الأشيب

Part 8

﷽

الكاتبة:
"سـارة الحـسن"

-لا تنسون التصويت والتعليق بيـن الفقــــرات
+متابعة الحساب itsara_kh

Instagram: itsara.kh
Telegram: itsara105

..

فتحت البوكس بغرض أشوف ذاك الصندوق
الصغير اللي بداخلة "كان بي طلقات صغار"
ووياه ورقة كنت أريد أقراها..
بـس أنصدمت من الشي اللي شفتة
وما كان موجود قبل.!!
فزيت مرعوبة وحتى ما كدرت أرفع
راسي من صوته الهادئ اللي
تخلخل مسمعي مسبب رُعب لكلبي
الأشيب: أنتِ ما توبين؟

بُقيت ملتزمة الصمت ما نطقت ولا تحركت
حسيت خطواته صارت تقترب مني ،
شددت حضنتي على البوكس أفكر شلون
أطلع نفسي من هذهِ المصيبة.!
أخذت نفس عميق متهيأة حتى أركض
ومن أول خطوتين أتجاه الدرج ركض هو
وراية لازمني من ملابسي رجعني لمكاني
الأشيب: خلينا نتفاهم لأن لو تجلطيني لو أذبحج.
مورفو: التوبة.
الأشيب: ليش تجيبين المصايب لروحج؟
مورفو: التوبة.
الأشيب: تقبلين أحد يتطفل على خصوصياتج؟
مورفو: المُجرمين منيلهم خصوصيات؟
الأشيب: مورفو والله أذبحج.
مورفو: عمو والله التوبة.

ضميت راسي من تحرك حسيتة
يريد يضربني بس كُـل اللي سواه أخذ
البوكس من أيدي وتوجهه لغُرفتة.!!
صحت وراها متذكره اللي بـ داخلة
مورفو: مو على أساس راح تدز ضفيرتي لـ عُثمان ليش محتفظ بيها يمك؟
الأشيب: غيرت رأيي راح أخليج حسرة بكلبة.

دخل غُرفتة وأحس صعقني بكلامة
مستمر يتلاعب بيه لـ خاطر يأذي عُثمان..
مشيت وراه بخطوات سريعة دُفرت الباب ودخلت
مورفو: أريدها أنطينياها.
- ألتفت نص ألتفاته يباوعلي بغضب
الأشيب: أنطيتج مجال هواية ، أطلعي برة.