انتقام القدر عراقيه مكتمله 🤍

الحلقه التاسعه والعشرون

ممكن اعرف ليش راجع ؟؟، بعد ماخنت الظنون، واستبحت الجرح، ونثرت المواجع .. والطعون، ليش راجع ؟؟، بعدها جروحك طريه ..، مامداها تندمل، مانست كبر الخطيه

...........
ساره العبيدي
29انتقام القدر
..............
لاتنسون التصويت ولتعليقات
حبايبي عذروني لان ماملتزمه بالنشرر بس تعرفون ايام عيد وهوسه😑
.............

نرجس نمتي

مارديت كلت اكيد يريد يكمل عصبيته براسي

اعرف كاعده اسمعي نرجسسس

نعمممم نعم تفضل احجي شعندك بعد

اني عندي حدود الكلشي نرجس ماحب بشر يتجاوزها لان يخسر خلي هلشي ببالج

وسااام وسااام دخيل الله كلت لاتلبسين كتلك تمام خلص ورمت راسي ليش تكرر كل سالفه الف مره

لابله بس لا زعجت حضرتج

اي زعجتني واريد انام اختصر احجي كل لي عندك وخليني انام الله يخليك

انتي بس لا بالج اني اغار عليج وكمتي تتعنطزين ترا ماشايفج اصلا اني احجي هيج لان ماحب احد يجيبلي سالفه يعني مثلا اخوتي يكولون مرته قليلة تربيه واني ماحب هلشي

من طريقة كلامه تذكرت كلام ورد هوا يحجي بتسمت لا تطمن اعرف ماتغار اساسا مابينه شي حتى تغار عليه كلها فتره وكل واحد يرجع الحياته وبكل الاحوال اني مارضه سالفه غلط على روحي مو علمودك لان اني مو هيج تربيتي
فا اتطمن وريح قلبك وبالنسبه للتراك بعد مالبسه ترا يعني مايستاهل كل هل انفعال ولسوالف حجيت وكلتلك تمام وخلصت السالفه
ماله داعي تطولها وهيه كصيره رجعت تغطيت
وغطيت حتى راسي سمعته وكف طفة الضوا
طلعت راسي وغفيت مريض مو طبيعي فهمنه
ماعنده ثقه بس مو لهاي الدرجه كعدت ع صوت حركته بالغرفه باوعت الساعه ب٦ ونص شعنده
كاعد بوكت كمت لميت شعري وطلعت دشداشه
من الكنتور كلتله راح اروح اغير ملابسي

لاا اني طالع بدلي

ضحكت على عقله بدلت وطلعت بسرعه جان
واكف ينتضرني اطلع غسلت ونزلت حضرت الهم الريوك كعدو الكل صبحت عليهم وعفتهم يتريكون ورحت على غرفة عمو صباح الخيرر

هلا بنيتي صباح العافيه

اساعدك عمو تجي تتريك

لا الحمد لله كمت اكدر اوكف روحي ويا المسند

الف الحمد لله لعد يلا عمو روح قبل مايبرد الجاي بين ما ارتب غرفتك

يابعد عمج يلا رايح

كام عمو راح رتبت لغرفه جانو مغيرين لديكور
بهليومين جايبين سرير ثاني الاحمد لان صار
ينام ويا عمو بعد ماحتليت سريره هههه
رتبتها فتحت البردات حتى تطبلها لشمس
اجا وسام

اني طالع تحتاجين شي ليوم لازم اداوم

لا تسلم ممحتاجه شي بس شوف شمشتهين
حتى اسوي غدا