UNKNOWN

6. freedom

Түүнийг үнэхээр өөрийнхөө тухай ярих хүсэлтэй байгаагаар зогсохгүй маш сонирхолтой сэдэв хөндсөн нь шууд л түрүүний асуудлыг мартахад хүргэж би тухтайхан сандлаа налан суулаа.

Riki
Мэдээж би ч бас их олон асуудал дунд амьдардаг ч гэсэн ойрд хамгийн тодоор анзаарагдаж байгаа нэг нь орчин маань. Өөрөөр хэлбэл эргэн тойронд байгаа бусад хүмүүс.

Me
Амьдарч байгаа л бол хүмүүсээр хүрээлүүлэх шаардлага гарна. Тэд чамд нөлөөлж, төвөг удаж эсвэл
бүр баяр баясал авчрах нь
тодорхой байх л даа.

Riki
Би их олон хүмүүсийн дунд амьдардаг. Ингэж хэлэхээр чи найз нөхөд, танилуудын тухай бодох байх л даа. Гэхдээ тэрнээс ч илүү зүйл гэж ойлгоорой.

Рикиг үнэхээр л амьдралынхаа тухай надад ярих гэсэндээ бүхнийг ойлгомжтойгоор, дарааллын дагуу илэрхийлж буйн хайр татам санагдсан ч үнэндээ 'олон хүмүүсийн дунд амьдардаг' гэсэн нь яг л 'олон хүмүүсийн анхаарлыг татагч' нэгэн мэт ойлголт түрүүлж байлаа.

Riki
Тэд миний үг, үйл хөдлөл бүрийг сонирхдог. Тэгэх тусам шууд л амьдралд минь оролцож өөрсдийгөө яг л дотор нь байх ёстой мэтээр дайрдаг. Тоохгүй байя гэсэн ч цаг хугацаа өнгөрөх тусам тэд илүү олуулаа болчхоод намайг яг л торонд хийчихсэн мэт санагддаг.

Me
Хөөх, чи тэгвэл эрх чөлөөг л хүсдэг юм байна шт. Тэр хүмүүсээс холдохыг.

Riki
Яг ч тийм биш л дээ. Тэр хүмүүсээс холдчихвол би аз жаргалаа алдчих болохоор тэдний анхаарлыг өөрөөсөө холдуулахыг хүсдэггүй. Магадгүй зүгээр л бяцхаан хувийн орон зайг л мөрөөддөг болсон байх.

Энэ мөчид би түүний яг юуны тухай яриад байгааг ойлгохоо бүрэн болилоо. Эхэндээ зүгээр л олон хүмүүс түүнд итгэдэг учраас тавьдаг хүлээлт нь дарамт болжээ гэж бодсон юм. Дараа нь магадгүй тэр ямар нэгэн онцгой зүйл хийдэг болохоор хүмүүс түүнийг үргэлж харж байдаг гэж төсөөлсөн ч одоо бол ямар ч таамаглалгүй үлдчихлээ.

Me
Би нэг л сайн ойлгож өгсөнгүй. Чи яг л ямар нэгэн нөлөөлөгч, алдартан шиг амьдралтай хэрэг үү?

Riki
Үгүй дээ, тийм том зүйл огтхон ч биш. Зүгээр л хүмүүс харж байдаг учраас нэг тиймэрхүү л. Ингэхэд чиний эргэн тойронд хэр их хүмүүс байдаг вэ?