انتقام القدر عراقيه مكتمله 🤍

الحلقه الثالثه

بارت جديد لاتنسون التصويت ولتعليق بين لفقرات احبكم
...........
انتقام القدر كامله
الحلقه3
saraalobidi1995
ساره العبيدي
..........

اخذت غراض الشغل وصعدت فوك غدي
واضح علي لزكه نازل من دوامك روح نكلع
لاهلك شكو تلطلط يم العالم يلا شعليج يانرجس
كملي شغلج ونتي ساكته شكد حشريه ايمتا راح
ابطل هذا طبعي مادري
نضفت غرف البنات ونزلت للمطبخ بسرعه كملتها
صراحه ماتعب نفسي باالشغل يمهم كلش
لان مايفرق وياهم مايهتمون ابد
كملت واخذت الماسحه بيدي حتى اطلع بره خلص
كملت كلشي بقا بس المماشي لكيته مدد باالصاله
ويباوعلي ويضحك طلعت كملت بسرعه
وطبيت لبست عباتي ورحت لام رغيد تنطيني
يوميتي لكيتها نايمه كامت نطتني الفلوس
ورجعت لفراشها باوعت كلت هنياالج خو ما
نرجس لي مكضيتها من بيت البيت
طلعت من بيتهم حسيت احد يمشي ورايه
سرعت مشيتي صاح يبنيه مارديت رجع
صاح ام شوارب  لتفتت واحس قلبي
دكاته مليون من الخوف ولفشله
لكيته نفسه ابن عمهم
رفعت حاجبي بستفهام

اكلج انتي شنو اسمج

ليش تريد تطلعلي جواز

دمج خفيف هوايه شربت كليلي شسمج

اسمي نرجس خير شرايد

انتي شنو تشتغلين بس عامله

لا دكتوره بس الصبح اخدم باالبيوت والعصر
افتح عيادتي شتشوف يعني واضح ششتغل
شفته يبتسم بسخافه صح ملامحي تبين ممهتمه
بس خفت بداخلي

همممممم زين دكتوره انتي مرتبطه

اكول انكلع من وجهي ماواصله عفته ومشيت وهوا يمشي وراي لحد ماوصلت يم
راس الفرع تكسي واكفه بسرعه فتحت
الباب نطيته العنوان كتله توصل لهذا المكان
كال اي كتله امشي بسرعه
باوعت واكف بعيد ونفس ابتسامته القذرة 
مقرف ماصدكت وصلت نزلت للدكان
القريب اخذ اجبان واخذت شجر وعلبة حمص
ورحت  لبيتنه ليوم كملت شغل ب١٢ حيل بوكتت
لو يم غيرهم ما الحك اكمل ابد
لكيت حبوبتي كاعده ع الماكينه تخيط
سئلتها حبوبه شجاي تخيطين

دشداشه جديده الج يمه البارحه مو بجيتي
لان معندج غيارات طلعت من الصبح كصيتلج
قماش وجيت افصله

يا حبوبه صدك تحجين وين بيج تخيطين
انتي

عادي يمه ليش منو لي يفصلج كل مره مو اني
وهاي دشاديشج حتى لون ماباقي بيهن سويتلج
ثنين منا لليل اكملهن لان مابيه اكعد كعده وحده

دنكت بست راسها اويلي حبوبه ولله لو ما انتي
جان من زمان اني ميته لو مسويه شي غلط
ومضيعه روحي الله رحمني بوجودج

يلا يلا يمه عوفي السوالف وروحي سوينه
غدا مدامج جايه بوكت لان قلبي مخموط
من الجوع
§åřå95
امر جبت غراض وحطيتهن بالمطبخ هسه
بس انزع عباتي واغسل وبلش بلغدا
كملت ورحت للمطبخ اني نادره لان عراقيه
واحب الشجر ههههه
كل ناس تكرها مدري ليش
قطعته حمسته ونزلت ويا بصل ناعم
كلبتهم خليت شوي كركم وملح والحمص سويت التمن واني ادندن اغنيه سمعتها بالتكسي
طلعت خيار وطماطه سويت زلاطه واضح
كون يجي ابوي اله يشكك ملابسه اذا عرف
صارفه من الفلوس بس كافي بعد ماهتم اني قويه شني اخاف من لعياط ولكتل تهي بهي
اقطع باالزلاطه واحجي ويا نفسي نفتح لباب
عرفته ابوي كل الحجي خرطي حسيت قلبي
نزل بين رجليه من الخرعه