شريعة الطغيان
البارت الاول
ديلانهۃ
لتنسون التصويت + التعليق بين الفقرات + متابــ؏ــة لحسابي يا حلوين ♡
...
گاعد ؏ كرسي بمكتب وتد مددت رجليه بالبسطال على الميز الگدامي و بيدي الساعة الرملية اگلب بيها و اباوع على وتد الگاعد وره مكتبه ما عاجبني حاله ..
شايل بيده مسبحة هاديتها اله حبيبته من ترقى برتبة الرائد
اباوعله لاف مسبحتها بأصابع ايده يشم ويبوس بحباتها وحدة وحدة بهيام و يبتسم
مرچي راسه على الكرسي و يباوع للسگف سارح بخياله يفكر بيها غمض مقرب معصم ايده من خشمه يستنشق عطرها
رفعتله حاجب - دكاافيي طايحلي بوس بهالمسبحة
التفت باوعلي خطف ملامحه باردة رجع لوضعيته ساند راسه على الكرسي رفع ايديه وره راسه
: - مشتاگلها
- ما ضل شي للعطلة مالتهم ويجون تسياره علينه يكملون عطلتهم بذي قار وعود گابلها و اگعد اشبع شوف
غمض عيونه متجاهل كلامي حچه بقهر
: - آخخخخ لكك احترگ وارد انطفي بنظرة عيونها و هيَّ ولا عبالك ما تحس بناري
- طبعاً ما تحس اذا انتَ مَ جاي تعترفلها شدراها بيك تحبها تشم گفه ايدها قابل ، صارحها و تزوجها و فضنااا
: - ما تتقبل
- شمدريك بيها مَ تتقبل جربت ، حچيت وياها ؟
: - لا بس اعرف ، نفسيتها ما تتقبلني و تصدني اذا عرفت بيه احبها وتفقد ثقتها بيه ساعتها الموت يكون اهونلي وعيونها
- عاشت ايدك حبيبي و عود من تروح من ايدك تندم
: - ما ترووح ابوها ما ينطيها لحد ما تكمل دراسة هذا العرفته ومطمني لحد الآن
عگدت حاجبي مستغرب
- شمدريك انتَ
: - هو ابوها گال من چانت تدرس بمعهد چان بوقتها معارض ما راضي ادفع الاجور مالت المعهد يگلي شنو دخلك تصرف على بنتي لا مسؤوليتك ولا تقربلك ما اقبل تتصدق علينا و من هالحچي
تالي اضطريت و گتله اريد اطلب منك ايد روشان للزواج بس تخلص السادس ان شاء الله جاييكم مشاية عليها
وهو الرجال الگاع ما شالته وافق بسرعة بس گال خل تكمل الدراسة وره الجامعة يلاا افاتحها بالموضوع
- حجزتها من ابوهااا ؟؟ العببببب شنو هاي التطوراات شو ما ادري .. كمل و بعدين حاچاها يعني تدري هسة ؟
: - لا
- لييييييش مو گالك من تخلص سادس و هسة هيَّ ثاني كلية المفروض گايللها و تدري
المفروض هسة متزوجين
أنت تقرأ
شريعة الطغيان
Mystery / Thrillerبيت مهجور .. ليل حالِك بالسواد و صوت المطر برا اشتد گمت للشباك فتحته ، المطر عالي غمضت عيوني بخوف اثناء ما چان البرق محتل السما سديته بأيد ترجف مشيت بخطوات هادئة للباب واني اعرف ان ماكو احد عيني صارت ؏ الحبال الچانت مربوطة بيها ايدي ضوة الغرفة خف...
