انتقام القدر عراقيه مكتمله 🤍

الحلقه الثانيه والثلاثون

‏ستعيش مرحلة من حياتك ارَ أنها أجمل مراحل العمر ، حينما تكون أكثر هدوءًا، تتظاهر بعدم الفهم، تتخطى مسألة العتب رغم وجاهته، لن تتصيد الهفوات، تتصالح مع ذاتك وتبتعد عن المقارنات والتقليد ،  لك ذائقةً مستقلة، تغادر كل  من تقديره لك لا يتناسب مع إقبالك عليه( هي مرحلة نضج عقلي ولا علاقة لها بالعمر بل بالتجارب )

لقائلها
..........

ساره العبيدي
انتقام القدر 32
............
لاتنسون التصويت ولتعليقات الحلوه
........

هذا الي تسمي حبيبي هوا سبب كلشي صار
هوا الي اجه يمي وشوه سمعتج هوا الي كالي
تتقربين من ابو حتى

تقدم وسام وضربه بوكس بس ماسكت كمل
كلامه وكال

ليش تريد تسكتني خليني اكوللها شلون جذبت
وفتريت عليها وشوهت سمعتها وتالي اجيت
وتزوجتها وستغليت فرصة ضعفها

تركت ايد وسام واني كل جسمي يرجف من
لي جاي اسمعه معقول لحد هاي الدرجه وسام
نذل ماكفه اتهامه الباطل الي عند اخوته لا
حجى هلشي حتى لناس غريبه وشوه سمعتي
لو ماكلامه يمكن جنت هسه اني زوجة راثان وجان كلشي بحياتي يختلف جان هسه اني زوجة انسان يحبني ويتمناني مو شخص يعتبرني
مجرد شي نفرض علي نزلت دموعي عفتهم بره ودفعت وسام بيدي بره لبيت وسديت لباب
ودخلت توي حبوبتي طالعه من الحمام

وين جنتي يمه شبيج ليش تبجين

مارديت كعدت بلكاع ودموعي تجوي بخدودي
ليش كل هلشي يصير وياي شنو الشي الغلط
الي سويته بحياتي واتجازه هيج اسمع صوت الباب يندك رادت حبوبتي تطلع منعتها صار يدك
على التلفون مارديت علي ماريد اسمع صوته
كلشي صار وياي بسببه لو يموت ماراح اسامحه
بطل يتصل وحبوبتي حاضنتني ومافاهمه شكو
بس تريدني اسكت حتى تفهم من كد ما بجيت
كمت ركض للحمام اتقيء حتى وجع رجلي نسيته جان وجع روحي اقوه من عنده
طلعت من الحمام وحبوبتي وجها اصفر من لخوف تريد بس تفهم كعدت حجيتله كلشي
دكت على صدرها

شتحجين يمه شنو هلحجي ماااينعقل يتهمج
ويا ابو ماصايره هاي يمه ولله مارجعج

اني مارجعله لو امووت مارجع خلي ابويه يجي
ويذبحني اهون عليه من ارجع اله رحت للغرفه شفت عمو يتصل للحضه حسيت كرهته وماريد
ارد ولا اسمع صوته لي سوا ابنه مو سهل رجع اتصل اكثر من مره قلبي ماطاوعني ماجاوبه هوا ماله ذنب مايوم اذاني بكلمه

الو

نرجس اسمعيني افهمج كلشي صدكيني بس
نطيني فرصه افهمج الي صار وياي صدكيني
اسف اسف من كل قلبي نرجس بس نطيني فرصه

ما اكولك غير حسبي الله عليك بكد ما اذيتني
رغم كلشي مديت ايدي من خوفي عليك تتأذه
اريد الزم ايدي وبالتالي تطلع انتا تحجي بسمعتي
وتشوه بيه شنو الي اذيتك بيي بس فهمني شنو لي شفته منيي