انتقام القدر عراقيه مكتمله 🤍

السابعه والثلاثون

فاتنتي اخبريني كيف استطيع الوصول الى
قلبك

فاتنتي اخبريني هل سيأتي يوم واكون في
قلبك

فاتنتي لا اخشى من السير في هذا الطريق
ما اخشاه فقط ان لا ياخذني ما اسير اليه الى
قلبك
........
صباح الخير حبيباتي اتمنالكم قرأه ممتعه
اتمنى تقرون النهايه
...........

§åřå95
...........
ساره العبيدي
saraalobidi1995
37
انتقام القدر
.............

مد ايده ينزع شالي شمره على السرير وهوا
حاضني ويشم برقبتي للحضه حسيت روحي
تبنجت شنو لي صارلي همس

شكد ترفه انتي نرجس عطرج يموت

بعدته عني شكرا  نعسانه اريد انام

هممم تمام براحتج نوم العافيه

طلع خليت ايدي على قلبي شجاي
يصير تخبلت اني شلون اسلم روحي بسرعه
كمت غيرت ملابسي مسحت المكياج الي
على وجهي بالحمام لان مايمي مرايه
غسلت توضيت ورجعت للغرفه صليت
لي فاتني وقريت شويه قرآن وغفيت

ثاني يوم كعدت ع صوت وسام فوك راسي
مبتسم كومي عيني شوفي مو كتلج واثق
تنجحين وبكلهن

فتحت عيوني مصدومه تحجي صدك

اي والله هسه رؤوف دزلي لرابط ويباركلج
هوا وورد

ياربي الف الحمد لله نزلت دموعي من الفرح
مجنت متوقعه انجح بكل لدروس اخذت تلفوني
بسرعه شفت ساعه ١٢ ونص الضهر شكد
صايره انام مو طبيعي اتصلت على حبوبتي
بشرتها طار عقلها فرحتلي من كل قلبها
ساعه وهيه تدعيلي وحلفت اله توزع جكليت
كلتلها حبوبه بعدني هذا بس تأهلت للمتحانات
النهائيه كالت مايهم لمهم نجحتي سديته منها
وسام كبالي مبتسم وكفت حضنته لو ما انتو
ماجان نجحت

ابد انتي ذكيه محد اله فضل عليج يلا
انزلي ابويه يريد يباركلج طلبت غدا وعزمت
ورد ورؤوف بمناسبة نجاحج

لا راح اسبح اول وانزل

تحتاجين شي

كالها وغمز صحت وساااام تأدب

شنو شبيج اقصد مخلصه شامبو لوشن شي

سبحان الله لا تطمن مامخلصه شي وماحتاج
اي شي خذ راحتك انزل يلا

طلع وهوا يسويلي حركات ماعاجبه يعني
ضحكت اخذت دشداشه حلوه مالابستها
جانت خردليه ساده بيها بس تخصيره تحت
الصدر نازكه حيل رحت سبحت ورجعت
خليت حمره ورديه فااتح وخليت كل وماسكاره
خليت بلشر لخدودي عدلت حواجببي يعني
بختصار حتفلت بوجهي ههههه خليت
لشال ونزلت رحت لغرفة عمو اذنلي ادخل
دخلت اشرلي رحت يمه حضني

عفيه عليج بنيتي ماخيبتي ضني يشهد ربي
مراهن نفسي عليج راح تنجحين ماخيبتي
ظني  ربي يبارك بيج