" အမေ .. ကြက်သွန်မြိတ်ကုန်ခါနီးပြီနော် .. "
" အေး ၊ဟုတ်တယ် ထပ်ဝယ်ရဦးမယ် "
" သမီး သွားဝယ်ပေးမယ်လေ ပိုက်ဆံပေး "
" အမေ့အိတ်ထဲက ယူသွားလိုက်လေ "
" ကြက်သွန်မြိတ်ပဲလား နောက်ထပ်ဘာဝယ်
ရဦးမလဲ "
" အင်း .. ငရုတ်သီးနဲ့ ကြက်သွန်ဖြူလည်း
ရှိသေးတာပဲ .. ရပါတယ် ကြက်သွန်မြတ်ပဲ
ဝယ်ခဲ့ "
" ဟုတ် "
အမေက မီးဖိုချောင်ထဲကို တစ်ချက်ဝှေ့ကြည့်ပြီး
ပြောလိုက်တော့ yoongi လည်း ခေါင်းညိမ့်ကာ
ထွက်လာခဲ့သည် ။
ထို့နောက် လမ်းထိပ်ကစျေးဆိုင်ထဲကိုဝင်ပြီး
ဆိုင်ထဲက အဒေါ်ကြီးကိုကြည့်ကာ
" အဒေါ်ရေ .. ကြက်သွန်မြိတ် သုံးကီလို
လောက်ပေးပါ "
" အေးအေး "
" ဦးလေးရော သက်သာရဲ့လား အဒေါ် "
" အေး ၊ သက်သာပါတယ် yoongi ရယ် ..
မနက်ဖြန်ဆို ဆေးရုံကဆင်းလို့ရပြီလေ "
" သြော် ၊ တော်သေးတာပေါ့ .. "
yoongi က စိတ်အေးသွားတဲ့ပုံနဲ့ပြောတော့
အဒေါ်ကြီးက သက်ပြင်းချကာ ခေါင်းခါရင်း
" အမလေး ၊ မတော်ပါဘူး yoongi ရယ် ..
ငါ့မှာ ဆေးရုံစရိတ်နဲ့ တော်တော်ပတ်လည်
ရိုက်သွားတယ် ၊ စီးပွားရေး မပြေလည်ပါဘူးဆိုမှ ဒုက္ခတစ်မျိုးပြီးတစ်မျိုး တွေ့တယ်လေ ..
ဆေးရုံစရိတ်အတွက် အကြွေးတင်နေတာ
အများကြီးပဲ ၊ ပြန်စပ်ဖို့ ဘယ်လိုလုပ်ရမလဲတောင် မသိတော့ပါဘူး .. "
" အင်း .. လူ့ဘဝက ဒီလိုပါပဲ အန်တီရယ် ..
စားဝတ်နေရေးအတွက် သွေးချွေးတွေရင်းပြီး ရှာဖွေရတာပါပဲ ၊ yoon တို့က သာမန်
အောက်ခြေ လူတန်းစားတွေလေ .. အစစ
အရာရာ ပြီးပြည့်စုံနေတဲ့ လူချမ်းသာတွေမှ
မဟုတ်တာ "
" အေးဟယ် ၊ နင်တို့ဆိုင်ရော ရောင်းကောင်းရဲ့လား "
" ဒီလိုပါပဲ အန်တီရယ် .. နေသာတဲ့ရက်ရှိသလို တိမ်ထူတဲ့ရက်လည်း ရှိတာပါပဲ "
" အေးပေါ့ အေးပေါ့ ၊ ရော့ ရပြီ "
" ဟုတ် ၊ ကျေးဇူးပါ အန်တီ သွားပြီနော် .. "
YOU ARE READING
ဘိန်းခင်းကြားမှ နှင်းဆီတစ်ပွင့် (Completed)
Fanfiction🌷ဘိန်းပန်းတွေဟာ.. လှပပြီး နူးညံ့သယောင်ရှိတယ်။ ချိုးဖဲ့ခူးယူဖို့ မခက်ခဲဘူး။ ဒါပေမဲ့... အဆိပ်ပြင်းတယ်၊ ရူးသွပ်စေတယ်။ သေစေနိုင်လောက်အောင် အန္တရာယ်ကြီးမားတယ်။ လျှို့ဝှက်ထောင်ချောက်တစ်ခုပဲ... 🌹နှင်းဆီတွေဟာ.. လှပပြီး ရဲရင့်ခြင်းသဘောကိုဆောင်တယ်။ ဒါပေမဲ့...
