الروج فالمالا (مكتملة)

part34

🍾الروج فالمالا💃
بقلم:Manal Bernich☀Nassima ERs

🍭 الجزء 34🍭
دفع بيها وزادو مع لكولوار فين قال ليهم يمشيو ودخلو كان غير زوج دالناس قبل منهم عادي يتسناو حيدات الشال من على وجهااا وبدات تتنش بيه وهو كنغز فيها ويخرج عينيه زعما رضيه غطي وجهك ليشوفهم شي حد كعرفوةه وهي كعما مسوقة ليه داك لكدير لبصمات عور داير نظاظر ولقبل منهم زوج عيالات شارفات خخخخ مغيديو ميجيبو واصلا هي كعما تتسوق بقاو شوية حتى دازو لعيالات وجات نوبتهم يلاه زادو عندو باش يقيد داكشي ويدوز عند لحداه هو لكدير لبصمات وهو يدخل شي حد ووقفو بزوج كرضفو لييه ضارت هي عادي تلقائيا تشوف شكون هو يمشي منهااا اللون وبلعاات ريقها تصمكات لدرجة انها بقات تتبقلل فيه عينيها هكااااك حسات قلبها طاح بين رجليها مين شافتو ضور وجهو ليهااا وشاافها وهنا لفاااجعة خخخخ

بقى غير كشوف وكحقق فيها لدرجة انه كذب عينيه وكقول واش هي هااادي وبقا شحال كشوف وهداك كهضر معاه مداهاش فيه كااع كشوف غير فهاد خيتي هاد الكارثة لحااار معااها وكل مرة مونتييف وتوصل بيها لهااد درجة انها دير هاد لحالة فراسها وسط الكوميسارية

لبوليسي:الشاااف
شاف فيه هشام مرفووع وهي هناا ضاارت لوات عليها شالها تتولول حطات لبرهوشة فوق فخادها ودارت بديها على روايض وحركااتهم بغات تزيد وهو يوقفها لبوليسي
بوليسي:شريفة اشريفة راه مزال مساليناش
سكينة ضارت بالكروسة:لا لا اسيدي اخليكم تتساليو على خاطركم باقي لعام طويل ودوزووو بخييير

زاد قدامها وهي هنا شداتها لبكية غتبول فسروالها حيت صااف كحلاتها هاد المرة مفيها رجعة خخخخ

هشام شاف فدوك لبولسييين:خرجوو حتى نعيط ليكم
وقفو بزوج وعاودو كرضفو ليه:ويي مون كوميسير
سكينة هنا قفزااات وضارت عندهم:لا لا اويلي جلسو رتاااحو لاش اتخرجو جلس اسيدي نت باين لي فيك الروماتيزم ممزيانش ليك الوقفة والمشي جلس البلاثة لجلستي فيها بقا فيها كالامانة وتفكرنييي

بقاو غير كشوفو فيها وتحيد لها الزييف بانت غبرهوشة مزال صغيرة شافو فهشام ليديه فجيابو ودار لهم اشارة براسو باش يخرجو وفعلا معاودوهاش معاه اخر واحد سد لباب وهنا بقاو الراس فالراس اشرف خوها لبد مهضرش ومفهم والو هي لكانت تتزعم فيه هاهي دابا مشى منها اللون بدأت غتتفتف بلعات ريقها وهو كشوف فيها وهي تطلب فيه بيديها على فمها وتتنعت ليه بعينيها قدام خوها قرب ليها بزاف ونيشان حنا ويديه على لحديدات ديال الكروية حاصرهاا وهي هنا رجعات راسها اللور مغمضة عينيها وتتبوحط وتهرنن بالخلعة

هشام:واش واش نت معندكش العقل واش مرييضة ولا ماالك شهاد الحالة دايرة فراااسك شهاد تخرميييز
اشرف هنا تدخل:احم الشاف اجي نهضرو حنى الرجال بيناتنا

ضار عندو وهو هنا يلبد وجلس فبلاصتو وسكت هزات لبنا وبغات تمدها ليه وهنا هشام تكعد عليها خدا اشرف لبنت وضارت عندو تسناه يكمل ماا بدااا

سكينة:هانت اشاف غير سمع
هشام كشوف فالبنية:هادي تتجيك ولااا خاااطفاااهااا
سكينة:لا لا اشاف حرام هادشي لتتقول ويلي حنا ماشي ولاد لحرااام
هشام خرج فيها عينيه:هضريييي نت بالذات وليت تنتوقع منك اي حاجة
سكينة بصوت رقيق صاف مشاو لها:بنت جيراانااا
هشام نعت فاشرف لمشى منو اللون تاهو قدامو المخزن معرف باش تبلا تقول فراسو مشاو فيها مؤبد
سكينة:خويا اشاااف
هشام شاف فيه:نت زعما باش ترد ليها عقلها داخل معاه فهاد التخرميز شهاد الستونات دوالو واش متتقاداايش
اشرف:وتا برب تقلتها ليها اشااف وهي لمتتمعش
سكينة هنا شعرها وقف وعينيها خرجو وقفات ليه حسكة مبقاتش زحاافة دابااا هادشي كامل دايراه على قبلةذو مبهدلة راسها ومخسرة وجها مع هشام وفاللخر يرد ليها اللومة ليوم تاااكلووو

#يتيع
تعاليقكم وأرائكم كبيدات 💜