انتقام القدر عراقيه مكتمله 🤍

الحلقه ثلاثون

يتضاعف استغناء الإنسان كلما ازداد أدبه، وعلمه، ومعرفته بزمانه، وحياته، وغاياته، فتزداد انتقائيته لأصحابه، ونوعية الأشخاص من حوله، ويتخفف
حتى من بعض أحلامه، ويدرك أين ومتى وكم يبذل
من نفسه، وطاقاته، بما هو أصلح وأنفع لنفسه
.............
بالنسبه لسؤال ايمتا اختمها صدكوني جنت مقرره ٢٥ بارت فقط بس الاحداث حلوه واحس حرامات اختصرها 😑 لاتنسون لتصوييييييت  ان شاء الله اذا كملت لبارت الثاني انشره الكم بليل
..........
ساره العبيدي
انتقام القدر 30

........٠

ايي شبيك مدكلي عاجبك اسمي نرجس نرجس
فتهمنه ماحسيت اله وكف وجا تجاهي بسرعه
خفت بس لا راح يضربني مره ثانيه مد ايده لزم ايديه ثنينهم جرني علي

شتريدين نرجس

جان يباوعلي بنضرات غريبه

شنو شنواريد قابل ليسبح غير يرتب روحه
شبيك عوف ايدي

اكيد يعني ماتريدين شي

جريت ايدي من عنده شبيك مجنون عورت ايدي
رحت مددت بفراشي غبي همداك مو صوجك صوجي قبلت تبقا وياي بالغرفه جان لمفروض اكول العمو يخليك تنام بلمطبخ

شجاي تحجين مجاي اسمعج

لو اريدك تسمع جان سمعتك

سوه روحه يريد يكوم بسرعه غطيت راسي
سمعته يضحك بقيت مغطيه وجهي سمعة خطواته جاي باتجاهي قلبي كام يوجعني
رفع الغطه

نرجس اسمعي اسف لان مديت ايدي عليج

اوك رجعت اخذت الغطه رجع سحبه

وتالي متخليني انام يعني

لا اخليج تنامين بس بلاول كلت لازم اعتذر
اني مامتعود امد ايدي على مره بس انتي لسانج طويل

اوك راح اقصره لخاطرك تدلل روح لمكانك يلا

هههههه خايفه مني يعني كتلج ترا

اعرف اعرف اني مو ذوقك اني فاهيه ونتا تحب لمره لقويه وقليلة ادب

لا اني ماكلت قليلة ادب

ميحتاج تحجي اعرف ذوقك

هههههه سبحان الله عشر ايام يم ابويه صرتي
لسانج اطول منج اذا بقيتي سنه شيصير بيج

لا غلطان اني هيج من البدايه بس جنت غريب عليه فا اعاملك باسلوب وهسه تغير لوضع شو هذا كعد على السرير

اها يعني هسه اني مو غريب

اي مو غريب حالك من حال اخوتك اخويه يعني
ماقصد غير شي فا لا تتماده حتى ما ازعلك
ضحك بصوت عالي ضحكه تنرفز وراح تغطيت
شبي هذا يمكن بلش يتحرش او لا يجوز بس يريد يخوفني مستحيل يعرف عمو ما يرضى
بقيت افكر لحد ماغفيت بحبوبتي جانت مدده وحدها بالطارمه وشكلها مريض ردت اروح يمها وابويه طردني بقيت ابجي بلحلم واتوسل بي بس اريد اشوفها ماجان يقبل ابد يبعد بيه عنها