شريعة الطغيان

8 -

شريعة الطغيان
البارت الثامن
ديلانهۃ

لتنسون التصويت + التعليق بين الفقرات + متابــ؏ــة لحسابي يا حلوين ♡

...

- انطي التلفون لبگه وتددد علگ ضغطههه خشمه طگ دمممم ما جاااي يوگف

لطمت على خدي و ركضت سحبتها من النص انطيتها التلفون

باوعتلي مستغربة عاگدة حواجبها

: - وتد علگ ضغطه ، خشمه ينزف دم و لهسة ما واگف النزف

- خل اشوفه

هزيت راسي ، لبستها عبايتها و اخذتها لبيت ابن عمي ابو هيثم همَّ يمهم گاعدين

دخلنا گبل بدون ما نسلم ركض للاستقبال لگيناه ممدد على الكرويتة و يم راسه شبل يقيس ضغطه و بصفهم علاجات مال ضغط

راحتله تركض گعدت بالگاع يمه تبچي

روشان : عموو آسفة الله يخليك سامحني الله ياخذني على حرگه گلبك
الله يموتني و ترتاح يارب

مسحت وجهه بچف ايدها الناعم و باست راسه لازم كلينس على خشمه الينزف گاللها

: - مبرووك شايفة كل الخير

عيونها حمر خدودها مزلغات شالها متخربط انفاسها سريعة و الدموع تنزل بحرارة ع خدها

شالت ايده الكاض بيها الكلينس يمنع الدم و مسحت الدم مالته بوشاحها الابيض تلطخ من دمه ، تباوع عليه عيونه ذبلانة من الضغط و نزف خشمه

- انتهى كلشي بعد ، ما نگدر نغير شي
روحي لخطيبچ .. اتمنالچ السعادة و الحياة الهنية

..

روشان ..

البيت كله هدوء و اظلم كل الي اعرفه ان بس انا الصاحية لهل وقت

بيدي البوم الصور اگلب بي لحدما وصلت لصورة بيها هو شايلني و يضحك عمري بوقت الصورة تقريباً أشهر
ميلت راسي اشوف الصورة الثانية چنت نايمة بحضنه و هو لامني لصدره و غافي ع گعدته

لمست الصورة بأيد مرتعشة نفسها الايد الي چانت متمسكة بقميصه وقتها

بقيت اتواصل وياه لان ما اگدر بدونه اضيع بدون ما استشيره بكلشي اسويه حتى على اتفه المواضيع اروح احچي وياه و اسئله عن رأيه

متيم يعرف بي ما گاطعة تواصلي ويه وتد و ما عنده اشكال بهالموضوع لان يعرف شنو مكانه وتد بحياتي من اول ما تعرفنه وانا حاچيتله عن وتد
 

سدن تواصلي وياها قل بسبب حملها و دائماً يم الطبيبة لان حملها صعب خطية

سديم نفس حطتها حبابة حيل و دوم تسأل عليه اموت عليها