انتقام القدر عراقيه مكتمله 🤍

الحلقه الخامسه

ايام تمر لانعلم ما يخبئ لنا القدر
لكن الاكيد هوا ان لنا رب يعوض
جميع انكساراتنه
.......
البارت 5
انتقام القدر كامله
كروب قصص عراقيه واتباد 🍓
ساره العبيدي
...........
لاتنسون التصويت والتعليقات الحلوه مثلكم

ساره العبيدي
حساب واتباد
saraalobidi1995
........

رجعت اتفرج على المرايه وشوف طولي وجسمي
جسمي كلش حلو مضلوم بالدشاديش خصري ضعييف ومن جوه جسمي مليااان بختصار
جسمي منحوت نحت ماستغرب هلشي حبوبتي
بهذا العمر بس جسمها بي تفاصيل واضح وراثي الموضوع بقيت مركزه بجسمي وتفاصيلي بالضبط نفس تفاصيل وجه المره لي بلحلم حسيتها كبالي
حسيت جاي اشوف وجها  مو وجهي
رجعت نبضات قلبي تتسارع عفت المرايه وكمت بسرعه رحت يم حبوبتي جانت بعدها خطيه ماماكله تنتضرني اجي كالت

شو مالبستي الثانيه

ميحتاج لونها نيلي شايفتني بي هههه

اسكتي يمه شسوي اخاف عليج انتي حلوه
وتجيبين العين

صدك حبوبه يعني اني حلوه

يااا كل عكلج يمه اذا انتي مو حلوه منو الحلو
ماتسكتين يروح الله يكلبها بيج هذا الجمال
كله ومو حلوه مادعي بس الله يحرسج
ويبعد عنج ولد الحرام

ياعمري حبوبه والله اموت علييج صدك
ماكملتيلي شلون اخذج جدي كاطع بربج كمليلي
مددنه اني وجدتي بفراشنه وكلتلها كملي يلا

وين وصلنه اخر شي

كلتيلي كال ابوح  ماعليها شي انتي شكبرج اخذتج
الموضوع انتهى انا وعدتهم انطيهم اعز
شي على قلببي وانا رجال اعز ماعلي كلمتي
الموضوع انتهى ماريد اسمع نقاش

اي عاد اخذوني امي ومرت ابوي وكعدو
يفهموني ع العرس واني كمت ماشوف بعيوني
من الدوخه شلون يحجون وياي هيج همه يمنعوني من الولد ويحذروني فجئه يعلموني هيج
سوالف دكيت ع صدري وكمت الطم والله ماتزوج اني صغيره وامي مابطلت دموع
بحكم ابوي جان مدللني جنت الاسن ورد
وماسكت عن حكي لو ادري انبسط المهم ماسكت
عفتهم يحجون وطلعت لكيت بنوات عمي وخواتي من ابوي واكفات وهنه يتناوعن شكلي
ودموعي ويغمن بيه ويكولن هااااي تاخذ كاطع
تفلت عليهن ومشيت وره لبيت عدنه ثيل
ومكان مازروع جبت مي وكعد احفر احفر اطلع طين وحط واعجن بي وسوي دعابل من طين
لعبي جان كله بالطيان بحيث الله يرحمها امي
جانت تسبحني بعدد الوجبات لان كلمره  مايضيعوني يلكوني العب بالطين بس ميمتي ابد
ماتعصب مني عبني وحيدتها عمت عيني عليها
المهم جوي لبنات كلولي ارفضي انتي تدرين
لي تزوج وهيه بعمرج يصير بيها نزيف
لحد ما تموت حسيت اريد اتقيء من سوالفهم
جانن يحجن بالقلم العريض ختموها لمن كالو عمره ٢٥ ومطلك اكيدطلك لان مرته ماتحملت قسوته عبنه ابن شيوخ اكيد لمره دكوم بكتله وتكعد بكتله  وانا الخوف لزمني عفت الطين
ومشيت حسيت شي بلل ملابسي طبيت امي
كبالي دكت ع صدرها وعيونها مفتحتها
ات لزمت ايدي وجرتني
§åřå95
ركض للحمام وهيه تصيح شبيييج منو جان يمج
منو تقربلج وانا مافاهمه شتحجي
رفعت ثوبي شفت الدم شنو هذااا احد تقربلج
احجي بقيت مصفره ماعرف شحجي هزيت راسي
واني اكللها ولله محد ااجا يمي هوا نزل وحده