شريعة الطغيان
البارت السابع
ديلانهۃ
لتنسون التصويت + التعليق بين الفقرات + متابــ؏ــة لحسابي يا حلوين ♡
...
نهاد رفسه حيل راسه گام ينزف دم
مُتيم غمض يهمس بصوت ضعيف
- يردون ياخذوچ مني بس ما اخليهم روشااان وحق من انزل القرآن
التفتت لروشان الي حاطة أيدها ع شفتها و تبچي بحرگة على شكل متيم
لو ما وتد و شبل هنا چان عرفت شلون ازوهرهم هالادبسزية ذول
وتد بوده يشرب من دمهم
روشان خشمها مدمى تباوع لمتيم و تبچي
و متيم عيونه المدمعة متعلگة بيها و يرجف من الدم الماخذ طوله
وتد عيونه حمر .. نزل عينه شافهم شلون واحد يباوع للثاني مدمايين و يبچون على بعض
صعبة يشوف الي روحه بيها تبچي ع انسان غيره و گدامه !
وتد - نهاااد اتركه
نهاد : ما عدنا نسواااان تاخذ من الكليةة
:- احچييي عدل لا افرك حلگككك
مربيها ع ايدييي ، حسبالك مثل خواتك
شداااااحچييييي گتلكككككك عوفه
جر نهاد من ياخته طيحه بالگاع
شبل سحب وتد يحاچي و وتد معصب
ساد الهدوء فترة مو قليلة محد يگدر يتنفس يخاف على روحه من اعصاب وتد
مشى بخطوات ثگيلة باتجاه الباب
اندار يباوع لروشان گال بصوت متعوب
- حضري نفسچ باچر الگعدة مالتچ تنقري الفاتحة
- بابا ما يقبل ش شلون
- معليچ .. انا اتصرف
جر حسرة ، مسح وجهه مقهور محروگ گلبه
فتح الباب و طلع وياه شبل الما مستوعب كلشي صار
طلعوا وراه شاهين و نهاد يغلط ، جر متيم وراه وطلعه سحل
بقينه احنا كل وحدة صافنة بجهة
گمت اضرب اخماس بأسداس
يحضر الگعدة مالتها ؟ وتد !!!
گومت روشان غسلتلها تشهگ
- سدنن انا وحدة حقيرة مو؟ اي اي حقيرة وانانية .. طلبته يزوجني متيم .. فضلت حبي و سعادتي على حساب كسرة گلبه اختاريت راحتي و عفته بعذابه
انا احقر انسانة
حضنتها اهدي بيهل
كملتلها نظفت وجهه من الدم و خذيتها لفراشها تنام
بالي يم وتد شنو حاله هسة ..
طلعت منها لگيت نورهان وامها كاعدات بالمطبخ وصافنات ايدهن على خدهن
رحت للحوش اشم هوه اختنگت الصار حيل صعب الله يساعد روشان شلون تحملت
أنت تقرأ
شريعة الطغيان
Mystery / Thrillerبيت مهجور .. ليل حالِك بالسواد و صوت المطر برا اشتد گمت للشباك فتحته ، المطر عالي غمضت عيوني بخوف اثناء ما چان البرق محتل السما سديته بأيد ترجف مشيت بخطوات هادئة للباب واني اعرف ان ماكو احد عيني صارت ؏ الحبال الچانت مربوطة بيها ايدي ضوة الغرفة خف...
