شريعة الطغيان

3 -

شريعة الطغيان
البارت الثالث
ديلانهۃ

لتنسون التصويت + التعليق بين الفقرات + متابــ؏ــة لحسابي يا حلوين ♡

...

فتحت عيوني بصدمه وتخصرتله
:- شنوو.. لا والله

- اي والله انعل ابوچ الي هو عمي اذا ترفضين عبالچ مثل وتد الضال يسحن بروحه على البگه يمته تمطر و تحن عليه اني شبل انعل شيب الخلفچ

:- شنيييه ماريدك ولي

خزرني - لتگولين وليي لا اچفص بمصارينچ ترحيلي فدوة

: - عوود افكرر يجوز ما اقتنع بيك

- تفكر هيَّ صاحلها شبل و ترفس نعمتها خالتي ثريا داعيتلچ بليلة القدر هالحصلتي شبل

ثريا ::- شبل چاا يمه جاي تخطب لو تعارك ؟

شبل - چاا خالة بتچ تفور الاعصاب

حچيت احرگ اعصابه
::- هاهية مرفوض ما اريدك

- شلون تخليني انعل ابوها لابو اخوها وتييد الخايس اگله اريد اطلب ايد سدن منك يگلي ما عدنا بنات للزواج ما يشرفني تصير نسيبي

::- اي هاهية اني ويه اخوي شيفصل البس

- طبچ مرض چا راح اخذ نايا المحتحته و انتِ ضلي هاي ضلتچ خل يفيدچ وتييد عود

::- اي يفيدني

استوعبت شگال رفعلته حاجب ..

لحظة لحظة منو هاي ناياا المحتحته ؟

ارتچه على الكرسي و حط ايده وره راسه

- هاي ضابط ويانا امها لبنانية و نايا ماخذة الجمال من امها لهجتها تسحل الگلب تجرر حجايتها جر و تجر گلوبنا وياها موو مره طرگاعة

::- دخيلللك علي احترگنا

- چاا مو ما ترديني

::- ختولي هاي نايا لا والزهرة اكضها اشوفها الغيرة العراقية شلون تصير

باوع لأمي
- هههههه چاا هاهيه عمة هلهلي بعد عيوني

انفتح الباب اجه وتد سلم و سحبله كرسي و گعد يم شبل حط عينه بالتلفون گلب بيه و طفاه باوع علينا اني و سديم

- اگلچن روشانه هم تحاچيچن تحاچنها ؟ شو ماكو

سديم : لا والله ذاك اليوم دزيتلها رسالة ما فاتحتها لهسه

سدن - اي صح اني هم البارحة اتصل بيها يطلعلي يرن بس متجاوب اني اعلمها

شبل : ختولي عوفها و حب بدالها نايا المحتحته ، انا چان حبيتها بس راح اتزوج سدن مترهم بعد

- و شحدك تحبها

سكتت من خزرني وتد نزلت راسي خجلانة

وتد : ما تاكلون نعل