الروج فالمالا (مكتملة)

part44

🍾الـــروج فـالــمــالا💃
     شربي ودوشي لاجاو الجدارمية جمعي كولشي💃
     ✍Manal Bernich▪︎Nassima ERs

                              البارت44🍷

لقات فالكروب دلواتس نايضة قربالة بنادم كيقول نجحت نجحت قلبها طاح بين رجليها شنو غتكون دايرة هي بدات تترعد وقلبها كضرب وتتلبع ريقها صباعها ترجفووو دغيا خرجات ومشات تتقلب فoutlook طلعات ليها بلي مسيفطين ميساج دخلات دغيا ونيشان طلع لها لميساج حتى هو معطلاتوش دخلات ليييه وهنا صدمة العمر الما بحاااال تكب عليها لما محساتش حتى غوتاااااااات ربيييي لخلقهااااا

سكينة تتغوووووت:وااااااااااااااااااع حمدالله

ومن موراها نيشان عطاتها لبكى بكاء الفرحة وهي تتشوف سميتها كاملة وتحتها المعدل 12.96 والنتيجة النهائية admis(e) تصددماات ورجعات فيها الروح وهي تتنقز وتحنقز سلكااات خخ دخلات ربيعة والجيلالي سمعو الغوتة وتاهما كانو غمتكيين تتسناو غير شافوها تتنقز عرفو شكااين خخخ تلاحت على مها نيشاااان تتعنق فيها ربيعة تتزغرت فرحانة تتبكي بالفرحة وجيلالي حداها مسكين حتى هو فرح وعلاش لا بنتهم فرحاااتهم بشهادة البكالوريا وهزات راسهم مقدها فرحة اما هي فرحتها غييير فرحانة لراسها ولواليديها واخا ماشي شي نقطة وغير القسم والجهوي لي هز عليها دق نيت واخا كون حفضات كون نجحاات بشي نقطة لي نييت نيييت ..مهم نجحات من بعد مكانت فاقدة الأمل كاااع

ربيعة تتبوس فيها:الله يرضي عليك ابنيتي الله يفرشك بالرضى ويغطيك بيه الله يبيض سعدك فرحتيني
جيلالي معنقها:مبرووك ابنتي مبروووك اشحيمة ديالييي الله يرضي عليييك

جا اشرف حتى هو عنقها فرحانين شوية كيسمعو الزغاريت حتى برا الدقايقية خرجو كاملين شحال من واحد كان فالدرب فلباك ونجح كلشي خرج يشطح وحتى هي شي كسول شي وكباركو لبعضياتهم تتشكر كل من بارك لها فالعيالات وتسلم وتبارك لبنات دربهم لنجحو سمعات سميتها وهي تضور شافتها جاية وكضحك عرفاتها حتى هي نجحااات تعانقو كيبوسو فبعضهم كل وحدة تتبارك لوخراا صحابات دبصح قراو مع بعضهم بزوج دارو لكوارت بزووج خرجو زهاو بزوج وهاهما نجحوو بزوجات حمدالله بداو كيشطحوو شوية وهو يدخل وسطهم كريمو كيشطح بحال لهبيييل خخ غير شافوه لبنات مشاو كجريو عندووو هو خايفين من جيهتوو

سكينة غوتااات:اشدرتي امسخووط
كريمو شاف فيهم:وبيلااااااا واااقفة هي هاديك
محساتش حتى عنقااتو سكينة كعما مسوقة تتبارك لييه فرحانة ليه باغياه مسكين ينجح سلك حتى هو ب 10:00واقفة مهم داز مقارنة مع قرايتو راه نقطة نيييت هما بتلاتة كانو زايغين هاد لعام وجمعو راسهم فاش قرب لوطني وربي كتب لهم ينجحو كاين لبدا قبل ومحالفوش لحظ كلشيييي فيه خيير كاين سبب ربي مكتبهااش ليه هاد العام ولا فاستدراكية كلشييي فييه خيير ولدارها الله هي لكاينة

عطاتها لشطيح مع الجيران كلشي خرج فداك الليل الصداع والهرااج والفرحة دلباك مفرحة كاع لقلووب وفرحات الوالدين كيفما فرحات لوليدان والله يسهل على لجميع❤

حبساتها لبولة وهي تتشطح خخخ خرجات من الجماعة ودخلات لدارهم مشات لطواليط قدات غراضها وخرجات مشات لبيت لقات طيلي كيصوووني نيشااان مشات تتجري هزاتو وجاوبااات تلهاات ومعلمااااتووش دغيااا جاوبااات ولكن هو لسبقها وهضر

هشااام:امضراااا شددرتي؟؟
سكينة طاحت فبالها فكرة تطلعها عليه دارت راسها تتبكي ونطقات بصوت مغنغن: مدرت واالو اهئ اهئ

#يتبع
أرائكم وتعاليقكم كبيدات 💜