" လှလိုက်တာ .. နေကြာပန်းတွေလား "
" အင်း .. နေကြာပန်းစိုက်ခင်းလေ "
" သြော် .. "
tae က ခေါင်းတညိမ့်ညိမ့်လုပ်ရင်း နေကြာပန်း
စိုက်ခင်းပုံ ပန်းချီဆွဲနေသည့် ကလေးမလေး
အနားမှာ ထိုင်ပြီး ခပ်လှမ်းလှမ်းက ခုံတစ်ခုမှာ
ကောင်လေးတစ်ယောက်နှင့် ထိုင်နေသည့် hoseok ကို လှမ်းကြည့်ကာ ပြုံးလိုက်သည်။
hoseok က ထိုကောင်လေးကို ယူနီကွန်းပုံ
ဆွဲပြနေတာဖြစ်သည်။
ထိုကောင်လေးကလည်း hoseok ရဲ့ လက်ရာ
သေသပ်သည့် ယူနီကွန်းပုံကို စိတ်ဝင်တစား၊
ပါးစပ်အဟောင်းသားနဲ့ ကြည့်နေသည်။
ကလေးတစ်ယောက်နဲ့ အတူရှိနေသည့်
hoseok ရဲ့ အပြုအမူ၊ ပုံစံတွေဟာ အရမ်းကို
နူးညံ့သိမ်မွေ့လွန်းနေပါသည်။
ပြီးတော့ ... ဖခင်တစ်ယောက်နှင့်တောင် ..
တူနေပါသေးသည်။
" အားလုံးပဲ .. နေ့လည်စာ စားချိန်ရောက်ပြီ "
ထိုအချိန်မှာပဲ အခန်းထဲကို စစ်စတာ
( ခရစ်ယာန် မယ်သီလရှင် ) တစ်ယောက်
ရောက်လာပြီး နေ့လည်စာ စားချိန် လို့
ပြောလိုက်တာကြောင့်
ပန်းချီထိုင်ဆွဲနေသည့် ကလေးတွေအားလုံးက ချက်ချင်းပဲ သူတို့ ပန်းချီပစ္စည်းတွေကို
သိမ်းစည်းကာ နေရာတကျ ပြန်ထားပြီး
အခန်းထဲမှ ထွက်သွားကြသည်။
ထိုစစ်စတာရဲ့ လက်ထဲမှာလည်း အနှီးနဲ့ပက်ကာ
ပွေ့ပိုက်ထားသည့် ကလေးတစ်ယောက်
ရှိနေပြီး tae နဲ့ hoseok ကို ကြည့်ကာ ပြုံးပြီး
ခေါင်းညိမ့် နှုတ်ဆက်လာသည်။
tae က စစ်စတာ့နားကို လျှောက်သွားပြီး
" ကောင်းသော နေ့လည်ခင်းပါ စစ်စတာ "
" ဟုတ်ကဲ့ "
စစ်စတာက ခေါင်းညိမ့်အသိအမှတ်ပြုတော့
tae လည်း စစ်စတာ့လက်ထဲက ငြိမ်သက်စွာ
အိမ်မောကျနေသည့် ကလေးလေးကို
ငုံ့ကြည့်ကာ ထပ်ပြောသည်။
" ဒီကလေးလေးက ဘယ်နှနှစ်လဲဟင် ..
ယောက်ျားလေးလား၊ မိန်းကလေးလား "
" ယောက်ျားလေးပါ၊ တစ်နှစ် လို့တော့
ခန့်မှန်းရတာပဲ၊ လွန်ခဲ့တဲ့ တစ်ပတ်ကမှ
ရောက်လာတာ "
STAI LEGGENDO
ဘိန်းခင်းကြားမှ နှင်းဆီတစ်ပွင့် (Completed)
Fanfiction🌷ဘိန်းပန်းတွေဟာ.. လှပပြီး နူးညံ့သယောင်ရှိတယ်။ ချိုးဖဲ့ခူးယူဖို့ မခက်ခဲဘူး။ ဒါပေမဲ့... အဆိပ်ပြင်းတယ်၊ ရူးသွပ်စေတယ်။ သေစေနိုင်လောက်အောင် အန္တရာယ်ကြီးမားတယ်။ လျှို့ဝှက်ထောင်ချောက်တစ်ခုပဲ... 🌹နှင်းဆီတွေဟာ.. လှပပြီး ရဲရင့်ခြင်းသဘောကိုဆောင်တယ်။ ဒါပေမဲ့...
