الروج فالمالا (مكتملة)

part70

🍾🍾الـــروج فـالــمــالا💃
     شربي ودوشي لاجاو الجدارمية جمعي كولشي💃
     ✍Manal Bernich▪︎Nassima ERs

                              البارت70🍷
مع وقفات تتلهت قدام باب دار السعدية وبدات تدق ودق بحالا واكلين لها رزقها غتفرع عليهم الباب
ربيعة:وااااااسعدية وااااالكاااافرة فينك فينك
سعدية هنا طلات وهي تتعقد زيف حياتي ديالها فراسها وهي تتغوت؛اماااالنا بسينا عالله ياااك اودي لباااس امالك اختي
ربيعة:نزليييي نزليييي نوريك مالي نزلييي

سعدية رجعات من السرجم وربيعة بقات تعاير وتسب وتصلصل حتى خرجات عندهاااا
سعدية تتشالي بيديها؛يماااالنااا منخاافوش امالك اختي مهجمة علينا مكاين شرع فالبلاد

ربيعة تتغوت:والشرع هو لغندير فيك انااا ياتي مكفيتكش انا دزتييي حتى لبنتييي
سعدية:يمااالهااا بنتك مالم غانت لواالدة

ربيعة:تمشي تديري البغض والسم بيني وبين جيراني باركة عليهم بنتها غتزوج ومعارضاش عليكم هااا فعايل العيالات لحراات هادو ياك عاطياك بالتيساع ايوا بعدي مني قيليني عليك ولا والله ياسعدية وباش كحلو الرجال الشلاغمية يتنخرج معاك لمعمرك تخايليه

سعدية:ايوا ايوا ماااالني كذبت وراااه بنتك جاااين فيها الخطاااب وماااشي اي خطااااب ولد ختي الحاجة رقية الكوميسيييير ومن لااا يعرفه واخا بنتك لا زين لا مجي بكرييي وفقيييهك صحييييح علام الله شمن حجااب خاشية ليها فقزيبتها حتى سعدهااا مقاد هكااا اااه ونزييدك هي رااااه عاااااارفة انت لفدااار غفلووون

هنا ربيعة لفيزبلات ديال راسها تسوطاو وهي تتشوف فهادي شسايرة تخبر عليها وبنتها فراسها الدرب كامل فراسو الا هي هادو مالهم ضوروهااا شواقع وهي فدار غفلوون

سعدية:واصلا هادي حاجة متتسرتش ديرها غزوينة توصل توصل الزوااج هدا حتى تكون جايبة ليك شي كرش عاد ستريها مداها فيك حد اربيعة غتهنااااي

ربيعة قادات زيفها بعصبية وخلاااتها داااوية وزااادت تتشتف قاصدة سكينة المتعوووسة تشوف هادشي كدااير الليلة تشويها ودوزها بلا خبز لكان هادشي بصح وهي مفراسهاش

جالسة فبيتها مزال كعما بدلات حوايجها وطيليفون فيديها وتتهضر معاه والابتسامة على وجها وهما يلاه تفارقو
سكينة:غدا انشاءالله غادي نهضر معاهم كون هاني والله
هشام:شوفي الوليد ديالك مزال عاقل عليه الا كان كجلس فشي قهوة ولا شي حاجة نمشي عندو نهضر معاه
سكينة:شوف بابا مضربش ليه حساب بقات غير فماما احم حيت خالتي سعدية وماما مضاربين

هشام:دابا انا سعدية اتخرج ليا فعودي
ضحكات بالجهد ويديها على فمها ونطقات:المهم انا باغااك مكاين ليحبسنااا
يلاه اتزيد تعنب عليه كتر وهي تسمع الباب تحل كيف الرعد تزدح وتتسمع الشتيييف فالدروج وغوتة بردات ليها الما فالركاابي
ربيعة:سووووووكاااااااايناااااا

#يتبع
أرائكم وتعاليقكم كبيدات 💜