🍾الـــروج فـالــمــالا💃
شربي ودوشي لاجاو الجدارمية جمعي كولشي💃
✍Manal Bernich▪︎Nassima ERs
البارت62🍷
هز راسو فيها وهنا زاد على مابيها خخخ رجليها غيطيحو تسخف ليهم دابا مفاقت حتى شافتو ناض مد ليها يديه وابتسامة عريضة على وجهو
إكرام فاقت من سهوتها وصافحاتو:سلام
أنيس مبتاسم:إكرام كدايرة لباااس
إكرام يديها فيديه وعينيها غتاكلو بيهم:حمدالله
أنيس:كدايرة مع لقرااية
إكرام:حمدالله ونت بيخير
أنيس:الحمد الله
زهور ناضت لكوزينة:شي قراية مكاينة مه هاديك
جلسو بزوج وهو كضحك وشاف فيها:فاش هاد العام ههه؟
إكرام نزلاااات عليها واحد الحشمة تقول جا يخطبها:يلاه شديت لباااك هاد لعام
أنيس حرك راسو باه وعينيه عليها والابتسامة محيداتش من على وجهو:بشاااخ الناس كبرووو تبارك الله ههه يلاه لبارح كنت بزقولة وديما كدفلي عليا من السرجم
ضحكات وتزنكات ويديهاا على وجها وحتى هو بدا كضحك حيت فعلا كاااانت كطييييير وديما دايرة ليه بحال هاد لبلانات ولكن دابا لواحد تتبدل وهو ككبر كدير عقلو تتفكر راسها كيفاش كانت شحال هدا معاه ودابااا راه ميمكنش سبحان مبدل الأحوال
أنيس:شنو بغيتي ديري دابا لفاك؟
إكرام حركات راسها بااه:اه غندير القانون
حرك راسو باااه وهو مبتاسم وبقاو كهضرو وهو كنصحها على لقراية من مورا لباك كيف دايرة وشنو خاصها ديير وهي غير تتحرك راسها باه عينيها عليه والعقل راه فييه هو والودنين ليسمعوه طفاااو ليها زعطة رباااااانية فخمسة دقائق بقاو كهضرو حتى دخل خوها لمسى يتسخر ريح وضور يديه على عنقو صاحبو وجلسو مجموعين عاطينها للضحك والطلعة
نهار جديد
تتشوف فلمراية مقادة مصايبة واخا فيها ليغيكل صايبات شعرها مهم ضرب على الشعة شوية مصات لعكر بصباعها وبدات تتقاد صدافي الكسوة لكانت لابسة فالغوز باارد وتوبها كلو نقيطات بيضين جات كيوت رشات الريحة وخرجات تتقلب فطيلي علماتو بلي راه جاية وقصداااتو طريق كاملة وهي تتفكر وتتنهد وخاطرها مخنوق دابا غير غتمتل بلي راه هي لباغي يتزوج بيها على مو غير غتمتل وشوف واش يقنعوها ولا لا اما راه مضبرين ليه على لعروسة وعلام الله هو واش عندو شئ وحدة ولا لا واخا فاش تكون معاها تتحس بيه قريب ليها بزاااف واحد الإحساس لمتقدرش توصفوو اما علاقتها بيه باقي معارفاهاش شنو هي واش غير حيت كخاف عليها ولا صداقة ولا ولا بزاف دالحوايج فدماغها معندهاش عليهم جواب فالاخير تنهدات وخلات فيد الله تشوف هادشي فين ايوصل ضارت مع الضورة وهي تبان ليها طوموبيلتو قصداتو نيشان ودقات فالزاج
#يتبع
أرائكم وتعاليقكم كبيدات 💜
أنت تقرأ
الروج فالمالا (مكتملة)
Humor🍾 #الـــروج_فــالــمالا💃 #قصة_قصيرة ☀بقلم: Manal Bernich & Nassima ERrais☀ هااانا صاامدي صوااغ تاني حلااال🔥 وبعد أول قصة ليا #غدر الأقرباء وقصص حبي منال برنيش❤ #طبيب الحومة #موصيبتي مع الكوميسير #الأستاد والمزنزنة وثانوية الحب لي لقاو تف...
