شريعة الطغيان

الاخير -الجزء الاول-

شريعة الطغيان
البارت الاخير " الجزء الاول "
ديلانهۃ

لتنسون التصويت + التعليق بين الفقرات + متابــ؏ــة لحسابي يا حلوين ♡

...
‌

رجعت ليورة مرتعبة
- وعدتني ما تجبرني

:- جاي تشوفين جابرچ انا ؟

حركت راسي نافية كلامه

اجة بحركة سريعة طبگ شفايفي و اخذهم بشفته نزيت ارجف

مد ايده ورة ظهري شبكني كل قوته

- لتگطعينها فد نوب

:- امااااااه وخر

- چؤ چؤ چؤ خل ابرد گليبي ارد ارتاح اطفي نار الشوگ

طفرت من يمه وگفت يم المراية

:- بس ما اريد هيچ گتلك ما اگدر اتقبلك هسة

فتحلي ايديه و تقدم بأتجاهي
:- يجرالچ بوية شو تعالي خل اشبگچ بعد

رفعتله حاجبي - وتددددددددد

عض شفته
:- گليبه النايم بين ضلوعه

- لا تتسوفل

:- اعشگنچ

- بس لا تتسوفل رجاءً لان انا هم والله احبك موت

ما لحگت استوعب الگلته سحبني لصدره يريد يعضني

:- انا صوچي اگلك احبك ما احبك اضوج منك من تصير ملطلط

:- الله يطيح حظچ ام القبلة العنيفة صرت ملطلط مو ؟

ضحكت الاطفه لزم ايدي و گعدني على الچرباية و گعد بصفي بقينا نسولف و هو صاب كل اهتمامه ؏ كلامي

وراها مليت كلش باقين بدون شي التليفونات تاركينها و گاعدين

:- ما اگدر والله اعتبرك من اهلي شلون اتقبل الموضوع

- نصبر شبيدنا غير الصبر اهم شي حطيتچ بذمتي و تحت مسؤوليتي و تطمنت انتِ الي الباقي مو مهم

:- اروحن فدوووة

- شگد احبچ

ايده حاوط بيها ظهري

:- غلطانة چنت من ردت ابعدك

- ما صار شي .. بالنهاية و مثل ما وعدتچ ، صرتي الي

رحت للحمام بدلت البدلة لبست دشداشة محتشمة و شال شمرته على راسي ما اريد اي شي يكون اغراء اله

اذا راد يتزوج عليه ما امنعه بالعكس اشجعه و اروح انا اخطبها اله لان اعرف راح اكون مقصرة وياه و من حقه يحب و ينحب

اجت سدن وصتني ما ادخل ساندرا او زمرد للغرفة لو شنو يصير

صارت بـ 12 بالليل فتح الباب طب وتد
شافني لابسة دشداشة و حجاب راد يحچي بس تراجع راح للكنتور فتحه يدور ملابس