الروج فالمالا (مكتملة)

part 5

🍾الـــروج فـالــمــالا💃
     شربي ودوشي لاجاو الجدارمية جمعي كولشي💃
     ✍Manal Bernich▪︎Nassima ERs

                               البارت5🍷

ناضت تتجرجر كسلااانة سروالها طايح وشعرها واقف كيطلب السلامة .. حلات البلاكار وجلسات تجبد شغتلبس فالحمام .. جمعات رزمتها ونزلات لقات ربيعة تتوجد السطولة جلسات كطلي زيت التومة شوية جات ربيعة تسرح ليها شعرها حطاتها بين رجليها وبدات تسرح ليها شعرها لداير كيف الشطب تشعل فيه العافية

ربيعة تتسرح ليها فداك الشعر: ياويلييي على عيفة البنات يا تلمن خارجة يغبر لبوك الشقف لا شقى زين لا طياب زين وضوري غبحالتك كلالياتك بعداااا اويلي على غدايدي

سكينة عينيها خرجو ودمعو مع تتكرط ليها شعرها بالجهد: وبشوية امي هئ هئ واا راسي راسي هئ تغبشوية دروك يطيحو لي الافكار ونسى كاع داكشي لحفضت ونولي ساقطة هئ هئ

ربيعة نزلات عليها بالمشطة للراس:اااه الله يمسخك يا بنت كرشي حسابلك انا ناعسة على جنبي راني عارفاك لاش تتجمعي نت وبنت حليمة غير على النميمة وملاقية السلوكة والعزارة راااني عارفة خصايلكم ابنات اليوم ولكن غبلاتي حتى تطلع النتيجة يلمدرتك كديد ونشرتك فالسطح راني ماشي ربيعة مرات الجيلالي القفة

بدات سكينة تتهز كتافها وتنتر عارفة راسها مكحلاها وشي نجاح مكاين عام كامل وهي الضوران والخروج ديما تاقبين السوايع والضحك والزهو الباك عباد الله تدير عقلها فيه هما عاد مزااغو بحالها عطاهم الله .. سالات ليها شعرها جمعاتو شفنجة ولبسو جلالبهم وخرجو غادين هازين سطولتهم وسكينة تتفقص وهي تتسمع صوت الموسيقى فالعرس عباد الله ناشطة وهي غادية تكسل فالسخوون ياويلي هازة سطل بيد ودايرة صبعها فمها تتعض فضفرها وهو يدوز من حداها واحد لوط عليها

الولد:عنداك تاكلي صبعك
ربيعة سمعاتو:تاااكل الشلييماان انشاءالله
داك الولد معرفها منين خرجات مع مكانتش غادية حداها حسابلو غبوحدها
الولد:سمحي لينا الوليدة
ربيعة بغات تقصدو:تولد الحناش انشاءالله وياكلوووك
هو نقز وتم غادي بزربة كن شداتو كن كلااتو غادي وكيضور يشوف فيها

ربيعة:وطرطق فيا عينيك هما مطرطقات كتاوع بوة خليها سلعة زيدي نت قداامي

جراتها وهي غادية معبسة ريحة التومة عاطية من شعرها محاملاش تمشي بغات العرس باغية تنشط وتحيح دخلو الحمام حيدات حوايجها ومشات وقفات قدام المراية تتأمل فالطاي ديالها وتدير بوزات كايلي جينر وهي راه غزوج عضيمات وكاس ديال الدم مسمين عليها 10دراهم كفتة مع قصييورة وبزيزلاتها بحال شي زوج تفااحات ولكن الثقة فالنفس مفاقت غير على دقة القرفاادة

ربيعة:زيدي عطيك المسخ معرية فشلوقك للمراية كاع الجنون العاشق والحاقد تناوبو عليك

عبسات تاني ديما مها مطيحة ليها لمعنويات ديما داخلة بحال العقدة فاحلامها الوردية خخخ هزات السطل وتمات داخلة كان خاوي مع حمام الحومة كلشي حاضر للعرس من غيرهم هماا لممعروضينش بقات غادية داخلة تابعة ربيعة لدخلات جلسات مع حطات رجليها فالسخون وهي دير بشاااااخ تهزات طايرة حتى لفوق وجات مسكدة للارض منشورة بحال شي مسمنة مكرصة هكااك طاحت على ضهرها رجل فجيهة ويد فجيهة وقزيزبتها الوسط جات مطبوعة بحال الطاابع هكاك تحطات على الأرض تبعاتها غوتة كاسرة دنيااا

سكينة:واااا ربي حبيييبيييي
ربيعة شدات فراسها:واااااا الحفيييض الله

#يت___ع
ارائكم وتعاليقكم كبيدات 💜