قصص الأنبياء بالعاميه

59 سيدنا عيسى عليه السلام2

5️⃣9️⃣
هو حرام الواحد يتمني الموت 🤔!؟

= تفتكر فيه سبب قوي يخليك تتمني الموت !؟

ساعات كدة الواحد بيبقي مخنوق وزهقان وفي ابتلاءات كبيرة أوي ورا بعض ومش مستحملها لدرجة تخليه يتمني اة الموت ..

طيب عموما تمني الموت منهي عنه ،،
بس فيه حاجتين بس يجوز فيهم تتمني الموت ..

اللي هما اية 🤔!؟

= الحاجة الأولي زي ما السيده مريم رضي الله عنها تمنت الموت فيها ..
والتانيه بقي ........ تانيه اية استني بس ✋

هى السيده مريم اتمنت الموت !!!!

اة وقالت بقي يارب خد..... لأ معلش بقي لازم احكيلك من الاول 😛

بعد ما حملت السيده مريم بسيدنا عيسى ،،
مكنتش عارفة تتصرف ازاي !!
بطنها بدأت تكبر والناس بقت تبص لها نظرات مريبة!!

فانعزلت عن الناس خالص عشان محدش يعايرها بالحمل اللي من غير جواز ،،
ويقال راحت في وادي "" بيت لحم""

وحملت فيه تسع شهور كدة زينا !!؟
أرجح الأقوال للعلماء أنها حملت فيه اه تسع شهور ..!

وجه معاد الولادة ،،

طبيعي زي أى امرأة بدأ ألم الولادة يظهر ويتعب مريم عليها السلام،،
فاضطرت إنها تلجأ لجذع نخلة تسند عليه وتولد عنده بعيد عن عيون الناس،،

"فَأَجَاءَهَا الْمَخَاضُ إِلَى جِذْعِ النَّخْلَةِ"

السيده مريم كانت خايفة اوي من مواجهة الناس بالمولود ده😞
ومن كتر تعب الولادة والألم النفسي بتاع الوحدة ومفيش حد يراعيها ولا يديها حتي أكل او ميه،

فخلتها تتمنى الموت،،

وقالت ياريتني كنت مت قبل ما يحصل لي كده ،، وكانت الناس نسيتني ونسيِت كل حاجة عني😔

"قَالَتْ يَا لَيْتَنِي مِتُّ قَبْلَ هَذَا وَكُنتُ نَسْيًا مَّنسِيًّ"

فسيدنا جبريل ناداها وطمنها وقالها :
متزعليش ومتخافيش،،

بصي لِمعِية ربنا إللي بتحاوطك واطمني،،
ربنا جعل تحت منك نهر صغير تشربي منه،،

"فَنَادَاهَا مِن تَحْتِهَا أَلاَّ تَحْزَنِي قَدْ جَعَلَ رَبُّكِ تَحْتَكِ سَرِيًّا"

وهزي النخلة إللي وراكي  دي بإيدك كده بس هتنزل عليكِ رُطَب .. ❤

"وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَبًا جَنِيًّا"

فكلي واشربي وكوني مطمئنة البال وأبشري،، ❤
ربنا معاكي ومش هيضيعك وهيبعد عنك أى أذى..

"فَكُلِي وَاشْرَبِي وَقَرِّي عَيْنًا"

طب ما تمني الموت منهي عنه إزاي بقي هي اتمنت الموت عادي كدة!!!؟
= اة عادي ،، لان في حالت مريم يجوز تتمني الموت ..

إزاي يعني ..!
السيده مريم رضي الله عنها لما اتمنت الموت ،، اتمنت عشان
كانت خايفة !!

خايفة إن الناس يظنوا بها الشر في عفّتها وتقواها ، فيعايروها بتهمة تمس شرفها ،،
ودة هبخليها تُفتن في دينها ،،

وطبعا يجوز  إننا نتمني الموت لو خايفين نتفتن  في ديننا ..

وكانت خايفة على قومها إنهم يقعوا في قذف محصنات ،،، ويرتكبوا معاصي،،
و ده هيكون بسببها..

إنما بقي مينفعش نتمني الموت لو حصلنا شوية ابتلاءات ولا أمراض ولا ضرر أو أذى بشكل عام يعني ..!

بعد ما السيده مريم رضي الله عنها اطمنت وأكلت، وبقت كويسة ..

ربنا قالها على لسان سيدنا جبريل:
  إن أي بشر تشوفيه قولي له إنك صايمة ومش هتكلمي أي إنسان..

"فَإِمَّا تَرَيِنَّ مِنَ الْبَشَرِ أَحَدًا فَقُولِي إِنِّي نَذَرْتُ لِلرَّحْمَنِ صَوْمًا فَلَنْ أُكَلِّمَ الْيَوْمَ إِنسِيًّا"

وهي ليه هتصوم عن الكلام !؟ 🤔
عشان بعد الولادة لسه مش مهيئة نفسيا أنها تقدر تواجه أي حد ،، بالمولود ..

بعد ما السيده مريم بقت نفسيا كويسه وتقدر تواجه اى حد !
راحت عشان تقابل قومها بني إسرائيل وفي إيديها عيسى عليه السلام في اللّفة🙊!!!

"فَأَتَتْ بِهِ قَوْمَهَا تَحْمِلُهُ "

بني إسرائيل هيعملوا اييييييه بقي ،،،!

.......... يتبع إن شاء الله ❤️

كل عام وانتم بخير
رمضان مبارك