🍾الـــروج فـالــمــالا💃
شربي ودوشي لاجاو الجدارمية جمعي كولشي💃
✍Manal Bernich▪︎Nassima ERsالبارت28🍷
عاود هز راسو ونهض فيها:وتجمعييي البشاااار
سكينة جبدات لحجابات من صدرها ومداتهم ليه:هادشي لعندي اقسم بالله اشاااف
خطف من عندها داطشي وبدا كقلب فيه وهو يهز راسو:لعام كامل دسير واجي وفاللخر ومعولة على هاد الزبلسكينة نزلات راسها دايراها قد وجها وجالسة تكليط وتبربص زعما راه حشمااانة وبريئة ساعة داكشي لشاف لحد الآن عليهاا السلامة يااربي
هشام:فالوقت لكتبتي فيه هاد لخرا سيري حفظيي
تتشوف فيه وتنزل عينيها وتلعب بيها ومدلية قنانفها وداك البوليسي لصايك مرة مرة كضور يشوف فيهم جاري مع لبلان بوذنيييههشام ناض وهي هنا قفزات دارت يديها على وجها حسابلها غيضربها بقا كشوف فيها وهو واقف وهو يتنهد مكفهمهاش معرف مين يشدها تتبان ليه خايفة حتى تمشي منها اللون مرة تتبان ليه طيااارة وفعااايلها راه بزااف ميمكنش جلس حداها وهنا هي بلعات ريقها وتكاحزاات
هشام:رجعي فين كنتي
سكينة شافت فيه قرب لها دابا صاف تقاداو ليها:هاا لا غخليني هنا
هشام:منعاااودهاااش
شافت فيه ومدلية قنانفها:مغضربنيش ياااك
هشام:وكن كنت واخدة حقك من العصى كعما يكون فيه هاد الستونات التربية دالويلرجعات لبلاصتها وهنا تاني عينيها على سبة عويناتها غرغرو وهي منزلة عينيها وهو كقرا فداك التصغيير وشاف فيهااا
هشام:واليديك عارفين هادشي
حركات راسها بلا وهي تتفادى تشوف فيه باش ميفضحوهاش عينيها البكية واحلة لها فالحلقهشام:هزييي راسك مين نكون كنهضر معاك
هنا كيف ديما كقولها ديري شي حاجة كديرها هزات فيه عويناتها لحمرييين وشوية بدات تتنخصص ولكن حاابساااها هنا زاد عقد حجبااانوووهشام:داباا لاش تتغبنييي كديروها قد راسكم وتجلسو على الدموع
هنا محساتش حتى نطقااات وهي تتبكي طلقااتها نيشان:من الصباح ونت تتعاير فيا اشااف وانا مدرت لك والو هئ هئ
وتاني دارت يديها على وجها وعطاتها البكى بقا كشوف فيها ومسح على وجهو ودار يديه على خدو وهو كشوف فيها قبل ميكون بوليسي راه كهضر معاها كأخ كأب يعني كوبخها على مصلاحتها كطيير بزاااف تتبقى بنت ميبغيهاش دير بحال دوك الستونات وعاد دابا النقلة وسط لباااك راه شي كارتة هادي وهو واخا قصح معاها ولكن فنيتو انه كنصحها وعلى مصلاحتها ولكن الطريقة باش وصلها لها معجباتهاش معندو ميدير هو هكا شخصيتوووهشام تكعد:مسحي مسحي داك الوجه صاااف سكتيييي
ضرب يديه فجيبو كقلب ومد لها كلينيس وهي هنا خداتو وخوااات فيه نيفها دارت الصوت بحال شي روبيني خاسر ضار عند هداك لكصوك مد ليه قرعة الماااا وضار عطاها ليهل خداتها جغماتها كااملة بقا حاضيها حتى سكتاتهشام فيديه التصغير:شغنديرو معاك دابا فهادشيي
سكينة شافت فيهم وبلعات ريقها تشدات دابا متلبسة لقليلة دابا واحد لعام حيت معرفة معاهم خخخ
سكينة نزلات راسها معندها مدير حصلااات دابا صاف واصلااا مضامناش راسها ناجحة بهادشي لدوزات ليوم:صاف دير لبغيتي اشاااف
هشام:متأكدة؟
حركات راسها باه وهي منزلااااه
هشام:سيري حتى تسالي الامتحان وداك الساع دوزي عند وكيل الملكسكينة خرجات عينيها فيييه اهيااا ناري مشات فيها نيييت صدقات بصح وهي زعما دايرة فيها تستاهل ولداروه راه من حقهم ساعة دارها لها قد فمها
سكينة بدات تطلب تاني:لا لا اشاف الله يحفضك عفاااك راه الا مشيت لحبس حياتي غضيع وانا باقي صغيييرة هئ هئ باقي بغيت نتزوج ونشوف وليداتي قبل منموووتهشام:هادشي فاش تتفكرييي
سكينة:لهرب الزواج هرب لطاااعة عفاك اشاف الله يحفضك ارا داك الراس نبوسو والله يساامح الله يفاجيها عليك
ناضت بغات تبوس ليه راسو وهو يصدها دار لها اشارة بيديه تبقى فبلاصتها وخرج فيها عينيه وهي تلبد وبدات تطلب تاني وتزاوك وتغبن
سكينة:لا لا الله يحفضك اشاااف راه مي وبا ناس كبار وخويا صغير شكون شكون يبقى معاهم ويعاونهمهشام غادي لها مع كلامها وبغا يزيرهااا ويزمطها تاني نطق وهو مطلع حجبااانو:ياك نت يتيييمة
#يتبع
ارائكم وتعاليقكم كبيدات 💜
أنت تقرأ
الروج فالمالا (مكتملة)
Humor🍾 #الـــروج_فــالــمالا💃 #قصة_قصيرة ☀بقلم: Manal Bernich & Nassima ERrais☀ هااانا صاامدي صوااغ تاني حلااال🔥 وبعد أول قصة ليا #غدر الأقرباء وقصص حبي منال برنيش❤ #طبيب الحومة #موصيبتي مع الكوميسير #الأستاد والمزنزنة وثانوية الحب لي لقاو تف...