آخر مكالمه بيناتنا....
انا اصلاََ كنت عايزا لي زول افضفض ليهو و احكي ليهو الجواي كلو فهي جات في الوقت المناسب و تلقائياََ لقيت نفسي بحكي ليها حتى بأدق التفاصيل و كل شي جواي ، هي سمعتني للنهايه و ما قاطعتني بعد ما انتهيت قالت لي ، افهم م̷ـــِْن گلآمَگ. إنك بتحبيهو؟
قلت ليها ما عارفه مرات بحس نفسي بحبو و مرات بقول إنو دي مجرد احاسيس عابره ساي و ما مفروض أديها اهتمام ...
_ لٱ دي ما مجرد احاسيس عابره إنتي بالجد بتحبيهو يا مها فـ احسن ليك تقولي ليهو أو تحاولي تلمحي ليهو
قلت ليها ڼـعمًـْ ڼـعمًـْ؟!
_ زي ما سمعتي
انتي جنيتي يا لينا كيف يعنى اقول ليهو و بعدين هو أبداََ ما حسسني إني بعني ليهو حاجه أو بهمو أمري
_ يحسسك كيف بحاجه هو ما شايفك محسياهو بيها ، م̷ـــِْن وين حيعرف إنو نفس البت الكانت بتكرهو و ما بطيقو حالياََ غرقانه في حبو؟
ما عارفه يا لينا بس جد جد مرات كتيره بحس إنو ما بطيقني و مرات بحسو عكس كدا، ما قادره افهمو يا لينا أو اعرف انا شنو بالنسبه ليهو ...بس مدام ، اتخذ قرارو و سافر م̷ـــِْن غير ما يتردد اتأكدت إني ولا شي بالنسبه ليهو
_ سافر؟ وين و متين ؟
سافر أمبارح ، و للآن أمي زعلانه مني و شايلاها معاي ، حسستني بالذنب والله هسي انا ضيق الدنيا دا كلو فيني
_ طيب يا مها ليه اتغيري و حسني م̷ـــِْن سلوكك دا شويه ، المعامله السيئه و الزفته مع الناس بتنفرهم مـڼـڱ
حاولت يا لينا بس ما قدرت انا كدا و دا طبعي 💔
_ماف حاجه اسمها ما بقدر ، اسألي نفسك ليه انا ما اتعاملتي معاي زيهم؟ ليه حسيتك إنسانه كويسه و طوالي حبيتك؟!....كلنا ناقصين و مليانين عيوب بس الحلو فينا إننا بنحاول نخفى العيوب دي إلا انتي ، لأنك مقتنعه إنو شخصيتك كدا و انك ما محتاجه لزول و انك قادره تتحملي مسؤولية نفسك و حياتك م̷ـــِْن غير ما يدخل فيها زول ، طبعاََ تفكيرك دا ما ناتج م̷ـــِْن عبس! دا كلو نتيجة للتراكمات و السلبيه الجواك ، شكلك كتومه شديد و غيوره في نفس اللحظه، يمكن لْـۆ م̷ـــِْن البدايه فهمتي معنى الأهل و الأسره و يعني شنو خال و يعنى شنو خاله ما كان ضايقك وجود ولد خالتك معاكم ما كنتي حتزعلي م̷ـــِْن معاملة أمك الكويسه ليهو، لْـۆ كان م̷ـــِْن البدايه ختيتي في راسك إنو الخاله أم و إنو الناس لبعضها و العز أهل ما كان وصلتي للمرحله الإنتي فيها حالياََ و ما كان وصفوك بـ (الكعبه و الحاسده و الحاقده ) افهمي يا مها احترامك للناس ما بقلل م̷ـــِْن قيمتك ، و الكلمة الطيبه جواز سفر زي ما بقولوا ....حتى لْـۆ كنتي بتكرهي زول و ما بطيقيهو ماف داعي توصلي ليهو المعلومه دي سواء بالفعل أم بالكلام ، المهم يا مها انتي كويسه و ابداََ ما شايفاك سيئه للدرجه دي بس كيف انتي تفهمي الحاجه دي ....اتغيري يا مها لْـۆ ما عشان نفسك و الحوليك فـ عشان ولد خالتك ، لْـۆ جد بتحبيه حتتغيري ....استغلي الحاجه دي و حسني بيها م̷ـــِْن نفسك، بتمنى ما اكون قلت حاجه زعجتك 🧡
