الروج فالمالا (مكتملة)

part51

🍾الـــروج فـالــمــالا💃
     شربي ودوشي لاجاو الجدارمية جمعي كولشي💃
     ✍Manal Bernich▪︎Nassima ERs

                              البارت51🍷

هشام: شتتكَولي!!
سكينة عاقت براسها شتتكَول.. ضحكات فحال الهبيلة ونطقات

سكينة: أنا فريو متديش عليا زيد نشوفو القرودة
تبعها ضااحك عليها وعلى هضرتها .. غادي هو وياها فطريق وهيا غير تتشوف من لهنا لهنا فرحاانا حاسة بشعوور فشكل ..

جرها هشام مخليها تصور مع القرودة وهيا غا تتضحك .. جرها مديها بلاصت لفاعي لي غير شااافتهم بدات تتقفقف وهو كيجرها بزز وهيا طالقة حلووقها..

هشام: متخاافيش غازيدي
سكينة(تتحرك راسها بنفي): لالا ماابيتش اتعضنييي
هشام: تيقي فيا
سكينة: واااسير طخرررا فاااش نموت نتخوور لااتيقة فولاد عتييقة

هشام: وبااااز .. شووفي هاااديك كي داايراه ومخيفاش..

سكينة بتبركِيك لي فيها ضارت تشوف شكون.. كيف ضارت عطا اشارة لشخص لي مكلف بيهم.. غفلها وضور ليها لفعة على عنقها هيا غير حسات بيه لساانها تربط ولات غتتحرك رااسها بنفي

هشام: ششت تهدني متخاافيش غنصورك مع ختك ونحيدها
سكينة(من تحت سنانها): حنااااك ابلاتي بربي تنوورك حيديييهاااا اتعضنيييييي

هشام(كيطنز عليها): واامتخاافيش وااش عمرك شتي شي لفعة تتعض لفعة ر متدير ليك والو

سكينة (بالفقصة والخلعة قربات تبكي): هضضرة العكااايز ابلاااتي تحيد ونووريك لفعة كيدايرة

هشام كيصورها وهو ميت عليها بضحك وشاد ليها فديو.. تسالا على خاطرو عاد حيدو ليها من على عنقها .. كي حيدو طاارت عليه بعضضة خلااتو يزيير على سنااانو

سكينة: يلاااه شددد
هشاام: جروووة ( ضار مخلص سييد وضار عندها) قدك قداش وتتخافي منهم

سكينة: بااقااا بااغا نعيش
هشام: مافيهمش سم
سكينة: متعرف زهري وعاارفاه تقد تجي فيا شي وحدة زلقات ليهم وبقات بسم

هشام(كيضحك): باااز والله تباااز مكتقداايش
سكينة: خليييني.. اجي منمشيوش نتعشاو بالحوت!
هشام: زيدي .. جرها مدرعها وهيا مقدااها فرحة لي قالت ليه مكيرضهاش ليها فوجهها... بقاو كيضوورو تعيااو ومشاو تعشاو بالحوت ورجعو للوطو ركبو وتوجهو لدار سكينة .. غير وصلو سكينة تغبنات ونطقات ..

سكينة: مسخيييتش تفو
هشام(تنهد): فين كنتي مخبية!
سكينة: كيفاش!!
هشام: مع لوقت تفهمي(تحدر باسها فجبهتها ونطق بحنية) : تهلاي فراسك ولقما بغيتينا نخرجو قوليها ليا صافي

حركات راسها بالايجاب وهيا مبتاسمة وتنزنييكة طاالعة معاها مصدموومة من ردة فعلو ..
سكينة: واخا .. انخليك دابا بسلامة

تسلامات معاه ونزلات مشات لدارهم مخلياه متبع ليها العين ..

#يتب__ع
ارائكم وتعاليقكم كبيدات 💜