انتقام القدر عراقيه مكتمله 🤍

الحلقه الثامنه عشر

وتضيق دنيانا فنحسب أننا
سنموت يأسا أو نموت نحيبا
.
وإذا بلطف الله يهطل فجأة
يربي من اليبس الفتات قلوبا
.
قل للذي ملأ التشاؤمُ قلبه
ومضى يضيق حولنا الآفاقا
.
سر السعادةِ حسن ظنك بالذي
خلق الحياةَ وقسَّم الأرزاقا.

............
ساره العبيدي
18
saraalobidi1995

..............

بقيت اتفرج وبستمتاع واني اخطط
بعقلي خياطه لو اطبخ خلص هاي اخر
فتره اشتغل بالبيوت اريد اشد حيلي واجيب
كتب ثالث متوسط واقراهن واني بلبيت
امتحن خارجي مثل ماكلتلي راما لازم اسوي
الروحي مستقبل كافي لطلطه على البيوت
فزيت ع ضربه خفيفه ع راسي من حبوبتي

يمه ولله خوفتيني شبيج كل شوي تشردين
حجيلي شنو بعقلج

لا حبوبه لايضل بالج جاي افكر باشياء
تفرحج تطمني بس ماراح احجيها لحد ما
اتاكد اكدر اسويها تسمحيلي اضمها عنج
وصدكي بيها كل الخير

تمام يمه براحتج اني شريدلج غير الخير والفرح

بقينه اني وحبوبتي على الماكينه خلصنه اليل
كله تعليم طلعت شكو شي قديم بلشت افصل
قطع اطفال كالت تعلمي بقطع صغار بسرعه
ضبطتها كل قطعه اضبطها احس بفرح كبير
ماصدك هلشي جاي يطلع من ايدي من اول
يوم سبحان الله شاطره بكلشي بس حض
ماكو لحد ماتعبنه لمينه لهوسه لسويتها
ونمنا

ثاني يوم جان ماعندي شي وماصار شي يذكر
مرت ايام هادئه اتنقل من علاج عمو على البيوت
لباقيه جانت ايام عاديه تشبه الايام الي تسبقها
لحد ما بيوم جنت ببيت ابو راثان جنت جاي
انضف جوا وحدي بلطارمه اجا راثان كال خلصي وبسرعه لحكيني على غرفتي نرجس بهتت
ملامحي رفعت راسي كلتله اني

اي انتي ليش اكو شخص ثالث بيناتنا بسرعه
كلت ماريد اكرر كلامي ولاريد احد
يسمع فهمتي

هزيت راسي ماعرفت شنو ارد جان شكله
معصب كملت ودخلت للبيت جانت امه كبالي
كالت كملتي كلتلها اي خاله اصعد اكمل الفوك
كالت لا اول رتبي هاي الصحون بلجلايه مابيه
ادنك كلتلها تمام كلت همزين حتى ما اصعد

كعدت انضف الصحون واخليها بلجلايه ع كيفي
اماطل بلوقت بلكت يمل وينزل ماريد اصعد
شكله جان معصب هوايه اول مره اشوفه
هيج خفت لحد ماسمعت صوته من فوك يرعد
نرجسسس جيبي اداوت التنضيف وتعالي
علبة العطر نكسرت يمكن جان يرد يشتت
انتباه امه او يبعد الشبهات هههه ماعرف
صعدت كلتله وين وكع ستاذ
ماحسيت غير جرني من ايدي دخلني وسد لباب
نفضت ايده شصاير استاذ ليش هيج تلزمني

تصدكين جنت شايفج فد شغله جبيرره طلعتي
يامرخصج لا وداخله بدور العبايه ماتنزل عن
جتوفج ولحجاب مانلمح شعرج لو مستمره
شوي بجذبج جان هسه حتى نقاب لبستي