شريعة الطغيان
البارت السادس عشر
ديلانهۃ
لتنسون التصويت + التعليق بين الفقرات + متابــ؏ــة لحسابي يا حلوين ♡
...
بدت تاخذ من المكان و تمشي اسرع اسمع متيم بالتلفون يصيح وانا من حلاة روحي فاقدة بس اصرخ حتى هو نسيته
لمحت اهلي الطلعوا من البيت يتراكضون امي شافتني تخربطت نورهان و لمى كامن يعيطن و يبچن سندت امي لمى رادت تتقرب من يمي بس لفحتها النار على اصواتهن اجوا الجيران گاموا يشمرون ماي و زادت النار اكثر
ما اعرف شوكت اجة متيم لمن شفته بنصهم و انتقلت نظراتي على وتد الشاف امي و حاچاها حسباله ماكو احد صابه الحريق عيونه تفتر بالمكان يدورني مدري شگالتله امي و هو عيونه صارت براسه راد يتحرك كضه شبل الچان وراه
دفعه و اجة بكل سرعته يركض قبل ما اشوفه يطب بنص النار الماكلة جوانب المحل
خذته النار سيره لهيب عشگه الي لنيراني
فك الحدايد حتى تطلع رجلي منها
:- خما صارلچ شي
- خايفة
:- لا تخافين شوفيني يمچ انا
حاطة وجهي برگبته اناشغ و هو ساكت يريد بس يطلعني
رفعت راسي من رگبته امسح دموعي دفعته : - وتد النار لا تحرگك فدوة اروحلك اطلع منا
:- گتلچ يا نعيش سوة يا نموت سوة
شفت وراه شبل اتسعت عيوني بصدمة : - ش ششبل
اندار وتد يباوعله خازره : - شببببببل اطللللع منننا
شبل تقدم يمنا يفك بالحديد وياه حاار يچوي صار من النار
:- الله يخليكم طلعو منا لا تحترگوووووون وتدددددد الناااااارررر شببببل راح تحتررررك
نثت شرارة نار من جهة الگاعد يمها وتد رأساً سحب شبل عليه
وتد عيونه تجدح نار صاح بي : لكككككك تعاااااال هيييييچ
رجع يفك وياه بالحديد حار ما ينلزم صار وگعت عليه كارتونة محترگة النار ماكلتها اكل تلهب منها
وتد :- النارررر راححح تحترگكك گووووم اطلعععععع براااا
- لتحترگون فدوة طلعوا عوفوني
شبل : - و شكو بيها نجتمع بجهنم نسير على ابو لهب و انتِ وحمالة الحطب تگومن تصبولنا چاي هي بس جهنم تلفينا من وراچ البگةةةة
سمعنا صوت سيارة الاطفاء اجت بدت النار تخمد و الدخان خنگنا خنگ ضلينه نگحگح
- وتدد ا اطلع الله يخليك انقذ نفسك
أنت تقرأ
شريعة الطغيان
Mystery / Thrillerبيت مهجور .. ليل حالِك بالسواد و صوت المطر برا اشتد گمت للشباك فتحته ، المطر عالي غمضت عيوني بخوف اثناء ما چان البرق محتل السما سديته بأيد ترجف مشيت بخطوات هادئة للباب واني اعرف ان ماكو احد عيني صارت ؏ الحبال الچانت مربوطة بيها ايدي ضوة الغرفة خف...
