انتقام القدر عراقيه مكتمله 🤍

الحلقه الاولى

لا يوجود في هذا الكون اعضم
من فقدان شخص يمتلك قيمه كبيره
في داخلنه ونكون نحن السبب في فقدانه

.......
انتقام القدر
الحلقه الاولى
saraalobidi1995

ساره العبيدي
........
واكفه على السنك اغسل مواعين عزيمه
جبيره ببيت لناس لي اشتغل يمهم جان
يوم متعب لان بلشت طبخ من الفجر
خطارهم يتغدون ويا اذان الضهر

بلشت من وكت ماريد اتاخر وهلشي
يأثر على الراتب

يغض النضر عن الرزايل لي راح تتوجهلي
تعودت عليهن اصلا من عمري ١٢ سنه واني
اشتغل بخدمة البيوت اي لاتستغربون ١٢ بس
جنت اخدم بأشياء معينه غسل مماشي سطوح
وتطورت شوي شوي اخذت شهاده بالخدمه
يلا الحمد لله على كل حال المهم مامد ايدي لبشر صح اغلب لي اخذه يروح ل ابوي بس
اذا ماياخذه اشبع ذله وكفخات من الي تتمنوها العدوكم

اغسل وفكر بأبوي مايوم بطلت تفكير
ليش يكرهني ليش اني من دون العالم ابوي
يكرهني كل ما اخدم عند ناس اشوف العوائل
وتعاملهم بين بعض اتحسر على الكلمه الطيبه
من ابوي حالي حال البنات مستعده اشتغل
ونطي العمر كله بس يعاملني مثل هل اباء
لي شفتهم بشغلي بس مع الاسف ماكو حل
نسيت ماحجيتلكم اني دخلت مدرسه لحد سادس
ابتدائي  يعني اعرف أقره وكتب خلصتها اولى
بس ابوي ختارلي غير تخصص هههه
مايحتاج دراسه  ولا يكلفه بس يكلفني
كرامتي وتعبي يلا كافي سوالف خليني
اكمل شغلي

ام راثان..نرجس كملتي شغل يوميتج خليتها
الج على الكاونتر ايمتا ماتخلصين اخذيها واخذي
الاكل الزاد الكم

نرجس..اي مابقالي شي واكمل تمام خاله
كملت المواعين احس جتوفي راحن من الشغل
رحت اخذ الفلوس خليتهم بجيب دشداشتي
جاي البس عباتي اجت بنت الناس لي اشتغل
عدهم زفرت عرفت راح تصخرني اسوي شي

راما.. نرجس اذا كملتي اصعدي سوي غرفتي
لان متأخره ع المعهد راح تبلش محاضرتي
وهسه اكول الامي تزود اجرتج

نرجس.. ماحجيت نزعت العباة وصعدت فوك
اباوع لغرفه شحلاتها كون انام على هلسرير
ساعتين اويلي يمكن كل وجع جتوفي يروح
ضحكت على تفكيري وين انام غير اذا
مددت علي تقوم عليه القيامه راما

اني وهيه نفس العمر لفرق اهلها مدلليها
واني اهلي مشغليني خدامه

اه ياربي
يمكن لو جان عندي ام ماجان خلتني
بيوم انزل نفسي وشتغل ببيوت الناس
اشتغل وافكر يمكن صارلها سبوع مامرتبه
غرفتها وسخه كلش رتبت السرير ورحت رتبت ميز الدراسه واني اباوع للكتب واتحسر مو حسد ابد ياربي لا تجعلني حاسده بس اتمنا
حياة حلوه مامكتوبلي يلا انتضر يجي فارس
احلامي يغير حياتي رحت جبة سطل المي والمنضفات وبلشت انضف الكاع لحد ماكملت كلشي الباب جان مفتوح حسيت احد جان ورايه جنت مدنكه امسح الكاع واتحلطم على حياتي
لتفتت شفته يباوعلي بنضرات ابد ماحبيتها
من شافني نتبهت اله تحمحم وكال