الروج فالمالا (مكتملة)

part24

🍾الـــروج فـالــمــالا💃
     شربي ودوشي لاجاو الجدارمية جمعي كولشي💃
     ✍Manal Bernich▪︎Nassima ERs

                              البارت24🍷

جابت ربحة ركبتها تجرحات ليها ودم خرج.. تعاركات بزز باش تنوض .. يلاه ناضت تكتشوف شي حد واقف عليها.. هزات عينيها فيه وهيا توسعهم منين شافتو .. رعشة ركباتها صافي تتقول مشيت فيها هادي لخرة ليها .. دازت ليها المرة لولة تانية وهادي مغدوز على خير كي كيقولو تالتة تابتة.. ضارت عطاتو بضهر يلاه اتكعط تهرب تكيشدها من قبها جاارها.. وهيا طاالعة معاها لخلعة من صبعها صغير ..

بقا جارها معاه وهيا طلب وترغب توقفها بعيد على لمدرسة فبلاصة خاوية .. شاف فيها مخنزر ونطق

هشام: هادشي علاش كتجمعوو؟؟ على تسلكييط
سكينة(بالخلعة طارت عليها سكرة) : والله مدرت شي حاجة اشاف

هشام(شاف فيها شحال ونطق): واليديك مسيفطينك باش تقراي وتفرحيهم وتهزي راسهم لفوق خاسرين لفلوس باش لالة سكينة تقرا وتنجح ضاربين تمارة باش يفرحو بيكم ونتوما باش كتجازيوهم تلعبو ورا ضهرهم وتسلكطو.. واش معندك تااقد هااك ديال تانيب ضمير منين تتشوفي واليديك باغين يفرحو بيك وكيضربو تمارة على قبلكم!!

سكينة دمعو عينيها مقداتش تجاوبو شنو غتقول معندها متكول تأنيب طلع معاها تفكرات انها كدوز الباك غير بنقلة يعلم الله واش اطفرو فيه ولالا.. تفكرات باها لي كيضرب تمارة ويدوز ليها فسوايع غاباش تنجح ومها لي تدير شقا كولو وتضرب الكرفي غير باش تقرا.. طلعات ليها شهقة تالبكا ودموعها هبطو شلال..

هشام: البكا معندو باش ينفعك .. دابا واش تتسناي يتيسر ليك ونتي دخلتي لجسمك لحرام!!
فانزل الله تعالى "يَسْأَلُونَكَ عَنِ الْخَمْرِ وَالْمَيْسِرِ قُلْ فِيهِمَا إِثْمٌ كَبِيرٌ وَمَنَافِعُ لِلنَّاسِ وَإِثْمُهُمَا أَكْبَرُ مِنْ نَفْعِهِمَا وَيَسْأَلُونَكَ مَاذَا يُنْفِقُونَ قُلِ الْعَفْوَ كَذَلِكَ يُبَيِّنُ اللَّهُ لَكُمُ الْآيَاتِ لَعَلَّكُمْ تَتَفَكَّرُونَ"

هزات عينيها فيه الباكين وشافتو كيف كيدوي وينطق شداتها الخنقة حسات براسها وحسات باش كدير قدر يوعيها ويحسسها بتأنيب ضمير .. نزلات راسها مقداتش تكمل فيه شوفة باقي...

#يتبع
ارائكم وتعاليقكم كبيدات 💜