الروج فالمالا (مكتملة)

part13

🍾الـــروج فـالــمــالا💃
     شربي ودوشي لاجاو الجدارمية جمعي كولشي💃
     ✍Manal Bernich▪︎Nassima ERs

                              البارت13🍷

سكينة شافتو تعصب الخلعة شداتها..

سكينة: مدرت والو اشااف لاش اديني
قبل متسمع جوابو سمعات البوليسي لي معاه نطق بسميتو وقرب وشوش حدا ودنيه ومشا ..

سكينة(تضور فعينيها): هشام سميتك زوينة اشاف( حطات يديها على وجها ودارت راسها فحالا تتبكي) جديي الله يرحمو كانت سميتو هشاام قبل ميموت كان كيووصيني على كَاع لي سمياتهم هشامات نحتارمهم اهئ اهئ كاان كيووصيني نتزوج براجل يكون سميتو هشام(كتهرنن وتبكي) فكرتيينيي فأوجااعي بقيت لاحنين لارحيم ورا ممات لا واليدين لا خوت مقطوعة من شجرة والقراية بزز تنلقا فلوسها من عند المحسنين .. كل مرة وحدة فجيران تخليني نبات عندها(بدات تنوح وتغوت) وااااافين مشيتي وخليتييني اجدددي لاحنين لارحيم يحن فيا اهئ اهئ

هشام بقا غير تيشوف فيها صدماتو ومينكرش أنو بقات فيه.. قرب طبطب على ضهرها ونطق ..

هشام: ربي معاك..
شافت فعينو ومسحات دموعها..
هشام: سيري قراي ونجحي ونقصي من هاد طيرة ور ميكون الخير

سكينة(تلاحت بغات تعنقو وهو يبعد ديك ساع): بغيت نشم فيك ريحة المرحوم خليني غانعنقك ونبوسك ونشبع منك ر فكرتيني فجدي الله يرحمو

هشام(صدماتو): وسييري فحااالك ريحة أنا تشميني وسييري لاتغير ليا ونديك فين ترباي

غير شافتو بدا كيتقلب تاني ضاارت كعطااات خرجات من داك الدرب وغادية كتجري موقفات تقربات لدربهم  ... بقات كتنهج وترد نفسها توقفات عليها واحد درية طلعات عينيها فيها ..

سكينة: مالنا
البنت: غير ديك النقيلة اختي لي قلت ليك باغا نتقداها من عندك

سكينة(ضحكات بشر ونطقات): وصرااحة بقااات غاديال الاجتماعيات والاسلاميات
البنت: عتقيني بيهم

سكينة: ولاكن اطلع تمن
البنت: غير تكايسي معانا
سكينة: وراك تتعرفي اصاحبتي ديك نقيلة كاتباها فوراق جدة الله يرحمها لي خلاتهم قبل ماتموت وفيهم البراكة تتكتبي فيهم المواد لي بغيتي وبلا متجبديهم تتحطيهم غافجيبك وداكشي كيتقرا فدماغك ديك ساع

البنت(الفرحة شداتها): تبارك الله على جدااك مبااركة
سكينة(تتحرك فراسها): اييه جدة الله يرحمها ر كاانت شرريفة.. (ضارت شافت فليمن وليسر ودوات) هانتي تسنايني هنا هانا نطلع لدار نجيبهم ليك.. ياك 300 درهم عندك كاملة ...

البنت: ايه كااملة
سكينة: ايوا تسنااي هنا ..
عطاتها بضهر وجرات تال دارهم هزات نقيلة ونزلات مشات عندها عطاتهم ليها وشدات فلوسها.. شمااتهم ونطقات بمقولتها المشهورة ..

سكينة: الحياااااااة السعيييييدة
#يتبع
أرائكم وتعاليقكم كبيدات 💜