#غفرانك15
بقلم : مها حولي الزاكي
عليك الله يا لينا بطلي يااااخ و احكي لي حصل شنو؟ و العريس عجبك ولا لٱ و هل اتكلمتو مع بعض؟!
_ اصبري اصبري جااااياك بالكلام
أمبارح جانا هو و أبوهو و خالاتو و عماتي في البيت عشان يتكلم مع أبوي و حددوا يوم الخطوبه الحيكون بعد إسبوع ، و بسم الله ما شاء الله، سمح سماحه لمن غلط بالإضافه لكلامو المهذب و الراقي باين عليهو زول واعي شديد و أنيق كمان و دي أهم نقطه 🙈
ضحكت و قلت ليها: حسستيني كأنو غريب ما ود عمك ، يعني انتي ما حصل شفتيهو قبل كدا؟
_ لٱ شفتو قبل كدا بس ما حصل قعدنا سوا أو اتونسنا مع بعض، غيتو انا أمباااارح اتكسرت فيهو عديل، م̷ـــِْن منبري هذا أعلن انبراشي ، صحي والڵـهٍ حب أولاد العم دا سمح عدييييل ، في قعده وحده خلاني أحبو هسي انا عايزا أطير م̷ـــِْن الفرح عشان حنكون سوا للأبد ، اتحمست شديد لدرجة إني فكرت ألغي فكرة الخطوبه دي و نعمل عقد طواااالي بس حيقولوا علي خفيفه و لفيفه عشان كدا احسن أصبري شويه ...بس والله انا حبيتو يا مها و شديد كمان لدرجة إني ما قادره أوقف تفكير فيهو ، بقيت أشوفو في كل مكان و اتخيلو في كل زول ❤️
ضحكت و قلت ليها واااااي يوم واحد خلاك تلحقيني في الحب، خلاص بقيتي مهوووسه زيي ،، ربنا يجمعكم في القريب العاجل ، لَـگِنْ شوقتيني أشوف ولد عمك دا
_ على فكره متذكره لمن عزمتك في مطعم ( ) ؟! بس في الًيَوُمًِ داك لقيتو هناك و هو الوصلني لحدي البيت بس ما اتكلمنا كتير 🙈
قلت ليها حظي زفت يعني لْـۆ كان انتظرت شويه كنت ح اشوفو و يقوم يحبني و يجي يخطبني و يعرسني بدلك؟!! 🤣🤣🤣
_ ما كتير عليك هسي لْـۆ عايزاهو بخطبو ليك 🤣🤣🤣
قلت ليها:
لَـگِنْ انتي بتحبيهو و غرقاااانه في حبو الحل شنو؟
_ ما مشڱلھِ نعرسو الإتنين سوا
قلت ليها:
يااااريت بس انا عِنـ.̷̷̸̷̐ـديّ زول و ما محتاجه لزول غيرو 🙈❤️
_ بمناسبة سيرتو ، اها هو عمل شنو بالنسبه لموضوع عرسو؟
ما عارفه والله الفتره دي بعيده عن ناس بيتنا كلهم ، أغلب وقتي بقضيهو في غرفتي و بحااااول قدر الإمكان اتجنب ولد خالتي و ما احتك بيهو شديد ، بس ما عارفه ليه بقيت احسو بتقصد يجي المكان البكون فيهو و كذا مَـرّھٌ حاول يتكلم معاي عشان يفهم انا مالي يمكن هو افتكر اني زعلانه م̷ـــِْن وجودو في بيتنا عشان كدا بقيت اقفل نفسي في غرفتي و أبداََ ما خليتو يشوفني و انا مضايقه كلو علشان أفهمو إني ما مضايقه م̷ـــِْن وجودو معانا على الأقل لْـۆ ما بالكلام يكون بالأفعال ...
_ مها رجااااء اسمعي مِڼـّي و امشي احكي ليهو ، عان حالتك بقت كيف، بقيتي باهته و الحزن و الكآبه واضحات في عيونك، البشوفك بقول عيااااانه و مكمله العيا كلو
قلت ليها :
ههههه فعلاََ انا عيااااانه......عيانه بيهو 🙈
_ طيب شوفي علاج لـ مرضك دا يا مها قبل ما يفوت الأوان و تندمي بعدين
قلت ليها:
اصلاََ فات الأوان و ما ح اقول ليك و خسرتو لأني اصلاََ ما كسبتو يوم علشان اقول خسرتو و راحت علي
_ والله يا مها......دقيقه تلفوني رن
