شريعة الطغيان

11 -

‌‌
‌‌
‌
شريعة الطغيان
البارت الحادي عشر
ديلانهۃ

لتنسون التصويت + التعليق بين الفقرات + متابــ؏ــة لحسابي يا حلوين ♡

...

‌

شبل ..

السيارة تمشي بينا بطريق الناصرية
من انخطفت روشان و حددنا الموقع المخطوفه بيه

وتد كلف براق و منير اخوانه يدبرون بيت لعائلة ابو اسمر بالناصرية تكفل بجيتهم منع يبقون بتكريت

ما يأمن يبقي روشان هناك گال بس ياخذها يجيبها گبل لذي قار

رغم دواماتهم و شغل ابو اسمر بصلاح الدين وتد گله تعالوا يمنا و انا ادبر النقل

الطريق طويل و كلنا ساكتين

وتد نز من گعدته يحرك بروشان يريد يصحيها طايحة بيده 

انگلبت صفرة ، وتئن بخوف مبينة جاي تحلم وضعها مو طبيعي

فتح بطل مي من الجايبيه شمره على وجهها و بايده يمسحها

فتحت عينها على كيف بخوف گالت بنبرة مخالطها بچي : ووتد

شبكته و بچت بكل قوتها ، لمها يحاچيها

:-  انتِ حلم والله حلم باعيلي بصفچ انا ليش تبچين

ضمها لداخله يشمها حيل تنهد قبل ما يبعدها من حضنه مجبور كل الي بالسيارة انتبه عليهم

اباوعلها خزرتهم ثنينهم و هي مستمرة تشهگ لزم ايديها بنص ايده اثنينهن يهديها
سكت دقايق دار وجهه عنها فركه بچفه مقهور و رد اندارلها ..

مُتيم مو گلتي اريده ؟ راح اوديچ الهم

- ماا ما اريدهم اريدك بس انتَ

...

سدن ..

بعد ما براق راح لتكريت و جاب وياه بيت ابو اسمر للناصرية يمنه همَّ و غراضهم يسكنون هنا حتى بيت انطاهم من البيوت العند ابوي

بس بعده الغراض ما حاطيهن بي

ورة شهر الثاني من حملي اجيت يم اهلي لان حملي صعب و الطبيبة ضبطتلي مواعيد ازورها بيها لهالسبب بقيت يم اهلي

ساندرا بنت عمي ابو مالك تتردد على بيتنا هالفترة هواي لاحظتها شاغلة بالي بالاخص وره ما سمعت روشان انخطبت لغير وتد

فرحت من كل گلبها يمكن حتى اكثر من روشان
الگاع ما سايعتها

تظن تخلصت من العقبة بطريق زواجها من وتد و وتد صفا الها و الجو خلى الها و تگدر تتزوجه هسة

ما تدري بيه من يوم الراحت منه وهو روحه ما طايقها

حياته انگلبت للأسوأ من صارت روشان على ذمة متيم
يذب روحه ؏ شغله بس حتى لا تجي بباله
و يستلم من شبل غرفة التحقيق يفرغ بيها اعصابه