حبايب هاي لان كلتو لبارت قصير
وماحسينه بسرعه خلص هذا بارت هديه مني الكم
ترسوليه تعليقات حلوه مثلكم احبكم
......
حساب الواتباد
saraalobidi1995
ساره العبيدي
الحلقه التاسعه
............
رجعت للبيت دخلت بوجهي ابويه شفته ملتهي
يحفر ماسلمت بسرعه دخلت للبيت لكيت
حبوبتي جاي تصب غدا الها ولابويه جانت
مسويه شوربة كبه احبها حيل بس ماريد
اكعد ويا ابويه ابد بستها من ايدها كلتلها
عاشت ايدج بس ماراح اكل تعبانه راح انام كالت
يما شو تأخرتي ردت اخلي ابوج يجي يشوفج
ضل بالي
لا حبيبتي بس خطيه ابو رؤوف مريض كلش
درت بالي علي لحد ما اجا وقت رجعت اولاده
رجعت
**ماحجيتلها اجا واحد من ولده لان تخاف عليه بسبب انو ماكو مره بالبيت فا تبقا
تحذرني خصوصا والدهم مشلول تقريبا فا لو لاسامح الله صار شي ماراح يكدر يساعدني **
كالت الله يساعدج يمه وينطيج على كد تعبج
ونيتج هاي لي راح تفتحلج كل باب مسدود
بتسمت واني اروح للغرفه هم صدك يتحقق
كلامها وتنفتحلي ابواب مسدودا
انتو شنو رأيكم؟؟
مددت بفراشي واني افكر بحب عمو الزوجته
واتخيل يجي يوم ويكون عندي زوج يحبني
لحد هاي الدرجه يارب غمضت عيوني واتخيل
لو كان هوا ابويه شكد كانت راح تكون
حياتي مثاليه كان ممكن اكون جاي اتحضر
لامتحانات البكالوريا وحايره بشنو ممكن اختار
تخصص كليه مثل راما ويمكن جان دخلني
معاهد تقويه حتى اطلع معدل قوي
وكان صار عندي اخوان يدللوني
فتحت عيوني واني اصحي نفسي على
واقعي الاحلام والخيالات ماتنفع بشي
فزززيت بسرعه كمت ناسيه ماانطيت الفلوس
الابويه مابيه اكل كتله ثانيه بعد اثار البارحه
ماراحت مني رحت جانو بالطارمه باوعت من الشباك جاي
يتغدون ويحجون نتبهت لعيون ابويه مليانه
دموع ويحجي ومنفعل ركزت سمعي وياهم
سمعته يكول
يمه قلبي يوجعني وداعتج اني غلطت واندل
غلطي ماينغفر بس جنت طايش وهاي نتيجة غلطي كبال عيوني كل ما اريد اكول يارب
سامحني اشوفها وكرها واكره روحي تعبت
شنو نتيجة غلطه اني اي اكيد لعد
منو لي يشوفها كباله ويكرها ماكو بشر
غيري يطب هذا البيت زين شنو الغلط معقول
ختياره لماما الله يرحمها مثل كل مره
كلامه سم يدخل القلبي وحواسي ماعادت
تفرق عندي او لا اني اجذب على نفسي
واكول ماتفرق وماهتم بس كله جذب
تفرق واهتم والقهر ياكل روحي اكل
مسحت دمعتي وطلعت دنكت لمستوى
خليت الفلوس بسده وطبيت ماحجيت
اي شي سمعت حبوبتي دكله بس لا سمعت
بتسمت بستهزاء ومشيت للغرفه
امثل النوم وصلتني رساله من رقم غريب
فتحتها تحضري باجر تجين جبتلج
فون هههه
أنت تقرأ
انتقام القدر عراقيه مكتمله 🤍
Mystery / Thrillerفتاة من الريف تولد لتجد اب قاسي لاتعلم ماسبب قسوته لكن للقدر رئي اخر في كشف الحقائق
