انتقام القدر عراقيه مكتمله 🤍

الحلقه الثامنه

اقوى الامراض النفسيه هي الامراض
الناتجه عن البيئه الداخليه للفرد كل الامراض
من الممكن ايجاد العلاج لها اله الامراض
التي يزرعها الاهل في اولادهم

........
ساره العبيدي حساب الواتباد
@saraalobidi1995
الحلقه الثامنه
..........
لاتنسون التصويت ولتعليقات صراحه
ابد ماجاي اشوف لقصه تنتشر ماعرف بس
افكر اوقفها لمشاهدات ماجاي تصعد ابد
.....

حبوبه مدكليلي شلون تحملتي لو اني مكانج
اكلب الدنيا اتمنا لي يضربني مو ابويه
جان ولله لعبت بي طوبه اووف بس المشكله
ابويه ماكدر اسوي شي

ههههه يمه عمري ١١ سنه مدكليلي شبيدي اسوي
وكلها تصيح براسي زلمتج اسمعي كلامه زلمتج
طيعي ونا اسوي شيكلولي هههه يلا حبوبه انتي شبعتي نوم انا مانمت بالي يمج خليني انام وبعدين اكملج سيرتي طويله ماتخلص بيوم ويومين

تمام نامي بس باجر من ارجع من يم بيت
ابو رؤوف تكمليلي ماصبر بعد هههه

راحت حبوبتي لفراشها واني لايمت البيت
وطفيت التلفزيون هففف هدوء وراحه يبين
مايرجع اليوم همزين مددت بفراشي وتكلب
هف هسه لو عندي موبايل مثل البنات منو بقا
بهلزمن ماعنده موبايل اقلها اشوف شيصير بهلدنيا او لا خليني بدونه احسن يصير عندي
وكعد اتمنا كلشي بدون ما احصل شي
بقيت اتكلب بفراشي لحد ماغفيت كعدت ساعه
سته شبعانه نوووم من كد مانمت البارحه
كمت لكيت حبوبتي بلطارمه كاعده صبحت عليها
كتلها حبوبه شرأيج نتريك بيض جاي على
بالي بيض عيون كالت

يبعد حبوبتج صبحج الله بلخير ولعافيه شتاكلين
اكل بلي يعجبج مديت راسي من الباب شفت
الدكان القريب علينه معزل كلت يلا انضف ورتب
البيت ولطارمه بين مايفتح طبيت كملت كلشي
لبيت هادي بس صوت قرأن قناة المجد وبخور
حبوبتي لي يجيب الراحه ويا صوت القرآن لي 
يبعث الطمئنينه بالنفس اوف ياريت جنه بس
اني وحبوبتي عصرني قلبي كلت بعيد الشر
يبقا ابويه لو شما كان وشنو ما سوا اقلها
اسم رجال بلبيت تكفينه شر السانات الناس
طلعت مديت راسي جاي يفتح الرجال لبست
عباتي وشالي وطلعت جبت بيض واجبان
حبوبتي جانت تخبز اوف ريحة الخبز
ترد الروح مو بس طيبه خليت للجاي على النار
سويت الريوك بين ماكملت مانخبز هواي لان
احنا نفرين فا مانصرف خبز هوايه وحبوبتي
ماتقبل اني اخبز دكولي كافي الشغل لي تسوي
ماناقصج تعب كعدنه نتريك غمزتلها جان تضحك كالت

لخاطر ابوج مدكليلي شكثر عندج فضول يعني
شتستفادين من سيرتي وسيرة جدج

مممممم ماعرف احب اعرف كلشي عن اي شي

تدللين بس هسه كومي روحي البيت ابو رؤوف
خطيه لرجال يمه معتمد عليج هوا ووليداته

اي ولله صح ما بقا وقت شلت الصينيه
وديتها للمطبخ لملمت بسرعه وغسلت المواعين
طبيت سبحت بسرعه غيرت ملابسي ماترهم
اروح للناس بدون لاغير ملابسي شتغلت بيهن واكلت غسلت ملابسي شريتهن ورحت صح
البارحه مطكوكه لحد ما نتهيت بس عندي نشاط
ماعرف ليش من واني صغيره نشطه وماتعب من شغل ولو تعبت بس انام ارجع بصحتي يمكن
لان بعدني صغيره ماعرف راح ابقا هيج او لا
ورغم كلشي صح مرات اتذمر بس احس باجر احله احس جاييني العوض اكيد راح كلشي
يتغير
..ماجنت اعرف لدنيا شضامتلي لو جنت اعرف
ماجنت تمنيت اكبر اصلا،،،،،،،،