الروج فالمالا (مكتملة)

part66

🍾الـــروج فـالــمــالا💃
شربي ودوشي لاجاو الجدارمية جمعي كولشي💃
✍Manal Bernich▪︎Nassima ERs

البارت67🍷

شافت فيه بتاسمات ومجاوباتوش وهادشي ماشي من عادتها خخ بشوية قرب وطبع قبلة على راسها شي لخلاها تشوف فيه بكل حب هي لمختارة هي لمن الاول كان عليها هادشي كامل كان كحسابلها جاية غير تمتل مكانت عارفة والو هو براسو مقال ليها والو على مشاعرو حتى تصدمات دابا خخخ واحد الفرحة تتحس بيها معارفة متقدم ولا متوخر

هشام:كنت باغي نقولها ليك بشي طريقة مختالفة ساعة مكاينش ما حسن من هادي
سكينة:واقلة احسن صدمة فحياتي
هشام:ونت احسن كارثة وقعات ليا

سكينة ضحكات وهي حشمانة ولاااات كيووت خخخ مبقاتش عبد القادر سكينة الأولى شوية ويدخلها معاه لسربيس خخخ تولي تاهي ضور معاه فديط السطافيط لخدمات عندها طاكسي ويطلعو بنااادم جات لحاجة جلسات حداهم
الحاجة:ايوا قولولي كيفاش طلاقيتو اول مرة
سكينة نقزات:بغا يطلعني لسطافيط
رقية خرجات عينيها:هاد الزين كاامل طلعو لعمارية ومخلي الشفارة
هشام:راه ابليس تتبرا من هادي راه غتتبانلك هكا

سكينة ضحكات حيت راه بصح عارف فعااايلها وكيفاش طلاقات معااه والحالة راه ميمكنش هو لعارف حقيقتها
الحاجة:ايوا هانت طلعات ليك مع عظامك القلب ميشاور
هشام:ويااااه مشاورنيش صراحة حتى لقيت راسي مصمك على زنافري

ضحكو كاملين شادين فسكينة لوسطهم إحساسها متقدرش توصفو عرفتي شنو هي لكبغيك يطلب يدك ويبغي يديرك مراتو مولات دارو شريكة حياتو راه إحساس معالم بيه غير الله ولقلب هاهو جابها حتى لعند موو باش تعرف معزتها عندو وقيمتها عندو حيت ميحطك قدام لولادتو غير لباغيك حلالو نييت
بقاو شحال مجمعين جا حتى باه تعرفات عليه كبرو بيها وعلاش لا غتولي مرات ولدهم ومنهم وبراسو اكدو عليها انهم مستعدين يجيو عندهم خاص غير هي تعلم دارهم بقاو شحال من بعد ودعاتهم وخرجات هي ويااه
هشام:ومتعطليش عليا بزااف راك عارفة
سكينة حركات راسها بااه:صافي كون هاني مهم راه كيف قلت ليك سيمانة مغنفوتهاش
هشام:وانا مكرهش ندخل دااباا
سكينة:زرباااان
هشام دار يديه على قلبو:بزاف الكارثة بزاااف
ضحكات بشوية قربات طبعات قبلة على خدو هنا هو ضور يديه عليها وعنقها وحتى هي عنقو بعضهم عناق حاار عامر حب صافي دابا فصحو على مشاعرهم لتولدات وسط واحد المواقف لمختالفة غير لمصايب ولكوارت خخخ
ودعاتو وهو كوصيها متعطلش عليها حيت راه مصابرش وفنفس الوقت ترد لبال لراسها وكوصيها تدير عقلها خخخ حيت عارف هاد تباتة مدايماش زادت مع الدرب وهي تتبتاسم غير بوحدها يديها علر قلبها غير دخلات لدار مكاين حد وهي طلع فوق السداااري بسباطها وبدات تتنقز وتغوت بالفرحة غطير غطير مفيقاتها غير صندالة من عند ربيعة لطرمتها تتعاير حيت طالعة لها بسباطها فوق السدادر هربات نيشان دخلات لبيتها مداتهاش فيها فرحتها منسياها كلشي

#يتبع
ارائكم وتعاليقكم كبيدات 💜