انتقام القدر عراقيه مكتمله 🤍

الرابع ولعشرون

سرتُ عكس كل الطرق التي تسلكينها، وفي النهاية عندما كنا نلتقي كنتُ أرتعد، وابتعد، كنتُ أذهب حيث اللا تلاقياً، حتى تجرأتُ على نفسي وقررت لأجلك ألف مرة "لن أكون من الذين ابتعدوا"
..........
انتقام القدر كامله
كروب قصص عراقيه واتباد 🍓
ساره العبيدي
24
................

احمد انت تعرف اني مريت بتجربه
فاشله وحرمت على نفسي ادخل مره
لحياتي ابوك جبرني على اكثر شي يأذيني يعني شنو ذنبها البنت تاخذ واحد مثلي مستحيل يتقبلها افهمني
حاول تقنع ابوك وتزوجها انتا
.
.
شتحجي انت صاحي شلةن اتزوجها وابويه كال للكل هيه خطيبتك ولبنيه تعرف هلشي وسام الماضي راح ويا اهله وذيج هيه تزوجت وخلفت وعايشه احسن عيشه وانت مثل لمطي
مكابل الذكريات يول ياذكي ماحب اقلد على خلقة الله بس جانت زركه شعرها دكول كناكر طلي ماسابح من جابته امه اول نره بحياتي اشوف شعر اسود ومو حلو هوا شعرها اخلاقها الله يستر علينه وعليها ستغلتك وستغلت ذكائك نجحت براسك وطلعت الهويه براسك وراها تزوجت صاحبك مدكلي انتا صاحي ولك نرجس جنها لعابه روسيا والله العظيم اشك امها مو عراقيه مستحيل شايف شكارها شايف لون عيونها جعلتها اختتتتي لاتصير
غبي وتضيعها من ايدك ما اكولك حبها باجر لا بس لاتعقد الامور وخفف شك لان مو كل اصابعك سوا واني اعرف انت منعتها تختلط بينه بس مسامحك لان لسا ماتشافيت من جرحك بس صدكني بس تشفا ماراح تسامح نفسك على شكك مو بلبنت نكول ماتعرف شنو بسرها بس باخوتك وابوك لي عاش عمره لامك ماشاف بلدنيا ولاراح يشوف غيرها فا حاول تنطيها فرصه وقبلها انطي لنفسك
.
.
ختولي يمعود لا انطيها ولا تنطيني ماصدك تخلص لمده ورجعها لابوها
.
.
مكدرت اوكف اسمع اكثر بعد كافي اهانه رجعت صعدت كم بايه وسويت
روحي جاي انزل حتا يسمعون صوت
المشي ويسكتون فتحت باب لاستقبال جان مردود ولهذا سمعت كلشي يلا
همزين عرفت سبب شكه مريض مثل ماتوقعت دخلت
بله زحمه احمد اني باجر ماراح اروح ويا عمو وباجر ضروري يروح لجلسته
لان اليوم ماراح وهوا بمرحلة شفاء
فا تودي انت او اي واحد منكم
.
.
اي والله صح نسينا اليوم وهوا خطيه
ماذكرنة شافنه ملتهين خلص باجر بأذن الله اودي بس اكعدي ب١٠ هيج
حتى من يرجع ما يبقا وحدى خطيه
يضوج مامصدك صرتي ببيتنه دائما
.
.
تمام هوا اني بكل الاحوال اكعد من الصبح ان شاء الله تصبح على خير
طول ما اني احجي متوجهة اله ولو بحرف وحتى من ختمتها بس ويا احمد
استرق النظرات وشوف شلون يضغط
على اصابعه واني اشعر بانتصار سديت الباب وطلعت سويت روحي صعدت
ورجعت نزلت ع كيفييي ههه حتى اسمع شنو راح يحجون
.
.
شفت تحجي عليها شوف شلون شايله هم ابوك ليشوفها يكول ابوها الحقيقي
والله ماتلكه مثلها لو تموت ياغبي
.
شفت قلة أدبها شلون توجه الكلام الك ولا كأنو اني موجود
.
حقها شافت منك حتى تحجي وياك
شوفها لان الولد قليلين كلام حتى سلام ماسلمو ع بعض بس لان لكت من عندي معاملة اخ كبير مانت عليه وصدكني اني صادق باكلمة اخ جميلها
وكفتها ويا ابويه يبقا دين بركبتي وانصحك لا تأذيها لان راح تشوفني اول واحد واكف بوجهك ابد لا تفكر ماعدها اب براسه خير تستغل الموضوع عاملها مثل الاوادم وشوف شلون راح تعاملك بعمره ابويه ماخابت نضرته بشخص هذا الشي لي متأكد من عنده مثل ما متأكد من اسمي
.
.
ترا قلقتني نرجس نرجس احسها ساحرتكم وضعكم مو طبيعي خليني اصعد اجيب ملابس باجر ورايه دوام
.
.
ابويه مو كالك ممنوع توصل الغرفه ماجنت تعرف تجيبها وهيه جوا يعني
.
.
خليتهم يكملون كلامهم وصعدت ركض
مالازم نلتقي ابددد تذكرت مانزلت مواعين الاكل اخذتهم ونزلت جان جاي يصعد
.
خير وين رايحه
..
اودي المواعين للمطبخ نسيتهم جنت ارتب بالغرفه
.
يلا نزليهم واكفلج
.
لويت شفتي ها واكفلي ليش منو كالك
طفله ماعندي عيارة بنات اصعد كمل شغلك بين ماكمل لمواعين
.
ونت شدراج عندي شغل
.
واضحه يعني شتسوي صاعد ونتا تعرف عمو مايقبل تصعد اكيد مضطر
.
هههههههههههه جاي تبسمريني يعني لو شنو
.
جان يضحك بصوت عالي اشش عيب
هسه يكعدوننن عفته ونزلت اركض
شكد عيب هسه شيكولون واكفه اتمضحك ويا والله فشله
لكيت احمد بلمطبخ
.
ها بزون جعتي ونزلتي تخمين
.
لا بس نزلت لمواعين ناسيتهم لان جنت ارتب بلغرفه
.
اذا جوعانه تعالي اكلي وياي اني هذا موعد اكلي لاتستحين هههه
.
ماشاء الله تاكل بهلوقت ولا مبين عليك
.
اي مو داخل جم فا محافظ
.
ربي يحميك لشبابك
.
هههه فدوا لقلبج دعوة امي هاي
.
مادري متعوده على كلام حبوبتي ودعواتها
.
الله يحفظها
.
كملت جيت اصعد بعده مانازل ياربي
ساعه ب١ ونص واني من ل١٠ اغفي بس ستحيت من ورد تذكرت فراش احمد خطيه رحت خليته بلغساله كلت
من اكعد انشره على الشمس طلعت من لحمام شفته جاي ينزل وكفت براس الدرج كمل نزوله صعدت طفيت الضوه
ومددت بسرعه افيش شكد حلو لفراش
لازم ارجع نومي مثل قبل شنو ليوم كاعده ب٢ ماتبقا اي بركه بيومي بعد ماعيدها باوعت الله ساعه ام المنبه حضرة المحامي يحب الانتيكات جبتها سويت لمنبه ب٧اله ربع وغفيتت
كعدت ع صوت لمنبه طفيته ورجعت غفيت دقايق ورجعت كعدت بسرعه
كمت غسلت بلحمام الفوك وتوضيت ورجعت للغرفه صليت الفجر قضاء ونزلت جانو الكل كاعدين يتحضرون
رحت خليت الجاي ع نار وفرشت سفره طلعت الاجبان ولمربه وقشطه
وسويت خيار وطماطه وجزر وزيتون
بصحن صار ريوك يشهي بين ماصار
الجاي سويت اومليت بيض هم وخليته
اجا اول واحد احمد
.
شنو هاي الله لا هيج دلال مانتحمل لج من توفت امي ماصاير ريوك ببيتنه
.
الله يرحمها ماكو صباح الخير
.
عمي صباح الخير تدللين
.
صباح النوور تدري شتسوي صيح لباقين لان استحي تريكو ومن تطلعون
اني انزل اكمل مالكم شغل وحنا نحجي دخل وسام مبدل ولكشخه فوول هههه
.
صباح الخير هاي شنو عاشت ايدج
.
صباح النور الف عافيه يلا من رخصتكم عفتهم وصعدت فوك شباب خطيه لازم ياخذون راحتهم صعدت رتبت الغرفه خليت الاكياس كلهم جوا السرير ماعندي مكان ولكنتور صح ٤ ابواب بس بي غراض احمد ووسام
فا ماكدر حتى افتحه استحي شفت صار هدوء سمعت صوت احمد مديت راسي من الدرج هلا احمد صحتني
.
اي عيني تعالي سدي لباب عليج اني راح اودي الوالد للجلسه تبقين وحدج
فا سدي عليج من جوا
.
تمام نازله رحت خليت كريم لوجهي ونزلت كلهم ماكو كلت فرصه انضف البيت قفلت باب البيت من لداخل وبلشت شغل حافظه كلشي بلبيت هههه ماكو شي غريب عليه هذا افضل شي جان بوقتها بلشت بغرفة عمو حتة من يرجع بسرعه يرتاح هويتها ونضفتها رغم مريض وعاجز بس ريحة غرفته دايم طييبه ريحه احس نسائيه
بس ماعرف يمكن اني مخربطه مستحيل يستخدم عطر نسائي كملتها ورحت على باقي لبيت ب١٠ كملت اعرفهم شنو يحبون غدا مايحتاج اسئل اكيد باميه هههه احس لو عدهم بستان ويخيروهم شتزرعو راح يزرعو كله باميه بلشت بلغده ونفتح لباب مديت راسي احمد يدفع بعمو فتحت لباب هلاااا عموو صباح الخير
.
ههههه ها نشاط اليوم صباح العافيه
.
ايي نشاط وجاي اسوي اكلتكم المفضله
اكيد مايحتاج تحزر
.
ههههه باميه اكيد
.
صحح هههه طب عمو شو احمد عاف
الباب مفتوح
.
حتى ينزل لمسند يجيبه يشده
وابلش استخدمه
.
ماشاء الله وأخيرا عموو الف الحمد لله
.
الحمد لله فضل الله وفضلج
.
دخل احمد بسرعه رحت شفتتت عمو راح يمشي عينيي
.
ايي بس شوفيلنه مره نريدها من كرايبكم علمود ترجعه شباب شكار وحركات
.
هههههه مع الاسف مكطوعين حتى كرايب ماعدنا
.
ههههه ونتي كيفتي بسرعه مع الاسف
غير اذا ياخذ غير امي ارجعه ع لكرسي
.
ولله عاد رجال شباب ومن حقي
.
ها يابه متأكد
.
هههه لا ولله تحرم عليه لنسوان من بعد امكم تطمنوا
.
شفتي احنا اوفياااء اكضبي بوسام بأديج وسنونج لايروح من ايدج يفوتج
.
لا دخيلك خلي يفوتني الله ويا
.
لا نرجس عمو ازعل منج شنو معنى كلامج هذا تصغرين ابني وتصغريني
.
يا لا ولله عمووو اتشاقه حشاكم قدركم
عالي
.
لا يابه صراحه نرجس تحجي على وسام وهوا خطيه لبارحه نزل ميت قهر
.
شنو نزل ليش شعندا صعد فوك
.
متت ضحك يريد يلعبها عليه تالي جفص
.
لا عمو يريد يدابلني ومارهمت ويا
ههههه
بس ترا صدك وسام صعد اخذ ملابسه
واني نزلت من لغرفه
عفيه بنتي ميصير تبقون بلغرفه وحدكم اعرف اخلاقكم بس لحلال ولحرام واحد مو بكيفنه نفتي هم لو بيوم لرحنه الابوج جان وضعج يسمح للعقد جان بيومها عقدت الكم وخلصت بس لو شايفج السيد ماراح يقبل يعقد لباله غاصبيج
.
صح لا تطمن عمو ولله ماكو اي شي
.
عفيه عليج بنيتي ونتا احمد بطل سوالفك تريد تهججها مثل ورد من كد لمدابل
.
يا حجي شلون عرفت شسوي اريد غرفه مابيه ابقا نايم بلستقبال
.
لا ماتبقا اعرض سريري للبيع وجيب الك والي ام لنفر او نزلو الاسره لفوك
هوا اخوك راح يشتري غرفه
.
لا مايشتري تبقا نفسها كلتها بدون وعي
.
ليش بنتي
.
خجلت شعرفني شنو اجاوب عفتهم ومشيت صعدت بسرعه نتضرتهم راحو لغرفة عمو يسوون المسند ورجعت للمطبخ اكمل الغدا شكد عيب هسه لو ساده حلك ومنتضره وردتحجي مو احسن من هلفشله واكفه اشتغل اجا احمد
.
تذكرت حبوبتج دزتلج تلفونج بس والله نسيته بلسياره هسه من طلعت شفته
.
عادي ماعندي بي شي
.
يعني خاف تريدتتصلين عليها شي تفضلي اني راح اروح افتح الصيدلية
.
تمام الله وياك
فتحت التلفون جان مغلق مابي شحن همزين حبوبتي دازه ويا شاحنه ماعدهم مثلها ماعتقد لشاحنه الي تصير مدوره لكيت كوم اتصالات راما ورقم غريب من تقريبا وقت ماعفت للبيت بوره ساعه هيج منو اله قابليه يتصل
كل هل اتصالات غريب والله عفته ورجعت اكمل شغلي ب٢ مابقا عندي اي شي كلت اصعد همه بعد ينجازون لان حتى السفره حضرتها بس يصبون لنفسهم جيت اصعد دك نفس الرقم رديت الو
.
نرجس وييينج كلبت الدنيا عليج ماخليت شارع ولا مستشفى
.
راثان هه شذكرك بيه
.
لا تعاتبين مو وكت عتب كليلي وينج لج من كلتلج روحي واني روحي راحت وره عيوني ودموعها تمنيت ميت ولا طاردج وينج كولي هسه اجي اخذج ونتزوج
.
تسلم استاذ ماتقصر بس الحمد الله رحت يم ناس خيره وستقبلوني وزوجوني ابنهم ورجع كلشي طبيعي واني هسه مره متزوجه وعلى ذمة رجال فا رجاء بعد لاتتصل خويه
.
اخوج شنو تخبلتي منو لي تزوجتي احجي
.
من رخصتك ماعندي شي احجي ومثل ما كلتلك اني مره متزوجه وحرام تواصلي وياك ماارجع الك بشي
سديته واني الابتسامه ماعرف لدمعه ماعرفت شنو مشاعري وقتها شي بداخلي يصيح هسه تذكرت مو جيتك برجليه وشي يكول لو رجال ماعافج باصعب موقف مايستاهلج نداريت وياريتني مانداريت جان وسام واكف يتسنط عليه
.........يتبع