الروج فالمالا (مكتملة)

part15

🍾الـــروج فـالــمــالا💃
     شربي ودوشي لاجاو الجدارمية جمعي كولشي💃
     ✍Manal Bernich▪︎Nassima ERs

                              البارت15🍷

عند إكرام واقفة فلمحلبة كتقدا وعينيها عليه مكرهاتش تطيير تااكلو بعينيها.. كتسطااا عليه من نهااار شافتو عينيها حوالو قريبة ل ست شهور وهيا تتقدا من عندو واخا معندها غرض بكرواصة ضروري تمشي كل نهار تقداها غاباش تشوفو.. فلوسها لي كانت كضيعهم فالمكياج والحوايح ولات كتخسرهم فكرواصة.. وزيد حيت كيدوي معاها وهضرتو بالقياس زااادت غرقااات فيه .. فعز سهوتها وهيا تتشوف فيه كيجمع ليها داكشي لي بغات محسات غابدقة فضهرها مخضاضتها...

ضارت مفزوعة تشوف شكون تكتلقا صاحبت دعوتها واقفة عليها..

سكينة: كروااصة بلا خباري يالمديليلة .. لالا نتي بربي تخص يطلعوك ادمن فالمدلولات مكاين مواالاكن

تلاحت عليها اكرام معنقاها وتتدوي فودنها وتزاوك متفضهاش وتشوهها قدامو ..

بعداتها عليها ونطقات ..
شدي ليا ديك كرواصة لي فيها شكلاط من لوسط

اكرام تلاحت عليها: هيا لوولة نجيب ليك لي حبيتي غاسكتي  ..
ضارت عند مول المحلبة لي معارفة تاسمييتو ونطقات وابتسامة صفرا على وجهها..

ديك كريويصة لي فيها شكلاط

حرك راسو بالايجاب وابتسامة مزينة تغرو.. جمع ليها شبغات وخلاصاتو .. جرات سكينة وزادت بزربة لقدام مبغاتش تشوف فيه باقي لاتشووه.. تشوكات فاش سمعات سكينة نطقات ..

سكينة: اتهلااا وشد فالمضلا اسرااق

اكرام طلعات معاها تزنييكة يلاه اضور تشوف فسكينة وتجرها تتزلق ليها رجليها فدرجة .. جات مخبوووطة فواحد الكَلتة تالغيس.. طيحة لي طاحت وشكل باش طاحت خلات كَاع لي فالمحلبة يشد فكرشووو ويتفررشخ بضضحك..

اكرام مركَااات البكية شداتها مبقااتش تلفتاات.. ناضت بزز واخا رجلها تقصحات فيها .. ناضت وقفات وزربات فخطاويها قاطعة شانطي مشافت لاهاك ولاهاك شداتها بجرية تفااتت المحلبة عاد وقفات ...

كتنهج والبكية شداتها تتفكر البلان كتبغي تنتف شعرهاااا.. هزات عينيها فسكينة لي لقات قدامها محسات براسها تطاارت عليها شدااها من شعرهااا ومهبطاها لرض ..

#يتبع
ارائكم وتعاليقكم كبيدات 💜