انتقام القدر عراقيه مكتمله 🤍

الحلقه الرابعة والثلاثون

اجيتك من بعد غربه اجيت بليله كمريه
هذاك اني نبع صافي يخايب دغش مابيه
اجيتك والعتب بالعين عتب عاشك بحنيه

واكلك هجرك شسوه
لون ادري فلا اهوه
............
ساره العبيدي
34انتقام القدر
.............
لاتنسون التصويت بنات 🤍
...............

الو
.
اني على الباب
.
فتحت عيوني مصدومه كل عقله
فوكاها شكلي يخرع عيوني مورمه بياضها صاير احمر من كد البجي
حبوبه هذا وسام على الباب شلون
اطلعله هيج لباله جاي ابجي عليي
.
خيولي ماترحين لو يموت
.
لا حبوبه اروح مستقبلي هناك اكمل
متحاناتي مابقالها غير كم اسبوع
وبعدها ربج يحلها
.
يايمه ياذيج خلينه نكرصله اذنه كم  يوم  وارجعي
.
اذا بقيت هنا راح اموت من قهري كلشي يذكرني بابويه ماريد اشوف
شي يذكرني بي
.
على راحتج يبعد عيوني بس لاتكطعين
بيه ترا احس موتي قريب ماريد اموت
واني بحسرة صوتج
.
بعيد الشر عنج عمرج طويل
بستها وكمت رحت للحمام غسلت وجهي عفتها هيه تدخله للبيت حتى
اعدل وجهي ماريده يشوفني هيج
ماعندي اي مكياج او شي هنا بس
رطبت وجهي وخليت عطر باوعت
لرجلي وبتسمت من كد ما نصدمت
صدمات هليومين حسيت وجعها تافه
غيرت ملابسي ودخلت للهول كام
وكف اجه باتجاهي
.
شلونج نرجس شلون رجلج احسن
.
احسن ليش جاي بهلوقت
.
شنو ليش حتى ترجعين
.
هسه عوفها غير يوم
.
لا هسه لان شسمه ارجعي تكملين دروسج لو بطلتي بكيفج اذا ماتريدين
تمتحنين
.
لاااا امتحن اكيد
.
لعد يلا بسرعه حضري ملابسج ناخذ
بيبيتج ونطلع نتعشى بره وبعدين نرجعها ونروح لبيتنه
.
تمام سألت حبوبتي رفضت تطلع ويانا
بس وسام اصر عليها ووافقت طلعنه
لمطعم قريب طلب اكل وطلبلي اكيد بيتزا بس ما اكلت غير لكمتين احس معدتي ما تتقبل اكل ضغطو عليه في سبيل اكل بس رفضت احس اذا اكلت راح اتقيء بسرعه ماريد اخرب على حبوبتي لان حسيتها
فرحانه بعد قلبي خلصت عمرها محرومه من كلشي بسبب ابنها مديت ايدي لزمت ايدها بستها حضنت ايديه
بيديها وهيه تدعيلي وسام يتفرج
علينه بتسم
.
الله يحفظج يوم اعذريني على موقفي
بس جنت عصبي وماعرفت ابرر
اعرف غلطي مو قليل ابد بس لمايعرفك
مايثمنك بحكم عملي ولناس لي اقابلهم
بحياتي مابقة عندي ثقه بالناس خصوصا الجنس الطيف
.
غلط يمه غلط جبير مو كل اصابعك سوه اذا بقيت على وضعك هذا محد
راح يخسر غيرك خليها ببالك انتا وحدك تخسر مو بس زوجتك لا
اخوتك ابوك اقرب الناس الك
.
صح كلامج يوم اتمنى تسامحيني
.
سامحتك يبعد امك سامحتك الله يرضى عليك
.
كال وسام نطلع كلتله اي رحنه رجعنه
حبوبتي جانت كاعده هيه بسده كالي
تعالي عيب تبقين وره كلتله شكرا مرتاحه كمل طريقك بتسم نص بتسامه
اعرفها بتسامة تهديد يعني ستلمي
ماهتميت خليت راسي على الجامه اتفرج على الناس لطريق صار بعيد
ماعرف شنو القصه بقيت مندمجه
.
ها نبقا نفتر نرجع؟
.
لا نرجع عفيه نعسانه مدكلي شبيك
تفر يمكن شفت لشارع هذا اربع مرات
.
غير شفتج شارده وتراقبين الناس
كلت خطيه تتونسين
.
لا ولله دخت ونعست اريد انام احس
جسمي يرجف
.
شبيج ليش يرجف بيج شي
.
لا مابيه بس نعسانه
.
يلا تمام راجعين
.
رجعنه طبيت هوا بيده جنطة ملابسي
واني كدامه امشي على كيفي ماريد
ادوس قوي على رجلي رحت كبل لغرفة عمو دكيت لباب سمحلي ادخل
شافني نرسمت على وجها بتسامه تجنن
حضنته وبست راسه وايده واني اردد
ابويه انتا والله ابويه وهوا يضحك
وياي
.
مادامني ابوج ماريد تبعدين عنه بعد
يابه لبيت بدونج مابي روح اخوتج
والله مقهورين عليج وهذا احمد خبلنه
تعارك ويا وسام الف مره لخاطرج وكلهم
وكفو بوجها لان يعتبروج اختهم من صدك فا وعديني حتى لو بيوم
زعلتي تكعدين بغرفتج معززه مكرمه
وهوا لي يطلع يشوفله مكان هذا بيتج
ومكانج
.
كلامه جان يعزف على جروح قلبي
شكرته على كلامه ماحبيت انهار كباله
صعدت لكيت وسام يريد ياخذ فراشه
ماكو داعي تتبهذل ملابسك واوراق شغلك كلها هنا ماعندي مشكله ابقا
بمكانك بس ياريت تحترم احترامي
الك وتقلل تجاوز
.
بشنو تجاوزت عليج
.
وسام خليني اكون صريحه وما الف و
ادور اعرف انتا رجال وعندك حتياجات
بس لوسمحت تتوقف عن علاقاتك المقرفه لحد ماننفصل لان هلشي يخليني اقرف حتى من ملابسك
اعرف مالي حق بس هذا طلب اتمنى
من عندك تتحمله بس لحد ما اخلص متحانات وكل واحد يرجع الحياته
احنا مو صغار اني عمري حيطب ل١٩ونتا ٢٨ تصرفات المراهقين مقرفه
بالنسبه الي اذا ماعندك مشكله بكلامي تكدر تبقا هنا واذا مايناسبك كلامي
تكدر تشوف غير غرفه تعيش بيها