شريعة الطغيان
البارت الثاني
ديلانهۃ
لتنسون التصويت + التعليق بين الفقرات + متابــ؏ــة لحسابي يا حلوين ♡
...
وصلنا لبيت عمو قائد ابو وتد استقبلونا احلى استقبال طايرين بينا
سدن و سديم اخوات عمو وتد شفتهن واگفات بباب الطرمة رحتلهن اركض شمرت روحي بحضن سديم شگد احبها نسمة هادئة مو بنية
بستها ورحت سالمت الباقي انتبهت عمو وتد ما موجود
اذا اريد احچي عنه ما اوفي اعزه معزة عم او بمقام أخ جبير او اب مساندني بأصعب الاوقات مستحيل اوگع بمشكلة اذا ما يقدملي ايد المساعدة
رغم شگد اسمع حچي ينگال الي عن مشاعر وتد تجاهي بس مستحيل اصدگ الكلام الينگال لان اعرفه مو هيچ و مستحيل تتغير نظرتي اله بيوم .
انتبهت حتى شبل ماكو اكيد عدهم واجب اليوم لأن چان شفناهم
گعدنا بالاستقبال ورة ما بابا رجع لمحافظتنا .. الاهل بدأوا يفتحون مواضيعهم و يسولفون شويه ورحت ويه سديم وسدن جوه بالغرفة
ضلينا نسولف و سئلتهن على عمو وتد لان حيل مشتاقتله
هنَّ بقن يغمزلي و يضحكن
سديم - هاا هاا وانه اكول شبيها رشينه تدور بالوجوه چن مضيعه رويحتها تالي طلعت تدور على حبيب الگلب هههههه
سدن ::- اي خيه غير ذوله الغوالي
شهگت
: - ياااا شبييييچن عزاا بعيني هاي صدك تحچن وتد بمقام عمي
سديم بضحكة
- نتشاقه وياچ بعدين عادي شكو بيها اذا حبيتيه ترة وتد اخوي يستاهل وحدة تحبه
روشان :- سدييم عليچ الله كاافي لتحچن هيچ والله اضوج متعرفين شنو عمو وتد بالنسبة الي الله يخليچ لتعيدين هيچ حچي بعد حتى لو شقه اضوج
سدن حاولت تهدي الوضع گالت
- المهم هسه اظن عدهم مداهمة اليوم لليل يلا يجون
سكتنا لشوي و ترخصن يرحن يسون العشا
اني واخواتي بقينه بالغرفة بدلنه ملابسنه لان نتضايق نبقه بيهن لشويه اجتنه سديم تشوفنه اذا كملنه حتى ننزل وياها
گلنالها
- مكملين يلا
نزلنا نشوف شنو نسوي لگيتها كلشي مكملة بس هيچ تريدنا يمها نسولف وياها گعدنا يمهن بالمطبخ
خذيت رمز النت منهن و تركتهن يسولفن
اول ما فعلته بالتلفون اجت رسائل و مكالمات من متيم فوگ ال 90 رسالة و 42 مكالمة
انداريت اشوف خاف احد يشوفني شكتب لگيتهن ملتهيات بالسوالف ويجهزن بالسفرة و المواعين يصبن اكل مو يمي اخذت نفس
أنت تقرأ
شريعة الطغيان
Mystery / Thrillerبيت مهجور .. ليل حالِك بالسواد و صوت المطر برا اشتد گمت للشباك فتحته ، المطر عالي غمضت عيوني بخوف اثناء ما چان البرق محتل السما سديته بأيد ترجف مشيت بخطوات هادئة للباب واني اعرف ان ماكو احد عيني صارت ؏ الحبال الچانت مربوطة بيها ايدي ضوة الغرفة خف...
