قصص الأنبياء بالعاميه

41موسي عليه السلام 16

41
صويييييييييت ،، صويييييييييت ،، صوييييييييت !!
كان فيه حاجة إن شاء الله 🤔

اة فيه 😕
كان في اتنين إخوات واحد غني و التاني فقير ..

الفقير ده كان عنده 15 ولد ،،
و الغني معندوش ولاد خالص ،،
فالفقير ده قال استني أخويا يموت و أورثه و عيالى يتبسطو ويتنغنغو بالفلوس ..!

المهم أخوه الغني ده عُمره طال شوية ،،
فراح ابن الفقير دة وقتله ! 😠

الناس صحيوا الصبح لقوا واحد مقتول على الطريق.،😱
وفيه واحد عمال يصوووووووووووووت !!!!

بني إسرائيل كانوا بيحبوا الفضايح اوي! 😒

فالناس اتجمعت ،، ايه ده مين قتل ،، ايه دة أية اللي حصل !!!!

القاتل راح لسيدنا موسي قاله :
عمي مات 😒 و معرفش مين اللي عمل كده 😏
ومفيش حد هيقول لنا مين إللي قتله غيرك 😒

بني إسرائيل قالوا:
صح! مش انت نبي؟! ادعي لنا ربك واسأله مين قتل قتيلنا..!!!

فسيدنا موسي قالهم :
إن ربنا يأمركم أن تذبحوا بقرة .." ادبحوا بقرة و هعرفكم مين اللي قتل "..!

وَإِذْ قَالَ مُوسَىٰ لِقَوْمِهِ إِنَّ اللَّهَ يَأْمُرُكُمْ أَن تَذْبَحُوا بَقَرَةً

مش يسمعو الكلام بقي ؟ لأ !
قالوله أنت بتتريق علينا " !!!! 😠

قَالُوا أَتَتَّخِذُنَا هُزُوًا

فسيدنا موسي قالهم أعوذ بالله إن استهزء بحد لجأ لربنا ❤

"قَالَ أَعُوذُ بِاللَّهِ أَنْ أَكُونَ مِنَ الْجَاهِلِينَ"

مش يسمعوا الكلام و يدبحوا بقي أى بقرة ؟
لأ ! قعدوا يتفزلكو 😏
راحوا قالوا لسيدنا موسي ادع لنا ربك يقولنا علامة ليها مثلاً " !!

"قَالُواْ ادْعُ لَنَا رَبَّكَ يُبَيِّن لّنَا مَا هِيَ"

فسيدنا موسى قالهم انها مش بكر و برضو مخلفتش كتير .. بقرة متوسطة يعني لا هي كبيرة ولا هي صغيرة،،
واعملوا إللي ربنا أمركم بيه بسرعة من غير تأجيل.!!

" قَالَ إِنَّهُ يَقُولُ إِنَّهَا بَقَرَةٌ لاَّ فَارِضٌ وَلاَ بِكْرٌ عَوَانٌ بَيْنَ ذَلِكَ فَافْعَلُواْ مَا تُؤْمَرونَ"

سألوه تاني !!!!  طيب اسأل كده ربك لونها إيه!!😠

"قَالُوا ادْعُ لَنَا رَبَّكَ يُبَيِّن لَّنَا مَا لَوْنُهَا"!

فسيدنا موسي قالهم لونها أصفر.. بس مش أصفر عادي دة سهل تلاقوه،
أصفر فاقع، ويكون شكله حلو مش أصفر يوجع العين ويبقى شكله وحش.
وتشد اى حد يبصلها ❤

"قَالَ إِنَّهُ يَقُولُ إِنَّهَا بَقَرَةٌ صَفْرَاءُ فَاقِعٌ لَّوْنُهَا تَسُرُّ النَّاظِرِينَ"

سهلها و وضحها أهو مش يدبحوا أى بقرة صفراء وفيها الشروط دى؟
لأ ! قعدوا يجادلوا برضو !😒

قالوا لسيدنا موسي عايزين تفاصيل تاني !
خلّي ربك يوضح لنا صفاتها أكثر لإن البقر إللي بالصفات دي كتير برضو ومش هنقدر نميز البقرة المطلوبة من بينهم.😏

"قَالُوا ادْعُ لَنَا رَبَّكَ يُبَيِّن لَّنَا مَا هِيَ إِنَّ الْبَقَرَ تَشَابَهَ عَلَيْنَا وَإِنَّا إِن شَاءَ اللَّهُ لَمُهْتَدُونَ"

فسيدنا موسي لما قعدوا يقولوا كده قالهم وصف كامل بقي..
قالهم ؛
ان ربنا بيقول انها بقرة غير مُذللة لحد..
متدلعة يعني..
لا بتروح حقل تحرث..

قَالَ إِنَّهُ يَقُولُ إِنَّهَا بَقَرَةٌ لَّا ذَلُولٌ تُثِيرُ الْأَرْضَ

ولا اللي بتستخدمهوها فالسُقيا ..
ولا حتى بتسقي الزرع،،

وَلَا تَسْقِي الْحَرْثَ

ولونها واحد كامل اللي هو الأصفر " ومش بس كده لأ مافيهاش اى عيوب ..

مُسَلَّمَةٌ لَّا شِيَةَ فِيهَا "

شوفوا عدم الأدب مع الله !
قالوله!! بااااس انت كده جبت الوصف المطلوب زي ما احنا عاوزين.!! وانت صح كدة علي حق😏

ويعني ربنا مكنش بيقول الحق ولا رسوله؟!

"قَالُوا الْآنَ جِئْتَ بِالْحَقِّ

وقعدوا يدوّروا على بقرة بالمواصفات دي مش لاقيين نهائي، !!
لحااااد ما لقوها عند واحدة عجوزة عندها يتامى،،
فلما عرفت إن بني إسرائيل محتاجين البقرة دى جدا، مرضيتش تبيعها إلا بوزنها ذهب😁

فرجعوا لسيدنا موسي وقالوا له الخبر،،
فقال لهم فضلتوا تشددوا على نفسكم وربنا كان مخفف عنكم، فخلاص بقي ادوها إللي تطلبه ..

وفعلا اشتروا البقرة بوزنها ذهب وذبحوا البقرة أخيرا😒

(فَذَبَحُوهَا وَمَا كَادُواْ يَفْعَلُونَ)

ف أية اللي حصل ايه بقي ؟
قعدوا بني إسرائيل يتجادلوا مع بعض ف مين اللي قتل ؟؟
أنت اللي قتلت ،،، لأ هي كانت قدام بيتك وأنت اللي قتلت !!!
لما كل واحد قعد يرمي التهمه علي التاني ،، فربنا أمر أنه يبين الحقيقة ..

(وَإِذْ قَتَلْتُمْ نَفْساً فادارأتم فِيهَا والله مُخْرِجٌ مَّا كُنْتُمْ تَكْتُمُونَ)

ربنا قال لسيدنا موسي :
خد حتة لحم من البقرة اللى اتدبحت دى و اضرب بيها جثة الراجل اللي اتقتل ده و هيعرفك مين اللي قتله..

فَقُلْنَا اضْرِبُوهُ بِبَعْضِهَا كَذَلِكَ يُحْيِي اللّهُ الْمَوْتَى وَيُرِيكُمْ آيَاتِهِ لَعَلَّكُمْ تَعْقِلُونَ

فسيدنا مُوسي عمل كده..
فقام الميت و قال قتلني إبن أخى و مات تاني !!!!

ودي كانت معجزة كبيرة جداااااااااا♥️

وعشان السبب دة بقي :
سميت " سوره البقره " بهذا الاسم ❤😊

🛑 معلومة كمان 👌
اشمعنى بقرة.. !!!؟ ليه مش خروف  أي حيوان تاني..!!؟

عشان لما عبدوا العجل.. كانوا لسه عندهم حب في قلوبهم لعبادته فربنا كان بيعلمهم ويوريهم إن إزاي دة إله ومرة هيحرقوه ويرموه في البحر ..
ودلوقتي كمان جايين يذبحوه !!!
ف المفروض إنهم كانوا يفهموا الحكمة الربانية ،، لكن نقول اية بقي !!😢

........... يتبع ان شاء الله ❤️