🍾الـــروج فـالــمــالا💃
شربي ودوشي لاجاو الجدارمية جمعي كولشي💃
✍Manal Bernich▪︎Nassima ERs
البارت20🍷
هشام ضرب لهداك لكيصوك:تحرك تحرك
سكينة اتموت بالنسبة ليها دابا صاف كلشي ضاع مبقا لا وطني لا ستة حمص شافت فيه مطولة وعينيها مغرغرين وهي تبدا تبكي دغيا طيحات الدموع
سكينة:حرام عليك هئ هئ طلبتك عتاذرت منك حراام عليك دابا مغندوزش غيضيع لي عام هكاك وانا مدايرة والو هئ هئ سمحلي عفاك وخليني نزل
هشام:اري لكارط ديالك
سكينة تتبكي وترغبو بعويناتها:عفاااك والله منبقى نعاود الله يسهل عليك
هشام حمر فيها:ارييي لهنااااا بلا منعاود الهضرة
بدات تتحل فالساك وهي تنخصص وتتبكي زادت فالبكى عطاتها ليه شافها ومدها لهداك خونا لكصوووك
سكينة بحرقة:علااش متترحموش علاااش واش معندك ولاااد معندك خواتات نضيع انا فعاام هكااا هئ هئ
دارت يديها على وجها وعطاتها لبكى وهو كشوف فيها مدوااش مخليها تنخصص قداامو وهي قلبها تتقطع مكانتش متوقعة هادشي يخرج ليها هكااا نهار الوطني لتسناتو شحال تولي ممدوزاش وعلى والو عتاذرات طلباتو ورغباتو ولكن البوليس لا يرحم .. بقات هكاك تتنخصص وهو قدامها كشوف فيها مدواها مهضرها حتى وصلو وقف وهو ينغزها فكتفها
هشااام:تهزييي
هزات فيه راسها عويناتها حمرين تتمسح وجها من الدموع هزات ساكها وهي عاضة على شفايفها حابسة البكية خرجات منزلة راسها شد فيها من ذراعها وزيدها شوية
هشام:يلاااه جري
هزات راسها فيه مفهمات والو وهنا ضارت فجنابها خرجات عينيها حومتها هااادي عاود شافت فيه عينيها حمرين ومزال تتهز بالتنخصيص لتنخصات فبكااهااا حا لبوليسي لاخر لكان صايك عطاها لكارط ديالها وهي مفاهمة والو
هشام:المرة الجاية تخرجي قصدي داركم داك الوقت لغتبقاو مجمعين على لخوا لخاوي والحموضة سيري تراجعي
يلاه اتنطق وهي تلوح عينيها ورااه وشاافتها جاية تجرييي كيف الرعدة بقالها غير شوية وطيير .. زيف حياتي غيطير من فوق راسها عينيها خاارجاات وجلاليها تتعتر فيهم ومن بعيد تتسمعها تعاااير
ربيعة:ويلييي على بنت لحراااام بقا لها غسافيط جاية هااازاااها اويلييي على بنت الضلعة العوجة حتى لبوليس مقااالتهمش ووواااشدرتييي يااالمسخوووطة
هنا سكينة عرفاات راسها صافي لقليلة اتولي صوصيط نقزات من بلاصتها وشدات فهشاام وجات ورااه دايراااه قدامها اللهم هو ولا عصى دربييعة البوليس ميبانو والو قدامها بدات كلها تتزقزق
سكينة:عفاااك عفااك هالعااار ديني معااك صافي غدينييي الكومييسارية هالعاااار زيد زيد انا قااااات•لة وشافرة زيد يلاه عطيوني المؤبد هئ هئ
#يتبع
ارائكم وتعاليقكم كبيدات 💜
أنت تقرأ
الروج فالمالا (مكتملة)
Humor🍾 #الـــروج_فــالــمالا💃 #قصة_قصيرة ☀بقلم: Manal Bernich & Nassima ERrais☀ هااانا صاامدي صوااغ تاني حلااال🔥 وبعد أول قصة ليا #غدر الأقرباء وقصص حبي منال برنيش❤ #طبيب الحومة #موصيبتي مع الكوميسير #الأستاد والمزنزنة وثانوية الحب لي لقاو تف...
